فتحت عيوني وتصنمت بمكاني وعمتي صفنت بوجهي
-اا عمه لاتفهمين غلط اصلا مادري بي هنا
صاحت بصوت
-هاي شعندك هنا عليويي
طلع من الحمام مصدوم اجه باتجاهنه لابس بس بجامه والتشيرت بـ ايده وجسمه وشعره كله ماي
-يوم لاتفهمين غلط قبل شوي اجيت الها ردت احجي وياها لكيتها نايمه ودخلت اسبح
-ولك اني مو جاهل حتى تمشي عليه هاي سالفه
-اوو يمه مرتي حلالي انتم شعليكم عسى ماخذها هم معليكم
-ولك ماما عيب من اهلها
رادت تكمل و انتبهت لملابسي فتحت عيونها بصدمه وكالت
- ولج انتي شنو لابسه زايعين المستحه على الاخر عزا بعيني
حجيت ودمعه بعيني
-عمه اني شعلية غير ابنجج جفت عليه بنص اليل
-خلاص ماما كافي لاتبجين علينه ماريد السالفه تتكرر قبل ماتتزوجون
هزيت راسي قبل ماتطلع كالت
-بعد اذا شفتك هنا اكص رجليك
-استغفرالله يمه ترا مو جاهل
-مروه انتي غيري ملابسج وتعاي ساعدي غزوله وسارة بالغده و انت الحكني
طلعت وعلي باوعلي وكال
- انتي شلون تفتحين الباب الها
نزلت دمعه مني وكلت
-ايي واني ماشفتك يمي وين ادري بيك بالحماممم اشم كفى ايديي عبالي نزلت جوه
حضن راسي وكال
-اششش بابا اسكتي يلا مصار شي لتبجين كرزه
-هسه شفكرت من شافتنه ها والله عيب هسه تروح تكول لـ ماما عليه شنو اكلها
-لا متحجي اسكتي ابوية انتي مسحي دموعج يلا ، اني نازل جوه
باسني من خدودي لبس تشيرته وطلع
واني رحت للحمام غسلت وجهي وطلعت غيرت ملابسي ونزلت اساعد البنات
_______________________________
"جمان"
طلعت من الحمام ونمت لان هلكت من شغل البيت شوي وحسيت يامن حضني ونمنه للعصر كعدني
يامن :- جمانتي اني طالع اذا حتاجيتي شي اتصلي علية و حضري نفسج باليل نطلع البيت اهلج
جمان :- تمام حبيبي ديربالك على نفسك
باسني من راسي وراح واني كمت للحمام غسلت وجهي و دخلت للمطبخ كلت اسوي كيكة وفطاير النه للعشة جهزت العجينه وحطيتها على صفحه من صارت بـ 6:30 سويت الكيكة وحطيتها بالفرن ورحت توضيت وصليت كملت ورحت اسوي الفطاير
كملتهن وكمت طفيت الكيكة وسمعت صوت الباب عرفت يامن رجع غسلت ايدي وطلعت من المطبخ اركض وصلت لـ نص للصاله
