#صراع_الجبابرة
بقلم #روز_الفياض
ج٢٤
جنت حاطه ايدية بحضني ..
مد ايده لزم ايدي ... دكات كلبي عبرت المليون ....
ردت اسحب ايدي منه بس مقبل ...
ايوب : باوعيلي عالاقل ..
بقيت مثل مااني كبريائي وكرامتي منعوني احجي وياه لو اباوعله ..
بقيت ساكته وامسح بالدموع ..
هو هم سكت واسمع حسراته .. بعدين كلي :
تردين اروح ؟
هم مجاوبته .. حسيت بي كام وكف درت عليه كلي :
الظاهر جيتي مناك لهنا بدون فايدة ..
يالله اشوفج بخير ..
شفتها صارت صدك لزمت ايده كتله :
لاا .. لتروح ..
بقى واكف شوية بعدين كعد يمي ولزم ايدي كلي :
هااا نحجي هسه ؟ اريد اعرف معنى هالدموع هاي شنو؟
محجيت رجع كلي :
هاا ؟ دموع الفرح لو دموع الحزن ؟
شمه : الصدمة ..
ايوب : ههههه ممتخيله الكاج مو؟
شمه : ممتخيله تتذكرني ..
ايوب : دائما ظنج بيه سيء ... دائما مخليتني بقفص الاتهام ..
شمه : ماكو شي بدون سبب
ايوب : آسف ... آسف على كل شي صار وياج بسببي
شمه : مصار شي مجرد رجع كل شي لوضعه الصحيح ..
ايوب : شنو هو الوضع الصحيح تبتعدين عني ؟ ترحين للبصرة وتشتغلين ويه واحد توه مصارلج ... شكد صارلج من عرفتيه ؟ شهر ؟ شهرين ؟ تنهزمين مني وتغيرين رقمج ؟وتخليني احتار شلون اكدراوصلج واحجي وياج ؟ هذا هو الوضع الصحيح ؟
مجاوبته لان مجنت اريده يزعل ويروح مااريده يروح ويخليني ..
ايوب : جاوبي .. ليش ساكته ؟
شمه : تريدني ابقى مو؟ لان يمكن محصلت وحده تجذب عليها وتگول ممتزوج ..
ايوب : لااا .. اني ضميت عليج الموضوع اعترف بس مجذبت انتي مسألتيني اذا متزوج لو لا اكو فرق ..
شمه : لان المفروض المتزوج ميحاول يتعرف على وحده ثانية خارج اطار الزواج .. يعني كل ظني انت ممتزوج لان اذا متزوج معناها تريد تكضي وقت وياي وتتونس وبعدين من تمل تشمرني .. تتذكر الكلام اللي كلته الي عن الحجي من جان عبالك اكو بينه شي ؟ نفسه اجه ابالي بساعتها ..
ايوب : انتي دائما تخليني مع ابوي بنفس الخانه .. هاي هي مشكلتج ماعندج ثقه بيه .. يعني بأختياري ابوي انسان مريض بهيج مرض .. ليش ؟
باوعتله كال :
اي مريض لتباوعيلي هيج هذا مرض .. واذا انتي هاي نظرتج كانت وما زالت معناها جيتي لهنا مجان الها اي داعي ..
شمه : اذن ليش اجيت ؟
ايوب : لان طايح حظ .. عبالي تفرحين من تشوفيني .. عبالي تحبيني مثلما اني احبج واريدج ..
