وإذا جمعنا النصيب

تنويه🖇🖇

السلام عليكم ورحمة الله وبركاته

ازيكم عاملين اي اتمني تكونوا بخير

إن شآء الله ياحوريات مواعيد الرواية هتكون الفترة دي يوم الجمعة ، بس الساعة كام مش عارفة لسة لإن انا الفترة دي مضغوطة ضغطة كبيرة ومعنديش اصلا وقت حتي علشان انام ف هحاول يوم الجمعة انزل الرواية بس لو مش نزلت اتمني تسمحوني لإني بكون حرفيا مضغوطة

طبعا رواية واذا جمعنا النصيب عجبت الكل وانا اول واحدة عجبتني ، مش بس حبتها بل عشقتها ومش قادرة اصدق ان الرواية دي انا اللي كتباها انا بجد مبهورة بنفسي ودا مش غرور والله دا حقيقة فعلا

وطبعا في روايات تانية لكاتبات تانيين نالت اعجابي برضو وبجد اتمني من كل اعماق قلبي انكم تنشروا روايتي ، دا لو انتوا شيفنها انها تستحق

واتمني كمان تعملولي لايف ومتابعة علشان يوصللكم كل جديد وانا لو مش لقيت اي تشجيع اعرفوا علطول ان الرواية هتتلغي ومش هكملها ، اصل اي لزمتها اكتب ومحدش يقدر تعبي ، وبعدين انتوا مش هتخسروا حاجة يعني لو شجعتوني

في حاجة مهمة حابة اقوللكم عليها الرواية دي انا كنت كتباها في الاول من غير ما اخطط ليها ونشرتها علي الفيس بوك والوتساب وكان اسم الرواية في الاول لكلا منا نصيب ، بس لقيت في خطأ املائي في الكلمة ف اضطريت اغير اسم الرواية وبعدها غيرت الاحداث بعد ماخطت ليها طبعا

ف لو لقيتوا الرواية موجودة علي الفيس ب احداث غير الاحداث اللي موجودة علي الوتباد ف مش تقرأوها لإنكم هتتلغبطوا ، وانا بحاول امسحها ديما من علي الفيس

وطبعا اتمني اللي قرأ الرواية من قبل ما اغير احداثها يعيد قرأتها من تاني لإني حرفيا غيرت الاحداث واتمني من كل قلبي ان الرواية تعجبكم وان شإء الله هحاول ديما ان تكون رواياتي مختلفة عن الروايات التانية ، ودا لإني بحب التأليف

وبحذر للمرة المليون الناس اللي بيحبوا يسرقوا تعب غيرهم انا مش برحم واللي بيجي علي حقي باجي عليه ومش بسكت إلا ما باخد حقي تالت ومتلت ،

والناس اللي هتحاول تسرق رواياتي انا اولا هدعي ان ربنا ياخدلي حقي وانتوا عارفين عقاب ربنا عامل إزاي ، دا غير ان ربنا كتب علي نفسه العدل وانا مش هسامح اللي يسرق رواياتي ، وثانيا ودا اللي هيوديه ورا الشمس اني هخليه يتعرض للمسائل القانونية ، يعني يا هيتسجن  يا هيتسجن ودا عن طريق اني هبلغ عليه ، فـ ياريت تفكر ياحرامي الروايات قبل ماتعمل حاجة وافتكر ديما الجملة دي مني ومش تنساها

كما تُدين تُدان .........واسفة لو انا دوشتكم ، والسلام عليكم ورحمة الله وبركاته

كانت معكم الكاتبة...........مريم محمد احمد