شفتك ب المنام حلم و ب الحقيقه احلام

30

اللهم يامثبت القلوب ثبت قلبي على دينك
..

التفت لسطام الي نام غصبن عنه بدون مايحس
ابتسم وشغل المسجل على بودكساته المفضله
علا الصوت شوي
تحرك سطام ب انزعاج
قصر همام المجسل وهو يضحك عليه

...

مسكت كوبها وجلست بين ابوها واختها: نرجع البيت المغرب؟!
ابو فارس: ب اي وقت تبون نرجع؟!
غيم: اامممم احس نرجع وراي جامعه بكرا وشغال
ابتمست نجم ولفت انظرها لخيلها سُحب
فارس وقف: انا برجع للبيت
ابو فارس: بحفظه
نجود: يبه كم باقي على رمضان
ابو فارس ابتسم: حول الشهر
نجم لفت عليه ب ابتسامه: وشرايك يكون كل يوم نجي نفطر هنا ونجلس شوي
ابو فارس ضحك: الشور شور امتس وانا ابوتس
توق بضحكه: اذا عيت عليكم امي عندكم توق تحل وتقنع
مجد: اركدي بس اذا درت امي واقنعيتها ورجعت لوشورها القديم ماراح تؤكلنا برمضان بنعيش على تمر وماء
غيم ضحكت: ياسااتتررر يا طول ذبتتس
نجم ابتمست: مجد وشبتس تعلمي من الوي الذبات
ابو فارس ضحك: ايه يسموني ابو الذبات وانا صغير

..

لفت لامها: يمه طفش ماودتتس نطلع نتمشى
ام همام وكل تركيزها ب جوالها: مادري لاتسألين
نجود بحلطمه: يمه خل نطلع ولاذن المغرب نرجع بس نمشي ب السياره
ام همام لفت عليها بعصبيه: روحي لعمر انا الي بسوق
صحكت نجود بحماس: يعني انتي مواقفه !!!
ام همام رجعت تناظر جوالها: مواقفه بس قولي لاخوتس
نزل لهم عمر وقالو له ان بيمشون ب السياره واقف عمر وركبو سيارته وجلسو يتمشون ب الديره
...

اما ابو فارس وبناته
رجعو قبل صلاه المغرب
وكلهم خدرانين ماعدا نجم الي متحسمه ووتنتظر بكرا عشان اول مره راح تركب خيلها مع مدربه لها
وهي راكبه قدام التفت لابوها: اكيد بتجيب مدربه ولا تكذب معي؟!
ابو فارس ضحك: شدعوه ماعندتس ثقه فيني
نجم ابتمست: قلت يمكن تمزح
ابو فارس: لا ما امزح بكرا العصر بتجي
هزت نجم راسها ب الايجاب
..

اذن المغرب وهم ماوصلو للرياض
التفت لسطام الي توه يقوم
وقف همام السياره عند محطه وابتسم لسطام الي يناظر بنوم للطريق
همام بضحكه: وش ذا الوجه يله صحصح اذن المغرب
سطام لنوم: وين حنا
همام: بنص طريق القصيم انزل نصلي ونشري اكل
تمغط سطام بتعب وفتح باب السياره: يله

..

مر الوقت بسرعه على الديره وطريق السفر
وصل ابو فارس وبناته للبيتهم ودخلو يكملون سوالفهم ب الصاله مع امهم وفارس الي اكتمل شمل العائلة بعد ماجاء فارس

وام همام وعيالها رجعو للبيتهم ومعهم سياف والرعد الي رجعو من الدوام حقهم
ضحك الرعد وجلس: ماودك انت تترك الطين شف يدك شهبه
ابتسم عمر وجلس: قل بس انك تبي اسوي لك
ضحكت نجود: والله لايسويلك جره كامله مو بس كوب
سياف: ولا بعد اذا تبي يلونها ولا لا
الرعد ضحك ولف للعهود: وين همام؟!
ام همام جلست وبيدها ترمس قهوه: راح للرياض الله يحفظه
الرعد: ايه ماوصل، ومتى راح؟!
ام همام: على الظهر وتوني كلمته يقولون ب القصيم
..

رمى نفسه ل سرير بتعب: همام سكر النور
همام رفع حاجبه: اي اوامر ثانيه بعد سيد سطام؟!
سطام: قفل الباب
همام قفل الانوار وسكر باب الغرفه ورمى نفسه ب السرير الثاني: ماودك بعشاء
سطام بتعب: نم ولاصبحنا اطلب
جلس همام: انا بطلب لي تبي؟!
سطام هز راسه ب النفي
همام طلع من الغرفه متجهه للصاله وبيده جوال جلس ب الكنب وجلس يطلبله
...

البارتات بتكون قصيره بس البارت الجاي اتوقع انه طويل
🌟