"احَبك لو درت السلطنه كلها ما كَفاني , يا و جه عجز الشعر عن و صفه"

Part7

الله من جفن عن النوم محروم
وقلب رجف بين الضلوع النحايف

حاولت انام ولاتهيا لي النوم
النوم والهاجوس ماهم ولايف

ماتستريح العين والبال مهموم
ولا يستقر الحال والقلب خايف

غديت مثل اللي بالاعدام محكوم
ما مات لكنه من العمر خايف

المول~
دخلو و عند البوابه ، سعود طلع البطاقه من محفظته و مدها  ل سولاف و قال: شوفن عندكن ساعتين فقط هااا خذو كل شي ناقصنكم سواء حق الدراسه او غيرها نحن بنمشي و راكم بمسافه اذا احتجتوا شي انا و سعد خلفكممم تمام
سولاف و هي متنرفزه من بدايه الطلعه : خير اخي العزيز ليش تمشوا ورانااا نحن ما يهال (اطفال)
سعود :و الله هذي تحديثات القائد اتصلي له اذا عندك اي مشكله و ترا مرت عشر دقائق من الساعتين انتبهيي
سولافف : خيررر خيررر انتت ما نبغااا تمشوا ورانا جلسوا ف الكوفي من نخلص بنجيكم
سعود : والله ابوي قال كذااا و اصلا حتى ولو ما قال بنجي وراكم شوفوا كيف المول تارس خيرررر تبي تمشي بروحكك
التيماء سحبت سولاف من يدها ومشت قبل لا يتشادوا ب الكلام ،سولاف و هي تحاول تفك التيماء منها : ودري يدي خيررر و الله بتصل حق ابوي يصرفهم عني ، مسكت تلفونها تتصل لابوها رنتين ورد ابوهاا: باباههه ليش تخليهم يمشوا ورانا ياخي التيماء ما تاخذ راحتهااا و ذيلا معنا ،قرصتها التيماء و بصوت خفيف : خيرررر ،سفهتها سولاف و كملت: والله يا باباه تراه بنرجع ،ابو سعود : يا بابا عشانكم و عشان ما حد يتعرضلكم يا قلبي انتي ، سولاف بزعل : يعني انت ما واثق فينا، ابو سعود :بناتي و تربيتي كيف ما اوثق فيكن كمل : بس ما واثق ف الناس و هم بيمشوا و راكن اعتبروهم حراس ههههههه ، ضحكت سولاف و معها التيماء : لا يا بابا قولهم يجلسوا ف الكوفي بليزززز حقيقي و الله ترا بنضيعهم ف المول و بنسحب عليهم
ابو سعود : يا بابا
سولاف و هي تغير صوتها بدراما : الا يا حبيبي انتتت
تنهد ابو سعود و قال : خلاص عطيهم التلفون بكلمهم
تقدمت سولاف من سعود و عطته التلفون: ابوي يبغاك
اخذ التلفون :هاه يبوي ويش فخاطرك
ابو سعود : اتركوا البنات يمشو بروحهم و انتو تقهوا لين ما يخلصوا
سعود و هو معصب : مايصير يبه المول زحمهه و اخاف عن احد يضايقهم
ابو سعود : خلهم انشالله ما يصير فيهم غير الي كاتبه ربي و انت و سعد خذولكم لفه حوليت لكم كل واحد خمس ميه تمام
سعود التفتت ل سولاف الي تقلب عيونها تغيضه ، سعود : انشالله يبههه و مشكوور ما تقصر
اغلقو التلفون و التفت ل سولاف : يعني سويتي الي ف راسك المربع ذاااا
سولاف بضحكهه : ايه يا حبيبي ههههههه
اخذت منه التلفون و رجعت ل التيماء و هي فرحانه ، و التفت سعود ل سعد : امش نتقهوى بسس
سعد و هو ياشر على البنات: وذيلا من بيمشي معهم
سعود و هو معصب : ابوي قال اتركوهم يمشون بروحهن و نحن حول لنا كل واحد خمس مئه ريال
سعد ؛ مايقصر الوالد ، بروح اشتري ملابس شتويه و اشياء ما باقي للدوام شي بتجي معي انت؟!
سعود : لا ، خلص و بتحصلني مكاني