🌻🌿 P ᴏ ʀ ᴛ ʀ ᴀ ɪ ᴛ O ꜰ L ᴏ ᴠ ᴇ 🌻🌿
Eᑭ12 - අවසානය
" ප්‍රොෆෙසර්.. ප්‍රොෆෙසර්... " දවසේ රාජකාරි අවසානයේ සැනසිලිදායක ලෙස නිවසට යාමට විශ්ව විද්‍යාල භූමියෙන් පිටතට පය තැබූ විගසම ඇසුණු කටහඬින් චාන් නැවතත් හැරී බැලුවේය.
ඒ සිය උදෑසන දේශනයට අද දිනයේදීම සහභාගී වූ නවක ශිෂ්‍යයාව බව ඔහුට යාන්තමින් මතකයේ තිබුණි.
" ඔව් , කියන්න දරුවෝ.. මොකද්ද ගැටලුව..?" චාන් සිය බෑගය කරෙහි එල්ලා ගනිමින්ම විමසුවේය.
" ම්හ්... සර් යන්නෙත් පයින්ද ? සර් පදිංචි ස්ප්‍රින්ග්ෆීල්ඩ් වලමනේ...! මාත් එහේමයි , මාත් සර් එක්කම එන්නද..? එහෙනම් අද මං ගාණේ කොෆී එකක් බොන්න යමුද ?"
කිසිදු පැකිලීමකින් තොරවම මේ අදම හමු වූ තමන්ගේ රසායන විද්‍යාව දේශකයාට කෝපි බීමට ආරාධනා කරන ශිෂ්‍යයාව දෙස චාන් වික්ෂිප්තව බලා සිටියේය.
" ඔහොම බලන් ඉන්නේ අපි යමුද ප්‍රොෆෙසර්..?" ඇය ඔහු අසලටම පැමිණෙද්දි චාන් ඉක්මනින්ම ඇගෙන් ඈතට වූයේය.
" මෙහෙමයි දරුවෝ.. මං යන්නේ පයින් නම් තමයි, හැබැයි මගේ හස්බන්ඩ් එක්ක... එතකොට ඔය කොෆී බොන එක නම් ඉතින් එයාගෙන් අහන්න ඕන..!" චාන් පැවසුවේ ඔවුන් දෙසට තියුණු බැල්මකින් පැමිණෙන සිය සැමියා දෙස බලමින්.
"හ්..හස්බන්ඩ්..!!!" ඇයගේ මුහුණ විරූපි වන්නට ගත වූයේ තත්පර කිහිපයකි.
" ඔව් ඔය එන්නේ.. එයා තමයි..!" චාන් ඉඟි කරද්දි ඒ දෙස බැලූ ඇය තිගැස්සී ගියාය. සම්පූර්ණයෙන්ම කලු පැහැයෙන් සැරසී තමන් දෙස කැපී යන තරමේ බැල්මකින් බලා සිටින තරුණයා දුටු ඇය මඳ සිනාවක් පාමින් එතැන මඟහැර ගියත් එසැණින්ම ඇයට සිහි වූයේ ඒ සිටියේ පසුගිය දිනවල ඔස්ට්‍රේලියාවේ පැවති ප්‍රධානතම මාර්ග ධාවන ශූරතාවයේ හිමිකරු වූ Tracer85 බවයි. නැවතත් ඔවුන් දෙස හැරී බලා එය තහවුරු කරගත් ඈ විශ්ව විද්‍යාලය දෙසට ගියේ තමාට මෙසේ සිදු කිරීමට පැවසූ අයවලුන් හට හොඳ දෙකක් පැවසීමටයි.
.
.
.
" කවුද චාන්ගා ඒහ්? මට කියන්නෙපා ඒ ඔයාගේ අත පතාගෙන ආපු තව ශිෂ්‍ය කුණ්ඩවාලියක් කියලා..!" කේන්තියෙන් සිටින සිය සැමියා දෙස සෙනෙහස මිශ්‍ර බැල්මකින් බලා සිටි චාන් ඔහුගේ බඳ වටා අතක් යවා ඔහුව තමා දෙසට හිර කරගත්තේය.
YOU ARE READING
⋯ Ꮲᴏʀᴛʀᴀɪᴛ 𝖮ꜰ 𝖫ᴏᴠᴇ ⋯ ᴄᴏᴍᴘʟᴇᴛᴇ
Fanfiction✿♡ Love is a painting that cannot be painted on paper ..... ♡✿ "ඇත්තටම මං එයාට ආදරෙයිද...? ඒ මගේ ශිෂ්‍යයෙක් , මං එයාගෙ ගුරුවරයෙක්.... මේක සදාචාර සම්පන්න නැහැ... ඒත් ආදරේ ඇතිවෙන්නෙ නීතිරීති , සම්ප්‍රදායන්ට කොටු වෙලා නෙවෙයිනේ... ඒත්... ඒත්... තියෙන...
