🌻🌿 P ᴏ ʀ ᴛ ʀ ᴀ ɪ ᴛ O ꜰ L ᴏ ᴠ ᴇ 🌻🌿
Eᑭ11
උදෑසන සිටම ශිෂ්‍යයන්ගේ පැවරුම් පරීක්ෂා කරමින් සිටි චාන් හිස එසවූයේ නවයට පමණ පැමිණි ඇමතුමක් හේතුවෙන්.
" ම්හ්, ශුවාන්..! මේ වෙලාවේ... ? මොකක්හරි අවුලක්වත්ද..?" යීබෝ කොහොමත් නිවසේ නිසා ඔහු ගැන බිය වීමට දෙයක් නැත. තමා පෙරදී ලබා දුන් දඬුවම නම් ඔහුගේ සිතට හොඳින්ම වැදී තිබූ නිසා යීබෝ හිතුවක්කාර කිසිවක්ම නොකරන බව චාන්ට හොඳින්ම විශ්වාසය.
" හෙලෝ ශුවාන්..." ඇමතුමෙන් පැමිණි පණිවිඩයෙන් තරමක් කලබලයට පත් වූ චාන් අනෙක් අතට සිය නැගණියගේ අංකය ඇමතුවේය. දුරකතන නාදය සිය ජංගමය හරහා පමණක් නොව දොර දෙසින්ද ඇසුණු බව වටහා ගත් චාන් වහාම දොර විවෘත කර ජියා ලී ව සහ ෂුඒ ව කාර්‍යාලය තුළට ගත්තා.
" ප්‍රොෆෙසර්.."
"ලිලීට ගැටලුවක් වුණේ නැහැ නේද දරුවෝ..?"
" නැහැ ප්‍රොෆෙසර්.. ඒ වීඩියෝස් , ෆොටෝස් ගෲප් එකට වැටිලා තවම විනාඩි පහක්වත් නැහැ... මං ඒවා දැක්ක ගමන්ම ලිලීවත් ඇදන් මේ දුවගෙන ආවේ..." ෂුඒ පැවසුවේ සියල්ලම අන්දමන්ද ලෙසින් අසා සිටි ජියා ලී ඉක්මනින්ම දුරකතනය අතට ගන්නා දෙස බලමින්. විශ්ව විද්‍යාලයේ පොදු චැට් ගෲප් එකෙහි වැටී තිබූ ඡායාරූප සහ වීඩියෝත් , ඒවා පිළිබඳව ශිෂ්‍යයන් දක්වන අදහසුත් දුටු ජියා ලී ගේ දෑස් විශාල් වී මුවත් මඳක් විවෘත වුණා.
"ග'ගා.. මේ..මේ.. ඔයයි යීබෝ ග'ගා ගෙයි ෆොටෝස්..!! මේවා.. මේවා කවුද... මේ ඔයා එයාව හොස්පිටල් එකේ ඉඳන් ගෙදරට අරන් එන වීඩියෝ එකකුත්... දෙවියනේ ග'ගා..!!!" ජියා ලී නොසන්සුන් බවින් කෑ ගසද්දී චාන් ද ඒ ඡායාරූප සහ වීඩියෝ පටය දෙසට අවධානය යොමු කළා.
එම ඡායාරූප නම් රෝහලේදි ගත් ඒවා වූ අතර ඒ සියල්ලක්ම පාහේ තමා යීබෝව රෝද පුටුවේ තබා ගෙන සිටින ඡායාරූප වුණත් , වීඩියෝ පටයෙහි වූයේ නිවස ඉදිරිපස නැවතූ මෝටර් රථයේ සිට තමා විසින් යීබෝව ඔසවා ගෙන යන අවස්ථාවක් වීම තත්වය යට ගැසීමට නොහැකි තරම් බරපතළ සිදුවීමක් බවට පත් කර තිබුණි. තරමක් නොපැහැදිලි බවක් තිබුණත් ඒ සිටින්නේ තමන් සහ යීබෝ බව විශ්ව විද්‍යාලයේ බොහෝ දෙනෙක් හඳුනා ගන්නා බව චාන් එය දුටු සැණින්ම වටහා ගත්තේය. ඊටත් තමන් යීබෝව දෑත් මතට ගත් වහාම ඔහුගේ දෑත් තමාගෙ ගෙල වටා බැඳෙනු ද , ඔහු තමාගෙ දෙතොලට යන්තමින් හාදුවක් තබනුද වීඩියෝවේ සටහන් වී තිබීම චාන්ව තරමක් කම්පනයට පත් කලේය.
උවමනාවෙන්ම ඊට පහළින් තිබූ ශිෂ්‍යයන්ගේ අදහස් දැක්වීම් මඟහැරි චාන් ඉක්මන් කෙටි පණිවුඩයක් යීබෝ වෙතට තැබුවේ මෙය දුටු වහාම ඔහු කලබල වන බව හොඳින්ම දන්නා බැවින්.
YOU ARE READING
⋯ Ꮲᴏʀᴛʀᴀɪᴛ 𝖮ꜰ 𝖫ᴏᴠᴇ ⋯ ᴄᴏᴍᴘʟᴇᴛᴇ
Fanfiction✿♡ Love is a painting that cannot be painted on paper ..... ♡✿ "ඇත්තටම මං එයාට ආදරෙයිද...? ඒ මගේ ශිෂ්‍යයෙක් , මං එයාගෙ ගුරුවරයෙක්.... මේක සදාචාර සම්පන්න නැහැ... ඒත් ආදරේ ඇතිවෙන්නෙ නීතිරීති , සම්ප්‍රදායන්ට කොටු වෙලා නෙවෙයිනේ... ඒත්... ඒත්... තියෙන...
