مشهد من البارت السابق
......................................................
اخذتني للمكان شارع ضيق و بي نفايات و رطب وريحته عبالك بزون ميته اباوع مالكيت احد مكان فارغ التفتت لمكان الطفله مالكيتها سمعت صوت شخص يمشي كبالي
رفعت راسي و اشوف الصدمه
......................................................
- زلم محاوطيني ضخام وملابسهم سود و ملثمين خمستهم اجو عليه يركضون و اني مصدوم من الي صار الطفله وين و منو هذول
اجه عليه واحد بايده سلاح و واحد وراي و ثنين من جهة اليمنى و اليسرى تقدمو عليه يضربوني ضربت واحد منهم و هجمو عليه البقيه واحد لزم ايدي ربطهم بحبل و ثاني حط وصله بيضه على وجهي بقيت افر براسي عرفت هذا شنو ماريد يأثر عليه المـخـ*ـدر
- حاولت شكد ماكدر افك ايدي ماكدرت خـدر كل جسمي و غمضت عيوني و بعد ماحسيت اله و اني ب غرفه بيها ضوه خفيف باوعت على الغرفه بيها دم على الارض و سناسل حديد و صدنوق حاطينه بالزوايه و فراش و ريحه كريهه
- كمت على الباب اصيح و اضرب علي بقوه كأنما بس اني موجود بهذا المكان ماكو احد يجاوب ولا صوت بقيت افتر بالغرفه كلت ممكن اكو باب هنا اكدر اطلع منه بس مالكيت! شوي و سمعت الباب انفتح و اشوف رائف يدخل كمت بسرعه و رحت اهجم علي بس دخلو ويا نفسهم الي جابوني ولزموني
باوع عليه و ضحك ضحكه مستفزه و عاليه
أصهب :- شبييييك انتَ تخبلتتتتت شكووو جايبينيي هنااا عوفونييي
اصرخ باعلى صوتي اريد اهجم علي بس ماكدر لازميني ثنين اضخم مني
ابتسم تك خد و كال
- اخيراً كدرنه نقابل شخص من طرف الدكتور عمر
خزرته وحجيت
أصهب :- شتريددد منيي لك گ***
- ههههههههههههه اهدأ ابني مراح اسويلك شي راح اتركك بس ب شرط
رفعت حاجبي و حجيت
أصهب :- وهواا ؟؟؟؟؟
- يرادلها كعده و كوب قهوه، جيبو وراي
طلع و طلعوني ورا امشي وياهم و صاير اعصاب اخذوني لمكتب و كعد و حجه
- اطلعو برا وخلوني اتفاهم ويا
- بس...
كال بنبره حاده
- شحجيتت
طلعو و تركوني ويا
أصهب:-رائف احجي شتريد مني و ليش جبتوني بهذا المكان
اشر بأيده على الكرسي و حجه
- تفضل اكعد
كعدت وحجيت بصوت
- احجيي خلصني شرايد منيي
- اولا اريدك تشتغل وياي عندي مهمه وحده تسويها و اعوفك
باوعتله بعصبيه رفعت حاجبي و حجيت
- و ثانيا؟؟؟
- عمر
- شبيي عمرررر انت جايبني هنااا اني وياكك نتفاهم لا دخل اخوي بالمووضوععع
