شفتك ب المنام حلم و ب الحقيقه احلام

٣٩

ركبو السيارات وتوزعو على سيارتين
غيم وفارس وتوق بسياره
نجم ومجد وام فارس وابو فارس بسياره
..
كانت سياره فارس اغاااني تصدع وسوالف وضحك وطقطه عكس سياره ابو فارس الي مايسمع به غير صوت مجد الي تسولف
..
تجم نطقت بنزعاج: مجد تسكتين شوي تنفسي خليني اتأمل الطريق
مجد ضحكت ورفعت حاجبها مصدومه: انتي طلع لتس لسان بعدين الطريق فاضي وش بوه شي تتأملينه كله رمل
نجم رجعت لفت وجهها للنافذه: التأمل بخلقه الله عباده ولها اجر
ابو فارس ابتسم: خليها تسولف وانتي تأملي
ام فارس: والله لو تسكتين شوي سوالفتس كلها عن عمر وش نبي بوه
مجد: والله شكرا ابوي محد يسمعني غيره بعدين امي مب كل سوالفي عمر عمر ترا هاذي اول سالفه
نجم: خلاااص خلااصص يبنتي ارفعي جوالتس ودقي عليه وسولفي
مجد ضحكت: اصلا انا غبيه تكلمت وقلت سالفه لعمر المهم يبه وش تبي اسولف عنه؟
ضحك ابو فارس مصدوم: خلاص يابنتي خليني اركز ب الطريق واختتس تتأمل وانتي تأملي بعد
مجد تنهدت بنزعاج ولفت للنافذه تطالع الطريق
..

غيم بعز الحر كانت منطربه وتغني: انااا حبيبي بسمته تخجل الضي
توق ضحكت: منهو حبيبتس بس ليكون فارس!!
غيم ضككت: كل الفارسين حلوين جت على اخوي بسم الله عليه من عيونتس
توق: يمه يمه يمه انا قلت شي؟
فارس مد يده يقفل المسجل وقال: لاداعي وانتي توق تعلمي من اختتس شلون تمدح وتسمي علي!!
توق: ييوه انت امي مدلعتك مره بزياده
غيم وهي تضحك: القرد بعين امه غزال
فارس قال مصدوم: توتس تمدحيني يابزر ماكملت دقيقه حتى
غيم: والله شسوي الذبه تكمل حلطمت توق
توق: فارسسسس شرايك نمر قهوه على حسابي؟
فارس: اذا على حسابتس ماقول لا
غيم: يووه دامها على حسابتس متشهيه قهوه لي يومين
توق: عاد بس ذي المره ترااا
فارس: اخر مره طيب خل نححلها
..

يكسف سنا بدر الدجى من جبينه
..

صحى من نومه وناظر لسطام الي يلعب ولابسه السماعه: اخيرا قمت مابغيت يلا بنمشي للرياض
همام بنوم رجع انسدح وغمض عيونه: نمشي نمشي؟! صاحي انت العصر بعد خلها نمشي الفجر اليوم واليوم كله نمشي مع العيال نتمشى
سطام فصخ السماعه ولف على همام مستغرب: وش الي نتمشى ديرتكم ذي كل مانجيها نتمشى حفظت الامكان والاشخاص واسامي الشوارع بعد غير خل نجلس ب البيت طيب
همام بنزعاج: اختصر طيب وقل انك بتجلس ب البيت
سطام رجع لف وجهه للشاشه ولبست السماعه ورجع يلعب صرخ ب: همام قم يلا عشان ب اليل تنام والفجر تقوم مصحصح
همام انزعج من صوت سطام ورجع حط البطانيه على وجهه وهو يتذكر تفاصيل حلم حلمه اليوم..
..

كان واقف تحت شجره توت كبيره كان التوت يطيح منها شكل سريع وبكميات كبير ويطيح تحت راسه
التفت على صوت ضحكها من مكان مظلم وابتسم وقال: طلعي وجهك ليش خايفه؟
ضحكت وقالت: ليش تكلمني ؟
عقد حواجبه: يعني كيف ماتبيني احتسيتس؟
وقفت قدام بس لازال وجها مغطاء ب الظلام نطقت بضحكه: كيفي وبعدين من انت عشان اتكلم معك مب غصب ترا؟!!
همس بخوف: ايه طيب طيب مصير الوقت اعرفك وتعرفيني
..

صرخت بحماس وهي تنزل من السياره: ورد معقوله كل هذا ورد!!!
نزل بعد ماقفل سيارته: قولي ما شاء الله لاتحسدينهم
مشت توق وراهم معها جوالها: انا منصدمه ان هذا بديرتنا القاحله الي الكل يهرب منها
ضحكت مجد الي وراهم ومعها ابوها وامها ونجم: لا اله الا الله شبلاكم اول مره تشوفون ورد
غيم ضحكت: بعذرنا البسه مانشوفها مو عاد ورد هالكثر
ابتسم ابوهم على رده فعلهم وهمس لمرته: لو يشوفون الرياض وش بيقولون
ضحكت ومشت معه ورا عيالهم: لو مخلينا نعيش ب الرياض ابرك مير عقلك بوه شين

..

كانت جالسه بين الورد وقدامها خواتها يصورون وجنبها اخوها الي نطق: المهم اذا مشينا باتسر لا تشتاقون لنا
رفعت حاجبها توق ونطقت: عاد من زينكم عشان نشتاق
نجم ابتمست بهدوء: وتجيني اخر اليل تدقين؟
غيم ماسكه جوالها تصور التفت عليهم وضحكت: عاد شتسوي اللقافه والشفايه
توق بتقليد لصوت غيم: اللقافه والشفايه عاد من زينهم اروح اشوف علوم نجلاء وعمرو
لفت عليهم بعصبيه: ليكون انا وعمر مالت عليتس من اخت!!!
ضحكو كلهم ونطقت غيم بين ضحكها: توتس تدرين انتس نجلاء وهو عمرو من امس وحنا وش نحتسي
نجم بضحكه: اعذريها يمكن كانت تهوجس بعمرو!
مجد: انا المره الثانيه ماتدخل عليكم عشان ماسمع سوالفكم البايخه اعتقونا شوي كيف كل سالفه به حنا
توق بصوت الزعل: يامجدي شنسوي فعاليات
فارس: مالنا غيركم المفروض تستانسين
غيم ضحكت: صادق مالنا غيركم
ابتمست نجم وهي تشوف عيون مجد المتضايقه لفت لجهه امها وابوها الي يمشون بين الورد: الحين امي وابوي يمشون هناك لحالهم مايبوننا!!
توق جلست ب الارض وقالت: اكيد ماتشوفين من اول مانزلنا وهو يبعدون عنا
غيم: اكيد سالفه خاصه بنجلاء وعمرو
ضحك فارس: ولا سالفه تخصهم مايبوننا نسمع
ابتسمت مجد بهدوء وكملت تصوريها وكل صوره تصورها ترسلها لعمر ويرد عليها هو الثاني

..