شفتك ب المنام حلم و ب الحقيقه احلام

14

بعد عشرين سنه..

بعد كل يوم و يوم تكبر علاقتهم و يتعلقون ب بعض اكثر و كل يوم يكبر الشبه بينهم..

دخلت و بيدها كوب قهوتها و ماسكه بيدها الثانيه لابتوبها:نجممم وينتس

نجم طلعت من غرفه الملابس الي بنفس غرفتهم : ادور لي لبس البسه

غيم ضحكت: و للحين ما لقيتي باتسر العزيمه؟؟؟

نجم جلست بتعب على السرير : كل لبسي حللته مدري وش اسوي

مرت عشرين سنه ولا زالت نجم و غيم ما يدرون انهم خوات تبني بس
نجم الي ذاكرتها للحين ما تتذكر اي شي لاكن مرات يصير فيها صداع قوي تسكت و تاكل حبوب و ماتعلم احد
اما غيم الي كل ثانيه كل دقيقه لازم تسولف مع نجم او راح تحس ب النقص
انو فيه شي ناقص داخلها
..

دخل عليهم اخوهم فارس الي تغير ١٨٠ درجه : هااا وين مجد قايله لي بروح السوق

نجم: الله ترحون السوق بأجي معكم
قامت من سريرها و راحت للغرفه ااملابس و رجعت و بيدها عبايتها و شنطتها

غيم: وانااا تونييي ما خلصتتت مذاكرتيي

فارس ابتسم : خلاص اجلسي نجم تروح معنا

نجم ابتسمت : ماعليه المره الجايه دروتس

وطلعت هي و فارس من الغرفه
تنهد غيم و جلست بسريرها و شغلت لابتوبها و حطت بجنبها كوب قهوتها

غيم شعرها لنص ظهرها لونه اسود و ويفي طولها طبيعي و نحيفه عيونها حاده ولونها مايل للبني الفاتح لون بشرتها بيضا مايل للسمرار شوي
لها شامه تحت عينها اليسرى بس مختفيه تحت الجفن ملامحها جذابه و حاده

نجم شعرها لين كتفها و ويفي لونه اسود داكن طولها طبيعي و نحيفه عيونها كل وحده لها شكل رموشها لين حواجبها لونهم اسود بشرتها بيضا لها شامه تحت عينها اليمنى بس انها تحت الجفن تلبس نظرات طبيه ملامحها جذابه و حاده

فارس طويل و شبه معضل شعره اسود مايل للبني عيونه بني غامق بشرته حنطيه ملامحه حاده

..

فارس طلع من الغرفه و سكر الباب : و مجد وينهي

جتهم توق الي تركض من غرفتها و بيدها جوالها: فارسسسس فارسسس فروسييي

فارس بهمس : ياليل النشبه

نجم ضحكت و التفت لتوق الي وقفت عندهم بتعب

توق بتعب : اسمع فروسي اشحن لي نت

فارس بشبه عصبيه: ممداي شاحن لتس انا!!!؟؟؟

توق : ايه بس يعني يقضي نتي بسرعه ب الجامعه

فارس تنهد و مسك جوالها و قال : خلاص لاقلتي لي للمره الثانيه ماني شاحن لتس