" جمان"
جمان :- يامن.....
استنشق شعري وزفر نفس
يامن :- (همس بفحيح) عيونه وروحه وكلبه لـ يامن گولي يابعد عشيرتي
جمان :- اني حامل
گام من مكانه مصدوم
يامن :- جمان اذا شقه لا تشاقين هيچ
_ابتسمت بوجهه ولزمت ايده وگعدته يمي اخذت وجهه بين ايديه وصفنت بعيـونه وانه احچي ..
جمان :- "أ ن ي ح ا مل" وعيونك الأحبهن مو شقه
_ نزل ايديه من وجهه ورجع گام صار يفتر بالحديقه ويدردم بينه وبين نفسه
يامن :- ي يعني هسه انه راح اصيرر أب
جمان ( بضحكه )
أي حبيبي واحلى أب راح تكون
يامن :- بروح أمچ مو چذب يعني؟
جمان :- تعال وياي
_ سحبته من ايده ورجعنا للغرفه
اخذت التحليل المنزلي وگتله ...
تأكد بنفسك وشوف صدگ لو چذب
يامن :- بلع ريگ
_ تعالي تقربي بالله
_ تقربت عليه وهو بعده بصدمته يتلمس بطني ويحچي
يامن :- بابا بابا انه راح اصير بابا جمانن جماان
_ حضني بُكل قوته ودفن راسه برگبتي وحسيت برجفته بادلته الحضن وشعورنا ما ينوصف من الفرحه
جمان :- حبيبي باوعلي
بعد وجهه من رگبتي ونزلوا دموعه
_يمهه رجليي فدوه رحت لدموعك اني
رجعت حضنته وهو يناشغ بالبچي وما مصدگ فرحته صارت بگلبي
وتضاعفت الفرحه عندي من يومها وصار يامن بشخصيه ثانيه ...
يامن :- حبيبي لازم نتفق منا وجاي اي شي تردي مجرد ما تأشرين عليه راح يجيچ جاهز يمچ بدون ما تعبيلي نفسچ فاهمه شغل ما شغل انسي بعد
انه انضف انه اطبخ انه اشيلچ ما اخليچ تمشين هواي وتعبين روحچ
جمان:- عزااا يامن صدگ تحچي
مو لهل درجه ما راح اموت اذا مشيت لو اشتغلت
يامن ( بعصبيه )
_ والله حبيبتي هذا العندي ما تسمعين كلامي حتى نوم انه انومچ
جمان:- لا فدوه شنوو هايي ميصير هيچ
يامن :- وعيونچ الما احب غيرهن
الي گلته راح يتنفذ و بالحرف الواحد
_ ما گدرت ارد بعد اكتفيت بـكلمةة
"صار"
بعد شهر من دلال يامن ألي
احس الگاع مشايلتني من الفرحة
وبنفس الوقت خايفه
لأول مره اكون حامل وما اعرف شلون اتصرف وشلون اهتم بنفسي ولو يامن ممقصر بس اعتقد هاي هرمونات الحمل هههه استغليت وجود يامن بشغل ودخلت المطبخ سويت برياني للغده بعدها بلشت احضر ممواد الكيكة
