شفتك ب المنام حلم و ب الحقيقه احلام

34

ضحكت بشكل قوي وهستري وقفت قدام اختها وهي تضحك: يالله مجد وش ذي الرساله
مجد جلست بسريرها وقالت بشبه عصبيه ممزوجه بخوف: هو انا ادري
توق ابتسمت وهب تضحك وجلست جنبها: حبيبي وش ذا الحب والخرابيط
مجد صرخت: اووووه خلاااص افففف ازعجتوني
توق بضحكه: طيب هدي شوي شوي
مجد: تدرين؟!
توق: وشو؟!
مجد قالت بتنهيده وابتسامه: غيرو موعد العرس
توق بصدمة: ااافااااا ليش
مجد: قالو بعيد اللاضحى مو عيد الفطر
توق بتفكير: ايوه وش الطاري
مجد هزت كتوفها بعدم معرفه: تو قال لي انه ثاني يوم عيد كحد راح يقدر يجي بيكون مشغولين مع اهلهم وقال ان وقت كافي ويصير طويل نتجهز
ضحكت توق: اكيد التاريخ عمي وابوي حطوه
مجد ابتسمت: اكيد وش تتوقعين؟!
..

نزلت من الدرج وبيدها كتاب وعبايه: هاااا يمه نروح المقهى الي قلت لتس
ام فارس بتكفير: شوفي خواتتس اول
جلست جنبها بحلطمه: يمه مب لازم خواتي خواتي بكل مكان خل نروح انا وانتي بس
ام فارس: لا والله روحي لحالتس ماامشي وما معي توق!!!
نجم بغيره: عشتووووو حتى انا بنتتس
ابتسمت ام فارس با انكسار بدون ماتلاحظ نجم
..

وقف وهو يقول: باطلع للمقهى
سياف: سطام معك ولارجع؟!
همام ابتسم: هو عند الباب
ام همام: بحفظه سلم لي عليه
همام وهو يطلع: يوصل
..

نزلو من سيارتهم ودخلو وجلسو بمكان ب الزاويه بعيد والمقهى شبه فاضي
جاء النادل وخذا طلبهم
وجلسو يسولفون عن مكله عمر
سطام: والله اخر عمري اتخيل عمر ببشبت اسود
همام ضحك: هو لاتتخيل ب الاحلام
سطام: ليكون طايح بس
همام بضحكه وانظاره للبنت الي جالس ورا سطام بعد طاولتين: دايخ وطايح وكل القواميس
سطام سند نفسه لورا: عجزت افهم انت وش طالب
همام: شاهي بتوت
سطام: انت وش قصتك مع التوت؟!
همام بتذكير:, ااااايه صح ماقلت لك
سطام عدل نفسه: وشو حلم جديد
همام هز راسه بالنفي وهمس: ليتهههه حلم بس الا اني شفتها
سطام صرخ بصوت شبه عالي التفتو له كل الي ب المقهى: اااااووووه
همام ناظر له: عزا الله فشيله من يومك
سطام كبح ضحكته: وجهن لوجه ولا من بعيد؟!
همام: من بعيد
سطام وهو يغمز ويبتسم: اكيدددد رجعت لهم وانت ياله تشيل نفسك
همام ضحك بتسليك له واشر بعيونه لورا سطام
لف سطام بهدوء للبنت الي جالسه بعيد عنهم وبيدها كتاب وتقرا
لف سطام عليه رافع حواجبه وهمس: كيف عرفتها ما شاء الله
همام: سر المهنه اسمعني ...

قال همام لسطام سالتفه وسطام يسمع له بكل تركيز
...
هز سطام راسه ب النفي: لا تكفى سالفتك سالفه ماعرفك ولاتعرفني
همام: يارجال محد بداري هي لحالها شفتها وهي تدخل
سطام: لو يعني جاء احد من اهلها وهي الي بتطيح بمصيبه مب انت
همام: بس ب افهمها بشي وارجع لك
سطام: بترجع لي بدون قلب ادري
..

رفعت راسها للولد الي يسحب الكرسي الي قدامها ويجلس
قالت بهدوء: عفوا؟
ابتسم بتوتر وقال: اكيد انك تعرفيني؟!
هزت راسها ب النفي وهي تكذب: لا مين انت؟!
ابتسم بهدوء وقال: معتس همام قد سمععتي فيه اكيد
مسكت كتابها وكانت بتقوم لاكن تدارك الوضع وقال: هي بس كلمتين اسمعيني وانا باروح واخليتس
هزت راسها ب الايجاب وجلست
همام: انتي اسمتس الهنوف
نجم رفعت حاجبها وقالت بسخريه: ماتعرفني وتجي تقول لي يالهنوف غلطان رح تغزل بوحده ثانيه؟!
كبح ضحكته بصعوبه وقال بهدوء: انتي نجم بنت عمي فارس ترا ادري بس الكلمه هاذي كا تذكير لتس انتي الهنوف مب نجم
ضحكت ونطقت بسخريه: اقوم ولا ماعندك سالفه؟!
همام: انا عندي لتس سالفه عنتس انتي بالذات يالهنوف
نجم تنهدت وبراسها صداع ومتوتره وخوف وتتصنع القوه قدامه: اسمي نجم مب الهنوف
همام ابتسم: طيب يانجم تبين تعرفين وش السالفه؟!
نجم هزت راسها ب الايجاب وقالت: اذا هي مهمه
ابتسم همام وهو يححل كل حركه ونظره تسويها عرف انها متوتره وخايفه منه وعرف انها بسالفت الهنوف ماتدري منها شي وان فقد الذاكره طلع صحيح
قام وهو يبتسم ويمري عليها ورقه: اذا انتي مهتمه بس شوفي الرقم
ناظرت له بحقد وهو يقوم ويطلع من المقهى
تنهدت وبداخلها انزال الخوف والتوتر من يوم ابعد عن طاولتها اول مره تتكلم مع ولد غريب اصلا هي من نفسها ماتدري وش القوه الي جتها وتكلمت معه وردت عليه وكيف هي قعدت وسمعت لكلامه وشدها موضوع الهنوف

..

ركب سطام بشبه عصبيه: وششش سويييت البنت عيونها طايره
همام قفل الباب وهو يربط حزام الامان: خذيت طلبنا بس
سطام: ايه خذيته علمني وش سويت
همام ابتسم وشغل سيارته
..

نزلت وهي تندن شافت الصاله فاضيه استغربت ومشت للمطبخ لقت فيه توق وامها: وين الناس البيت هادي ونايم
توق: انا وامي نسوي حلا ومجد فوق
غيم وهي تغمز: اووووه تكلممم مينن؟!
ام فارس: خلتس بس نايمه
غيم بتفكير: هممم طيب وين تؤامي؟!
توق: انتي تؤامها وماتدرين عنها
ام فارس وهي تخلط الخليط: طالعه
غيم: لوين؟!
ام فارس: المقهى مدري وشبه تأخرت قالت بتجي بدري
غيم وهي تطلع: اجل بارسل لها وتجيب قهوه معها

...

دخلت البيت وبيدها كوب قهوتها وجركل قهوه ونطقت وهي تحاول تنسى المدعو بهمام: اين انتم ياقوم
جت غيم بفرحه: هلااا هلاا بالحامل والمحمول
ضحكت نجم ومدت لها القهوه: امكسي امسكي بس تعبت يدي
خذتها غيم منها: بسم الله عليتس بس
جلست نجم ب صاله الكنب: وين امي وتوق للحين على الحلا
غيم جلست جنبها: اوووه امي مسويه حلا بالتوت
نجم ابتمست: صددق كنت مشتهيه
غيم: ايه
جت توق وبيدها صنيه فيها ترمس قهوه وفناجين وحلا وصححون: وجاكمممم احلاااا حلااااا
نجم: ايهم الواقف ولا الي بالصحن
توق وهي تجلس مستحيه: اوووه استحي يازين المدح والمادح
غيم بغيره واضحه: وانا ليش مامدحتيني يوم تدخلين
ضحكت نجم: خلاص قولي وش تبين
امدحتس
جت ام فارس: يازيني سمائي وغيمي
غيم ابتمست بانتصار: يمههه ياعنودي يازينتس بس
توق: من سمائي يمه طيب
نجم وهي تضحك: ماااادري واحد اسمه عزيز
ابتسمت ام فارس وجلست جنبهم: حجد ماقامت
نجم: ليش شفيها؟!
توق وهب تصب قهوه: بس نايمه

..

انتهى
🌟
اللهم ان شهر رمضان هو من اعظم الشهور عندك فاغفر لي فيه وبارك لي في رزقي فيه واكتبني من عبادك المخلصين. اللهم اهدني فيمن هديت، وعافني فيمن عافيت، وتولني فيمن توليت، وبارك لي فيما أعطيت، وقني شرَّ ما قضيت، فإنك تقضي ولا يقضى عليك، إنه لا يذل من واليت، ولا يُعزُّ من عاديتَ، تبارَكتَ ربَّنا وتعاليت