"احَبك لو درت السلطنه كلها ما كَفاني , يا و جه عجز الشعر عن و صفه"

Part18

من كثر ماشفنا وتعبنا وشقينا
‏(ياحظ تكفى طالبك وقف شوي)

‏ ياحظ ..ريشيك فالت ٍ في يدينا
‏ كم فرصة ٍ راحت وعدت ولاشي

‏ ورجانا بالله .. دوم .. متوكلينا
‏ الواحد المعبود .. سبحانه الحي

‏ يالله ... ترحمنا ... ولا ... تبتلينا
‏ ومنك الهداية لانجي بسكة الغي

صباح يوم جديد~

وعت التيماء و هي متضايقه من الاحداث الي صارت البارحه .. دخلت الحمام (تكرمون )بكل كسل و هي تسبح و تتوضى ...طلعت من الحمام (تكرمون)
و هي تفرش سجادتها و تصلي خلصت و هي ترفع يدهاا و تدعي : يارب انت عالم السر يارب ساعدني يارب اصلح شأني يا غفار اغفر لي ذنبي يا رحمن ارحم ضعفي و قله حيلتييي....مسكت القرآن و تقرأ لعلها تهدا!

وقفت من سمعت دق على الباب وقفت و هيه تقول : دخلي !
دخلت البندري بأبتسامتها المعتاده و هي تقول : امس دخلتي ل الشقه و سويتي لي سكب و انا اناديتس ..
التيماء و هي تنزل جلال الصلاه : ما سمعتك والله !
البندري بأبتسامه : عادي اصلا مازعلت ، وهي تتربع : و الحين قوليلي كل شي ب التفصيلل ..!
بدات التيماء تحكي لها كل شي صار و اخر شي خنقتها العبره و هي تقول : تخيلي انهم يلومونيي و اني انا السبب فلي صار ل سعود ! متخيله ....المفروض انا الي اعاتب مو همه ..
تنهدت البندري وهي ما حابه تقول شي و تندم عليه : انا ما ابغاش تزعلي مني ابد لانه الي بقوله حقيقه :! اولا : هروبك و انتي فذا العمر بروحه شي انتي لو ما شفتيني و قدر الله انا نلتقي كان صارت واجد اشياء و ثانيا : انتي كنتي ف مرحله مراهقه! يعني تسرعتي! من حقهم يعاتبوك تراا العتاب دليل المحبه يا حلوه ما حد يعاتب شخص الا و يحبه ! و بعدين مسحي ذيلا الدموع من وجهش و قوليلي ايش قررتي ؟
التيماء رفعت يدها و هي تمسح دموعها و تقول : حتى انتي ضدي !
البندري : من قال !
التيماء : انتي توك تقولي !
البندري : انتي تفهمي على كيفك ، انا كنت اتكلم عن المرحله العمريه الي بسببها هربتي ..! اما ضدك فلا انا ما ألومك لاني ما عشت الي انتي عشتيه ...و لا ذقت الي ذقتيهه ! اناا تكلمت على حسب الي سمعته منك! و هاذا تحليلي انتي لازم تتقبلي اي نقد يجيك يا قلبي مو كل الناس بتمدحك و بتعززلك لا بد في فأه بتنتقدك و فأه بتأيدك و فأه بتسبك عادي ذي الدنيا سمعي الي يعجبك و الباقييي طزز فيه حتى و لو انااا مفهوم ...!

حضنتها التيماء و هي تصيح : يعني الحين ويش اسوي!
البندري : استخيري ف الرجعه له اذا ارتحتي روحي و كلميه و قوليله اسبابك و اذا لا فأطلبي الطلاق ....!
وقفت التيماء و هي تفرش السجاده و تصلي صلاه الاستخاره ، لعلها ترتاح و يرتاح قلبها من الي هي فيه ......!

طلعت البندري و هي تتركها على راحتهاا ، و هي تفكر بقرار التيماء و كيف ممكن تساعدها ! جلست على الكنب و هي تنتضر التيماء تخلص ..!