شفتك ب المنام حلم و ب الحقيقه احلام

20

بعد ما وصلت بيت ابوها
فتحت الباب ب المفتاح و دخلت الحوش
و استقبلها صريخ عبير
عبير :وين وين الوقت شوفيه
واشرت بيدها للساعتها
بيان :والله لوني اني سندريلا
عبير بضحكه مزيفه :ههه هه مره تضحكين ورفعت صوتها و كملت
: اقول يله بسرعه داخل
بيان تمشي شوي شوي و تعاندها: بيت ابوي ب اتأخر اتأخر انتي مالتس دخل
طلع لهم ماجد من سمع صوت الصريخ ومن شاف بيان واقفه قدام عبير و تقول لها الحتسي صرخ بوجهها: يا صباح الله خير شايفه الساعه كم؟
بيان بحلطمه :اوف الساعه الساعه و رفعت صوتها
:مالكممممم دخل فينييي توكمم تهتمون بعدين انا كنت عند اختي وش تبوننن
ودخلت وهي تركض بسرعه عشان محد يمسكها ودخلت داخل

عبير عصبت من حركتها ومسكت نفسها عشان ما تصرخ قدام ماجد قالت:اوههه مجودي ربي بنتك زين وش ذا التربيه؟
ماجد وهو سايح من دلعها:امري اربيها وش تبين بعد يا عيوني
عبير بضحكه مزيفه :ندخل داخل
ماجد هز راسه ب ايه مسك يدها ودخلو داخل
..
اما بيان دخلت غرفتها وهي تقفلها و ترمي شنتطها و عبايتها ب الكنب تنهد و تمسك مزيل مكياج و تمسح مكياجها
..
اما ميان بعد ما دقت لسلمان ان يجيها من بيت ميلا رد عليها ووقف قدام بيت زايد و ميلا بسيارته

ميان فتحت باب السياره و قالت بهدوء:سلام
سلمان :وعليكم السلام
ميان ركبت و سكرت الباب وتنهدت
سلمان :بنروح بيت امي بس ادخلي بهدوء كلهم نامين
ميان هزت راسها
..
بعد ما وصلو البيت دخلت ميان قبله وهو يطفي سيارته
صعدت الدرج الي يودي لجناحهم فتحت الباب و ولعت النور و اسرعت متوجنن للغرفتها
اما سلمان لحقها و دخلت وهو يصوت :ميان
اما ميان الي دخلت للغرفه تمسح مكياجها وما سمعته
سلمان دخل عليها :ميان لي ساعه اصوت لتس
ميان بهدوء :هلا
سلمان عقد حواجبه وجلس ب السرير و قال ببرود : ابي اسافر لي كم يوم و امي قالت خذها معك تبين تجين حياتس الله تبين اجلسي عند خواتتس
ميان ب ابتسامه تسليك: ب اجلس عند خواتي
سلمان:زين بس لحد يدري اني ما خذيتتس معي عشان امي ما تعصب
ميان هزت راسها ب ايه بتسليك و جلست بالتسريحه وهي تسلك شعرها
اما سلمان بعد ماشافها ماهي مهتمه ب شي اساسا وماهي مهتمه تسافر معه مسك جوالها و اسرل لرقم :خلاص احجز لراكب واحد
وقفل جواله وهو يناظر لميان السراحنه وهي تناظر لشعرها بجمود انسدح بمكانه وهو يقول :لا تطلعين صوت ب انام

ميان الي نزت من صوت سلمان وكملت تسليك شعرها بخوف

...
اما ميلا و زايد
نزلت ميلا و شايله جوليا بحضنها ووراها زايد بيده شنطه جوليا و شنطه يد ميلا
دخلت ميلا البيت و راحت لغرفتهم وهي ترقا الدرج بصعوبه ووراها زايد الي يمشي و يدندن
دخلت الغرفه و حطت جوليا ب فراشها و ولعت نور الغرفه على دخلته وهو يحط الشنط ب الكنب
زايد ب ابتسامه :وليش الحلو زعلان؟
ميلا ابتسمت :مافيني شي
زايد فصخ ثوبه و حطه ب العلاق :اذا عن ابوتس الموضوع عندي؟
ميلا جلست ب السرير وهي تفصخ كعبها:لا ماني خايفه منه لقيت موضوع لبيان
زايد ابتسم وجلس جنبها:اجل ليش كل ذا الخوف
ميلا :من الفيله الي عنده
زايد ضحك ضحكه خفيفه: ماعليش منها بس
ميلا ابتمست له وهي تحط راسها على كتفه

..
غيم دخلت غرفتها وهي تسكر الباب :نجمي اين انتي؟؟
جلست بسريرها وهي تناظر لأنحا الغرفه بس مالقتها هزت كتوفها وهي تهمس :وين راحت ذي
..
اما نجم الي طلعت للسطح وهي الصداع كل ماله و يجتاح راسها و بقوه مسكت باب السطح و فتحته وهي تتنفس لها هواء
مشت بصعوبه وبيدها كوب ماء و جوالها سحبت لها كرسي و جلست فيه وهي تتنهد
نجم بغصه:ياربي من وين يجي الصداع
سمت ب الله وشربت من الكوب وهي تقرا فيه صوره الفاتحه
..
بعدها بكم دقيقه بدا يخف الصداع تنهد وهي تاخد جوالها و الكوب و تنزل لتحت لغرفتها
...

دخلت غرفتهم و النافذه مفتوحه و يدخل الهواء البارد عليهم حطت اغراضها على التسريحه وهي تشوف غيم الي سهرانه تتابع مسلسلها
غيم ابتمست ورفعت راسها لها:وين انتي كنت ادورتس
نجم : ب المبطخ اكل
غيم هزت راسها ب ايه وكملت تتابع
اما نجم رمت نفسها ب سريرها و النوم يجتاح لها

...