ဆိုးလ်မြို့လယ်ခေါင်တွင်ရှိသောကုန်တိုက်တစ်ခုဖြစ်သည်နှင့်အညီ အထပ်တိုင်းလိုလိုတွင်ဈေးဝယ်သူ လူသူအများဖြင့်စည်ကားပြည့်နှက်နေသည်။
"ကိုယ်တို့ဘာဝယ်ကြမလို့လဲ"
ဈေးခြင်းကိုတွန်း၍ယွန်းဂီကဟိုသည်ကြည့်ရင်းဟိုဆော့ကိုမေးလိုက်သည်။
ဟိုဆော့ကအရှေ့မှဦးဆောင်ကာတက်ကြွသောအပြုံးဖြင့်ဖြေသည်။
"ဒီနေ့တော့ ဟော့ပေါ့ချက်စားကြရအောင် ကျွန်တော်ဟိုနေ့ကYoutube မှာတွေ့ထဲကစားချင်နေလို့"
"ဟုတ်ပါပြီ အဲ့တာနဲ့ပဲကိုယ်တို့ရဲ့ First dateက ကုန်တိုက်မှာဖြစ်သွားရောဆိုပါတော့"
ယွန်းဂီကပြုံးရင်းပြောသဖြင့် ဟိုဆော့မှာရယ်မောမိသည်။
"အဲ့လိုပဲဖြစ်သွားတော့တာပေါ့ဗျာ ဟားဟား"
နှစ်ယောက်သား ဝယ်ရန်လိုအပ်သည့် ပစ္စည်းပစ္စယအားလုံးအား စကားတစ်ပြောပြောဖြင့် ဝယ်ယူနေစဉ်တွင် ဟိုဆော့ခြေလှမ်းတို့တုံ့ကနဲရပ်သွားသောကြောင့်ယွန်းဂီသည်လည်းတွန်းလာသောခြင်းတောင်းဖြင့် ဟိုဆော့ကိုတိုက်မိမလိုတောင်ဖြစ်သွားသည်။
ဟိုဆော့ကြည့်နေသောနေရာကိုအတူလိုက်ကြည့်မိတော့ သူမသိသောအမျိုးသားတစ်ယောက်ကိုတွေ့လိုက်ရသည်။
"ဟိုဆော့ ဘာဖြစ်လို့လဲ"
ဟိုဆော့ကတော့ထိုလူကိုငေးကြောင်ကြည့်နေဆဲ
ယွန်းဂီသတိထားမိသွားသည်မှာဟိုဆော့မျက်ဝန်းတွင် လွမ်းရိပ် များဖြတ်ပြေးသွားခြင်းပင်။
ဒါဆိုထိုအမျိုးသားက ...
သူတို့ကြည့်နေစဉ်မှာပင်
ထိုအမျိုးသားဘေးသို့ပြေးလာကာ လက်ကိုတွဲလိုက်ပြီးစကားတွေရွှန်းရွှန်းဝေအောင်ပြောနေသောအမျိုးသမီးတစ်ယောက်ကိုပါတွေ့လိုက်ရသည်။
ယွန်းဂီတစ်ယောက်ဟိုဆော့ရဲ့ကျောကိုခပ်သာသာလေးပုတ်လိုက်မှဟိုဆော့မှာသတိပြန်ဝင်လာသကဲ့သို့ရှိသည်။
ထိုအခါမှထယ်ယောင်းကိုဟိုဆော့မျက်နှာလွှဲလိုက်ပြီးယွန်းဂီကိုရယ်ပြလိုက်သည်။
"အာ.. ဆောရီးပါ ယွန်းဂီရှီ ကျွန်တော်.."
စကားဆက်ရန်ခက်ခဲနေပါ၏။
သို့သော်ငြားလည်း ယွန်းဂီမှာတော့ အလိုက်တသိပင် အသာအယာပြုံးကာ လေအေးအေးဖြင့်ပြောသည်။
YOU ARE READING
မောင့်မျက်ဝန်းညို
Fanfictionပျော်ရွှင်ခြင်းကရယ်သံကရတယ်၊ရှင်သန်ခြင်းကမောင့်အပြုံးကြောင့်တဲ့၊ဗီးနပ်စ်ကပြောတယ် ထာဝရကခဏပါပဲတဲ့
