شفتك ب المنام حلم و ب الحقيقه احلام

29

خلصت كل شغلها وسحرت شعرها ولبست هودي ازرق وبنطلون اسود مسكت جوالها وكتابها ونزلت لتحت

..

لقت امها وخواتها كلهم تحت يضحكون ويسولفون مع بعض وحولهم قهوه سعوديه وتمر سعودي ""

ابتسمت وسلمت عليهم: سلام عليكم
الكل: وعليكم السلام والرحمه
ابو فارس ابتسم: ليش توتس تقومين
نجم جلست جنبه وقالت بتعب: امس نمت الفجر وماني متعوده
ام فارس: اانا قايله لكن لا تسهرن وشوله
نجم يملت فمها: مادري
ابو فارس بابتسامه: اليوم العصر بنروح لمكان
ضحكت مجد: مكان ذاك الصوت؟!
ابتمست توق ومسكت ترمز القهوه تصب لهم: شف يبه اذا شي مو لنا ماراح اروح
ضحك ابو فارس: كله لنا وشتبون بعد
غيم ونجم بنفس الوقت فزو وقالو بفرحه: صدددق؟!!!
ضحكت ام فارس: ايه وانا رايحه قبلكم
مجد ضحكت: يله كل وحده تتوقع وششو
غيم: علا حسب علمي ومعرفتي اتوقع مزرعه
توق هزت راسها ب النفي: لا ماعندنا مزرعه هنا اتوقع ارض لنا بعدين نبني فيها
نجم: انا اقول اسطبل خيل ؟!!
مجد ضحكت: مافيه الا اسطبل واحد ب الديره اسمه ثجس
ميلت فمها نجم وشربت فنجانها: يمكن ابوي ماحطه بالماب وماحط اسم له ماتدرين
ضحكت غيم: وش يبه اقرب توقع؟!
ابو فارس هزت كتوفه بعدم معرفه: ماعرف لارحتو تشوفون
ضحكت ام فارس وهي تناظر لوجيه بنات الي قلبو بثانيه وحده لخذل
..

جهز نفسه ولبس ثوبه وحط له بشنطه صغيره جميع اغراضه الي يحتاجها من كتب واوراق مهمه وملفات
دخلت عليه امه: يله همام بتروح الحين
هز راسه ب الايجاب وسلم عليها: ايه الحين مع سطام تبين شي؟!
هزت راسها ب النفي: سلامتك متى ترجع ؟!
همام ضحك: ادري لي وقت ماجلست معتس المره الجايه، يوم الخميس الجاي
ابتسمت ام همام: ننتظرك اجل
..

ركب مع سطام بعد ماسلم على اهله وودعهم
سطام: اسمع خواتي كلهم ب بيت ابوي تعال معي لشقتي مافيها احد ومابي اجلس لحالي
ضحك همام وهز راسه ب الايجاب: خل ناصل الرياض اول ثمن تكلم
سطام حرك سيارته وطلعو من الحاره: عاد اذا جو فجأه ضف وجهك
ابتسم همام والتفت عليه: انا بطلع بدون مقدمات
سطام ابتسم: بنوقف ببقاله نأخذ مفرحات
همام هز راسه ب الايجاب: ونأخذ شاهي ب الطريق
سطام: ردد معي دعاء السفر بس

..
العصر
لبست عبايتها بكل حماس ووراها ابوها الي يضحك عليهم
ابو فارس: كل الحماس عليه، كان وديتكن من زمان
ضحكت مجد وفتحت الباب: حنا فضوللين مره
ام فارس جت من المطبخ وبيدها ملعقه خشب كبيره: يلهه يلله كلكن رحن مع ابوكن ياويل الي تجلس
ضحك ابو فارس بقوه: انتي بس لو شفتي حماسهن شوي ويسقن السياره بدالي
طلعت غيم: يله بس يبه تأخرنا
توق ضحكت بتسليك: واااوو يبه يا الذبه لازم نتعلم منك
ضحكت نجم وسحبتها: امشي بس يلا لا يدري انتس تسلكين له

..

لف لسطام الي ركب السياره وبيده كوبين شاهي
خذاه همام وهو مبتسم: تسلم
ابتسم سطام وقال: تونا ندخل القصيم وحنا العصر تتوقع نوصل قبل ١٢ بليل
ضحك همام: ماضنتي، تبيني اسوق بدالك
سطام: لو فيني النوم باقولك
همام سند نفسه لورا ب المرتبه وشرف من كوبه وقال: ماهو مثل شاهيي
شرب من كوبه سطام وهو يسوق بيده الثانيه: ايه والله حقك اطعم
همام: تعترف بعد ؟!
سطام: انا امس شربت البريق كامل اكيد بقولك
همام ضحك: وش عقبوه يوم سبيته قبل ماسويه وبعدها جلست تمدحني عشان تشرب!!!
سطام ضحك: تصيلح العلاقات انت وش عرفك؟؟!
..
وقفت سياره ابو فارس عند باب كبيررر وبلون البني ونخيل ورا الباب هاذا
ضحكت غيم وفتحت الباب بحماس: قلت لكم مزرعه محد مصدقني
نزلت نجم وفمها مفتوح: لا اسطبلللل اكيددد
ركضت توق بحماس للباب: يله يبه افتحه
ضحك ابو فارس وتقدم لبناته الي واقفين قدام الباب وبيده هو مفتاح
لف للسياره وشاف مجد الي للحين بسياره وماسكه جواله وتناظر له وماهي معطيه للمكان اهميه
قال ابو فارس بصوت عالي: يله مجد تعالي
مجد نزت وراعت له بخوف: دقيقة يبه
نجم همست: وشبه هاذي؟!
مجد كانت متجمد وتناظر لرساله بجوالها""" ردتتس اسرعي عمر مستعجل ايه ولا لا """ مع فيس يضحك
قفلت جوالها بتردد وخوف ونزلت ومشت للجه ابوها وخواتها
مسك ابو فارس الباب ودخل المفتاح وهو يلتفت ويقول لنجم: نجم اول وحده
تفتحه
غيم ميلت فمها وقالت بزعل: اكيد شي تحبه نجم وحنا لا
توق: عشان كذا قال لها تعالي افتحي
ابتسمت نجم بانتصار وحماس وتقدمت لابوها وهي تلف مقبض الباب عشان تفتحه
وصدمتهم يوم لقو
...

وقف سطام سيارته على التراب بتعب: يله تعال بدالي
ضحك همام ب انتصار: قلت لك ب البدايه نأخذ لنا قطار عييت ؟!
سطام فتح بابه ونزل وقال بتذمر: وش عرفني انه كذا متعب ؟!
ابتسم همام ونقز من مرتبته لمرتبت السواق
وسطام فتح الباب وركب
همام: نم شوي لين نصف الطريق اصحيك
سطام سند نفسه لورا: لا اخاف انت تنام بنص الطريق وابلش
همام لف الديركسون: كيفك
..
صدمتهم يوم لقو خيل اسود عربي اصيل
وفارس اخوهم واقف جنبه وماسكه ويضحك
صرخت نجم بفرح: خيلللل!!!
توق: افاااا ياذا العلم خيل
ضحكت غيم بصدمه: اي والله خيل
ضحك فارس بصدمه: وانا فارس اخوكم ماهتميتو لي انا ؟!
ضحكت مجد وتقدمت له تحضنه: والله البيت بدونك ولا شي
ضحكت نجم بصدمه وتقدمت للخيل تحاول تلمسه
ابو فارس ضحك: والله يارده فعلكم يبيلها رده فعل وين الصراخ و الصياح ماشوف غير كلمه خيل
ضحكت توق: يبه شعرفك انت
فارس فتح يده عن الخيل ووقف الخيل قدام نجم وهو مستكن من لمسها له
فارس: تعالي انت يا ام لسان
توق ضحكت: كلها ثلاث ايام وش الشوق هاذا
غيم ناظرت للخيل بصدمه: وانا كنت متوقعه مزرعه
ضحك ابو فارس: فيه خيل بعد بس هاذا الي قدرنا نطلعه
ضحكت نجم بفرح: صدققق وين؟!!
صهل الخيل ورجع لورا من صوت نجم
ضحكت مجد: والله ماعرفنا لك ابوي خيل وحركات
مسك فارس الخيل بعد مابعدت مجد وقال: هاذا خيلي "" مبارك""
نجم بفرح: انا عاجبني بأخذه
توق بضحكه: مب حلا هي تعالي نشوف الثانين
ضحك ابو فارس وقال: يله لداخل
..

دخلو داخل ولقو ساااااحه كبيره ب النص لمضمار الخيل
وحولها السور الابيض مزين بورد
وحولهن غرف للخيول كثيره وفيه خمس خيول
كل غرفه مكتوب فوقها اسم الخيل بلون الازرق والجدار ب اللون الابيض
والابواب باللون الازرق
ابتسمت نجم بحماس: الله
مجد ابتمست: ما شاء الله
ضحكت توق: يله سباق نمر على كل خيل
غيم بصوت بكيه فصخت نقابها: والله ماعرفنالك ابوي
نجم فصخت عبايتها ونقابها وقالت بضحكه: والله من الحماس حتى النقاب مافصخناه
ضحك فارس ورجع خيله مبارك لمكانه
ابو فارس اشر بيده لمكان خيل كان مكتوب فوقه خيل لنجم
ضحكت نجم وركضت لمه
ووراها البنات
لين وقفو قدام مكانه
كان ابيض وعربي اصيل وشعره اسود مع عيونه وكان يناظر لهم وراجع لورا
ضحكت نجم بصدمه: الله هاذااا لي وش اسمه
ضحك ابو فارس وجاء لمها: ماله اسم سميه انتي
غيم: حركااااات تسمي الخيل قبل عيالها
دفتها توق: والله من السماجه
نجم بتفكير: ماعرف يمكن اسميه لو بنت سُحب او ولد برجس
ابتسم ابو فارس وقال بصوت عالي: فارس بنت ولا ولد
مجد بفهاوه: يبه فارس ولد وشفيك؟!
ضحكو الكل بقوه من الفهاوه والواضح انها مو مركزه معهم
ضحك فارس: لا يبه بنت
ضحكت نجم: اجل اسمها سُحب
ضحكت مجد بصدمه: اهاااا تقصدون الخيل
غيم ابتسمت: كملي بس هواجيستس محد درى
توق: وليه سُحب
نجم ابتمست ولمست سُحب بخفه: لونها ابيض زي الغيم ب النهار و لون شعرها اسود زي الغيم ب اليل
غيم ضحكت: والله تعرفين تختارين اسماء، اهم شي اسمها زي معنى اسمي
ضحكت نجم: هاذا الاساس
ابتسم ابو فارس واشر بيده لخيل جنب سُحب: هاذا خيل غيم
ابتسمت غيم وضحكت كان خيلها بني بشعر بني وكان اصيل عربي ومن ناحيه راسه كان جزء منه ابيض
غيم بفرحه وسرعه: ب اسميه ميهاف
ابو فارس: دقيقه ماتدرين هو بنت ولا ولد
ضحك فارس وجاء لمهم: بنت بنت وليش الاسم؟!
غيم هزت كتوفها بعدم معرفه: اول ماشفتها طرى على بالي
توق ضحكت: واو يل الاحاسيس
.

يتبع..
...
...
...
...