شفتك ب المنام حلم و ب الحقيقه احلام

23

الخميس

بعد اسبوع من التجهيز و الترتيب و التنظيف
اقتنعت توق بنقلتهم للبيتهم القديم..
و الكل كان يتجهز من اولهم الين اخرهم
التؤام كانو كل يوم لازم يسألون متى ينقلون لاكن امهم تسكت و تلهيهم ب اي شي
و اخيرا يجي اليوم المنتظر يصحون على صوت امهم : يله نجم غيم الصلاة قومو
غيم بنوم: شوي يمه
نجم قامت من سريرها وهي تحك عيونها: صلاة الفجر يمه ولا المغرب؟
ضحكت ام فارس ضحكه بانت اسنانها : ايه يمه صلاه الفجر قومي
ولعت نجم الابجوره الي بين راسها و راس غيم: يمه اليوم وشو
دخلت عليهم توق مبتسمه وردت : تاثير نومت العصر، لاتنامين مره ثانيه
ام فارس ضحكت: اليوم الخميس يله بنروح البيت الجديد
غيم قامت و شعرها منكوش و ووجها مفقع نوم قالت بصدمه: اليوممممم
ام فارس بضحكه: ايه اليوم بسم الله عليتس
غيم بفرحه: اخيرااااااااااا يله نجم قومي
نجم بنوم ما استوعبت وش تقول من نومه العصر مسكت لحافها ورجعت نامت
توق بضحكه: يله لكم اسبوع تسألون قوميها ما استوعبت
غيم بتعب انسدحت: يوههههه بنروحح اليت الجديد
توق : قديم ماهو جديد
ام فارس: يله بناتي قمن بننهج الحين، المسافه طويله و متى نرجع نرتب الاغراض
غيم بفرحه :خلاص يمه لا تتعبين نفستس انا ب اقومها
ام فارس ابتسمت: قومي نفستس اول ثمن قوميها
ضحكت توق وهي تطلع مع امها و يتوجهون لغرفه مجد

غيم بفرحه : اخيرااا
والتفت لنجم الي رجعت نامت وهي عاقده حواجبها
غيم كشرت وقامت وراحت لمها وهي تشوفها تعرف و يحمر وججها: نجم نجمي قومي وشبتس
نجم نزت من نومها كانت مكتومه و وجهها محمر و عاقده حواجبها و ترجف بشكل مرعب: ها وش فيه
غيم عقدت حواجبها: انتي الي وشبتس حلم؟؟
نجم هزت راسها ب النفي : لا لا مو حلم
غيم بخوف : خلاص اجل يله قومي بننهج الحين
نجم خزت راسها ب الايجاب وهي تبعد اللحاف عنها
...
قبل يوم
المغرب بعد الصلاه
نزل من درج بيتهم وهي يحس ب انكسار و خمول كل جسمه لمحته امه وهو ينزل و نادته: سياف
سياف ابتسم بهدوء :هلا
ام همام جلست و بيدها صنيه فيها القهوه و الشاهي و التفت له و شافته جالس جنبها ابتسمت له: وشلونك عقب الحراراه اليوم اشوى، عسا ما اتعبتك نجود
ابتسم سياف: لا وين يمهه احس اني نشيط مره ثانيه
ضحكت نجود بصوت عالي من المبطخ و توجهت لهم و قالت: لا لا واضح انك نشيط، انت شايف وجهك الاصفر
ام همام مدت يدها لجبين فارس: لا ويلي مابوه خلاف
ضحك سياف وهو يبعد يدها: يمه انتي تصدقين حتسي نجود
ام همام:معلينا، اهم شي انك بخير
ابتسم سياف
وجلست نجود جنب امها: يمه وش صار على الجيراان
سياف عقد حواجبه: اي جيران
نجود: يوههه يا سياف درت الشرقيه و انت توك تدري
ام همام ب ابتسامه: جيراانا ابو فارس بيرجعون لبيتهم
سياف: ذاك المهجور
نجود بوصت عالي: بسم الله علينا بس
ضحك سياف: يرجعون كلهم
ام همام: ايه امس قالت لي
نجود: يمه شوفي وجهه اصفررر
ام همام: يوههه يا بنيتي وين
سياف: والله وجهي يلق لق وشبتس
ام همام هزت راسها ب الايجاب وصبت لهم قهوه