كعدت ابجي خايفة بصوت عالي سمعت لباب نفتح كل ضني اصهب مسحت دموعي ورفعت راسي وكمت فازه رجعت لورا
-ش ششتسوي هنا؟؟
بقه صافن بوجهي و بس يبلع ريك
انتبهت اني بدون حجاب اخذت لحجاب جان يمي بسرعة وحطيته على راسي
اجه تقرب بـ اتجاهي صار قريب عليه واني رجعت لورا قرب وجهه عليه واني ابتعدت اخر شي لزم وجهي وفتح عيونه حيل
- شكوو علي وخر شدسوي
-هايي منوو ضاربجج اصهب؟؟؟؟
بعدت ايده ورجعت لورا
- معليك اطلع لا يجون اخواني فدوه ماريد مشاكل بعد
-طالع طالع، بس هاي ليش عيونچ حمر باچية!
هزيت راسي بـ اي
-اطلع علي ماريد مشاكل
- طالع بوية طالعع
طلع من لغرفة واني رحت للحمام اغسل وجهي وشفت خدي احمررر و طبع ايده واضح وعيوني وارمات وصايرات حمر تنهدت ورجعت للغرفة لكيتها ساعه بـ 2 حطيت راسي على لمخدة ونمت
كعدت ثاني يوم على هوسه يم راسي وخرت الحاف من وجهي و اشوف لبنات و امي و عمتي و علوش
-هاي شكوو ياستار شصاير هنا؟؟
- كومي يولوو اليوم عقد قرانج
فتحت عيوني مصدومة
-شنووووو؟؟
غزل:- اي اليوم تعقدون انتي وعلي
اسيل :- كومي ماما يلا عيب الولد ينتضرون جوه علمود ترحون تعقدون
مروة:- شتحجون انتو عقد شني فتر عقلي شبيكم
اسيل :- لج بنتي علي خطبج من ابوج و اخوانج كالو موافقة من لبارحة حاجين بالسالفة ويه علي ابن عمج
بقيت مصفنه بالوجوه من صدمة لبارحة مجانو راضين شنو الي غير رايهم يااا
سحلني من ايدي رحت غسلت وجهي ورجعت الهن طلعن امي و عمتي وعلوش و ققلن الباب وجابن مقشرات ومرطبات و شيرة
- هاي شنو المن هذن كلهن؟؟
- الج حبي بس لا تردين طلعين هيج انتي وكفشتج لاخوي ترا مااقبلها
سحلني وكعدني واجن كعدن يم رجليه وبقن يشيرن بيه واني اعيط
- احتركت روحجن
- انلصمي مروة
خلصن جسمي بعد ماشيرنه و قشرنه وذبن علية ملابس ودخلني للحمام اسبح دخلت سبحت و اني اضحك عليهن حطيت مرطبات و عطور مال جسم و مخمرية ولبست ملابسي وطلعت الهن اجت سارة تقربت علية وكالت
- ايي هسه ينطلع بيج ريحتج تخبل صارت
غزل:- يلا يلا ترا تاخرتي هواي صار ساعتين ينتضرونج
