#صراع_الجبابرة
بقلم #روز_الفياض
ج١١
شمه : اي صديقة؟
ايوب : هبه ..
شمه : جايه هنا ؟
مجاوبني مشى كدامي واني رحت امشي وراه وبقت لمياء وحدها ..
المكان جان ازدحام بس هوايه ناس ..
جان يمشي كدامي فجأة اختفى ..
بقيت واكفه بمكاني بنص المعرض بوسطة الناس لااندل ارجع وااندل اروح ..
ماادري وين اختفى ..
شوية وطلع من بين الناس كلي :
تهتي ؟
شمه : انت اختفيت ..
ايوب : يالله لاتضيعين
شمه : بس على كيفك امشي حتى الحك عليك ..
دار علي كلي :
شرايج نوكف هنا ؟
شمه : ليش ؟
ايوب : ماملاحظة طريقة كلامنه اني وياج مو مثل اي مدير وموظفة ..
شمه : ليش؟ بالنسبة الي انت مديري.. وماكو شي ثاني ..
ايوب : بس اني اسلوبي وياج مختلف .. اني حباب تره بس ماادري ليش احب اضوجج
ضحكت كتله :
حباب هههه
ايوب : والله العظيم .. بس احب اضوجج
شمه : هذا هم حظي
ايوب : بس انتي هم مو هينه ..
شمه : شلون ؟
ايوب : يعني هم تردين متسكتين اذا حاجيتج .. تهجمين علي .
شمه : والله تريد الصدك .. بس وياك لساني هيجي واحجي وارادد هههه
ايوب : ها هههه يعني هم طلعتي مثلي حبابه
شمه : اني حبابة دائما بس قوية وارد وقت اللزوم .
ايوب : امشي خل نتمشى ..
شمه : وين ؟ ولمياء؟
ايوب : شبيها لمياء كاعده هسه وخابصه الامة تلكيها اوستاذ اوستاذ ..
طكيتها ضحكة بصوت عالي لان طلع منتبهلها ...
اشرلي اسكت ..
شمه : سكتت ..
مشينه شويه كال :
شمه خلي الرسميات على جهه .. خل نحجي بصيغة اصدقاء ..ممكن ؟
شمه : اي بس ماكو صداقة بين الرجل والمرأة
ايوب : منو يكول .. اكو طبعا .. مادامت النوايا طيبه معناها اكو ..
شمه : مااؤمن بهيج شي ..
ايوب : ليش ؟
شمه : لان تبدي صداقة بعدين تتحول لشي ثاني ..
ايوب : لا اذا الطرفين كبار وواعين ومثقفين راح تكون عدهم حدود وتكون عدهم سيطرة على مشاعرهم ..
شمه : يجوز
ايوب : يعني هسه احنه اصدقاء على الاقل من جانبي ..
بقيت ساكته لان مااحب سوالف الزحف وهذا راح يخبلني ساعة افكر بيج وساعة اريد شريك مدري شنو وساعة خلينه نكون اصدقاء وين يريد يوصل ..
ايوب : عندج صديقات مقربات؟
شمه : اي عندي
ايوب : تحجيلها خصوصياتج ؟
شمه : ممكن بس بحدود مااحب احجي لاحد عن حياتي الخاصة ..
ايوب : اني هم عندي صديق مقرب بس تقريبا يعرف كل شي عني بس اكو حدود احس اكو شغلات مااكدر احجيها اله ..
شمه : زين دقيقة ... وين صارت هبه مو على اساس رايحين لهبه؟
ايوب : جذب ماكو هبه ..
رفعت حاجبي كتله :
وليش هالحركات ؟
ايوب : ماكو ..
بقينه ساكتين ونمشي هو يباوع ويسلم على هذا وذاك واني اطرش بالزفة ..
بنهاية الدوام كال :
تحبون اوصلكم للبيت لو ارجعكم للشركة وترحون ويه البقية ؟
شمه : للشركة
لمياء : للبيت طبعا
