مروه :- اصهب شبيك اكو شي زاعجك؟
أصهب :- لا لا ماكو شي اكلي
-اكلت اكلي و شويه وكال اصهب نرجع للبيت استغربت حالته ليش فجأة نكلب جان يضحك ويسولف وياي و هسه عصب و بس يتنافخ
رجعني للبيت و اني كبل رحت لغرتي نمت حته ماغيرت ملابسي.
____________________________
اصهب:-اذا هوه ابن العم راضي
كتلهم يلا اخذو راحتكم بعد ماخربت مزاجي
بت ال*** شلون طالعه بس انه الها اذا مااكسر خشمها اليابس
رجعنه اني و مروه للبيت من دخلت شفت عمر و امي بالصاله كتله يجي للحديقه نحجي اني طلعت و اجه وراي
عمر:- ها خير صار شي جديد؟؟
حجيت بنرفزه
أصهب :- اي صارر يردوني اخذ بضاعة اعبرها تهريب
عمر:- اي سوي الي يردونه
باوعتله بصدمه
أصهب :- لك انت صدك تحجييي عمر تستوعب لموضوع ترا بي خطوره علينه شبيكك
عمر:- و احسنن تعرض حياة امي و اختيي للخطر هاااا دحجيي لك؟؟
ردت احجي و طلع ابوي و امي على صياحنه
- هاي شكو شصاير هنا!!
عمر:- ماكو شي يابه موضوع تافهه جاي نتناقش بي
اسيل :- يمه يا موضوع تافهه انتو شوي وتتكافشون دحجو شكو
أصهب :- يمه احنه جهال لخاطر الله نتكافش شنو
عمر :- ماكو شي ، احنا طالعين فد ربع نص ساعه وراجعين
طلعنه اني و عمر للمنتزه قريب علينه
عمر :- أصهب سوي مثل ماكتلك مو احسن ماتعرض حياتنه واحد واحد؟
أصهب:- عمر صعبه صعبه تفهم انت لو لا!؟انت تدري اذا سويت الي بالهم ممكن انسجن يمكن 5 لو 15 سنة اطلع الشيب ماكل راسي منو الي تقبل بيه تريدني اضيع عمري علمود شغله تافهه مال جهال؟؟
عمر :- لك يا اخيي افهمنيي مراح تنسجنن افهم يا بني ادم ويانه صديق ادم شبيك انت مو كنالك نقيب رافد راح يتوله هاي القضيه و هوه يكلك ع باقي الشغل و نشوف شنو يصير وكتها، يااخي وافق، ماعدنه غير هذا لخيار ترا عائلتنه كلها بخطر،
نزلت راسي متحسر وحجيت
أصهب :- الله كريم افكر منا لباجر خلي نرجع للبيت هسه
حط ايده على ضهري و كال
عمر :- يلا كوم هسه بقه بالهم يمنه
__________________________
"مروة"
كعدت المغرب ويه الاذان بدلت ملابسي غسلت وجهي و نزلت لكيت اخواني و بابا و ماما جاي يصلون وغزل كاعده على صفحه تقره قرآن و بحضنها علي شكد حبيت منضرهم ابتسمت ورحت كعدت يمها، حطيت راسي على جتفها
