"احَبك لو درت السلطنه كلها ما كَفاني , يا و جه عجز الشعر عن و صفه"

Part19

‏والكلام اللي في قلبي
‏في بحر صدري غرق
‏ودي احكي لو ثواني ودي همي يرتكي

عند التيماء~
مشت ببطئ و هي تتوجه لغرفه سعود ، وقفت امام غرفته و هي تأخذ نفس قوي ودقت الباب و لا جاها الرد و قررت تدخل ، دخلت وهيه تشوفه منسدح و يده على عيونه ، دخلت و هيه توقف امام السرير و هي تقول بنبره حزن : سعود ....
بعد سعود يده عن عيونه و هو يعدل جلسته ، و ينتظرها تكمل الي تبيه !
تنهدت و هي تقول : ما خليتني اتكلم على الاقل اسمعنيي و بعدين احكم ! اخذت نفس و هي تقول : دامك تعرف عني كل شي ليش كل ذا العتاب ! انا قبل لا اطلع من حياتك كانت نفسيتي ف الحضيض بعد ما طردتني خالتي قدام الناس كلها ! محد جاء ووقف معي غير عمي و انته ما كنت اعرف عنك شي ! طلعت من المستشفى و عمي هو الي وصلني للسياره متخيل من قوه الصدمه الي جتني ما رمت امشي ل السياره و عمي الوحيد الي كلمني حتى سولاف ما جتني ، يمكن ب النسبه لك عادي بس انا لا مريت ف ذيك السنه بكل الاشياء الي ما توقعتها تصير ب يوم اول شي فقد بعدين خذلان ، ب لله عليك لو كنت مكاني هيش بتسوي ! انا ما اعرف كيف كنت متحمله كل ذا و انا ف ذاك السن ! تنهدت و هي تتقدم ل جهته و هي تمسك يده : تركتلك رساله ما شفتها قلتلك كل شي فيها و حطيتها على التسريحه!
عقد سعود حواجبه و هو يقول : اي رساله ؟ ما شفتها !
ابتسمت التيماء بحزن و هي تقول : حتى الرساله ما شفتهااا!
سعود : و الله ما شفتها ! يمكن العامله عقتها !
التيماء : ما مهم الحين انا قدامك ، و الي يرضيك سوه بس لا تجلس تشوفني بذي النظرات !
سعود وقف و هو يروح  يلبس اقرب قميص و هو يهوجس و يبغى يطلع من الشقه لانه يحس نفسه مخنوق ! مشى للباب بس وقفه صوت التيماء ب دموع : وقففف
و تقدمت و هي توقف امامه : قول شي....... و الله اي شي يجي منك راضيه بس تكلم !
سعود و عيونه ف عيونها : هيش تبغيني اقول يا التيماء هيششش ! اعاتب و انا قد عاتبت ! امد يدي و انا قد وعدتك قبل هيش تبغين مني ...!
التيماء تنهدت : نعيش ب سلام بدون مشاكل و بدون عتب ب الحب فقط و الاحترام، و هي تمسك خده و عيونها مليانه دموع : تقدر ؟ تعبت من كل شي ابغى ابتعد عن كل شي بس انا و انت تقدر؟ اعتبرها امنيه و حققها !
سعود : مو كل شي يجي على ما نشتهيه ، تقدم منها و هو يحضنهاااا و يقول : انا الي اسف اني تركتك كل هاذي السنوات .....، صاحت التيماء من قوه المشاعر و هي تشهق : اوعدني توقف معي مهما يصيرر  بينا ! .... اوعدني مهما صار بينا مشاكل و خلاف ما يدوم زعلنا ساعه !
سعود و هو يبوس راسهاا و هو يبتعد : وعد ! و انتي اوعديني تتحمليني و تتحملين عصبيتي و غيرتي  و اهم شي عندي  ولدي بتقدري تتحملي ذا كلههه !؟
التيماء و عيونها كلها دموع فرح : اي وبعدين هو ما ولدك بروحكك بعد ولدي ، و الله يقدرني اسعده و اهتم فيهه...
رجع سعود يحضنها و راسه على رقبتهااا ، توترت التيماء من قربه و هيه تهمس له : سعود ...!
سعود و هو دايخ : همممم
التيماء بتوتر و اول مرهه تحس بذا الشعور : بعد شوي
سعود بعد و هو عباله انه كارهته و لا تبغى قربه ! ابتعد عنها و هو يناظر ف عيونها ، هيه فهمت من نظرته ويش يدور ف راسه و قالت و هي تبتسم و بدلع فطري : لا تفكر فيني غلط ! قبل كل شي ابغاك تسويلي عرس ههههه .
سعود ابتسم و هو يقول : مسويلك قبل خمس سنوات ههههه يا العجوز هههه
التيماء ب ضحك : بسامحك هاذي المره على ذي الكلمه ، و كملت : عرس يتكلمون فيه كل المنطقه  و بعدين بكيفك ههههه .
سعود بابتسامه و هو يرجع يحضنها : من عيوني يا عيوني و الحين تعالي ننام ...
التيماء و هي تبتعد عنه : لا يا عيني انت ، اخذت شنطتها و هي تطلع و تقول : ابغى اعيش كل شي من اول و جديد خطبه و بعدين عرس ...
سعود بعبط : و الله ؟
التيماء تقدمت له وهي تبوسه من خده : والله ، يلا يا حبيبي انتبه ل نفسك ....
سعود راح لغرفه الملابس و هو يقول : صبري بوصلك ! و بجيب ذيك من شقتكم ....! يأنها شيطان ههههههه عليها خطط اعوذ ب لله منهن !
التيماء و توها تتذكر سولاف : يعني كذا السالفه طلعت ، تصبر لي الزق ان ماجلدتها و خليتها تون اسبوع من الضربه ما كون بنت سعود
ابتسم سعود و هو يقول : كفووو يا حرم سعود لا تقصري فيهااا و عطيتك كل الصلاحيات ههههههههه
التيماء بأبتسامه : بعد ما اجلدها بعزمها ههههههه لانها هي السبب بعد الله ف رجوعنااا لبعض حقيقي صح خطتها زق بس و الله تستاهل