شفتك ب المنام حلم و ب الحقيقه احلام

27

دخلت غرفتها بعد يوم جميل متعب مع جيران طفولتهم
دخل وراها اخوها مستعجل: ها وش قالت؟!
ضحكت بصوت عالي ولفت عليه بين ضحكها: مستعجل شوي شوي توي ادخل
ابتسم وجلس بسريرها: قولي لي وش قالت ب التفصيل
ابتسمت وهي تتكتف: بس بشرط
عمر رفع حاجبه: وشو؟؟
نجود: ابيك كل ماقلت خل نطلع تقولي تم حتى لو عندك اشغال الدنيا
عمر: هاذي صعبه اطلبي شي ثاااني
ابتسمت وجلست جنبه: همام اخر فتره ضيع ساعته ابيك تشتري زيها
عمر وسع عيونه: من وين اجيب لتس زيها غاااليه وصعب القاها
نجود ضحكت: تبي ردها ولا لا؟!
عمر هز كتفوه: ايه ابيه الساعه تلقينها بيده بعد يومين
ضحكت ب انتصار: قالت افكر وقالت ماعرف
ناظر لها مصدوم: طيب السااعه والطلب وهاذا ردها!!!
ابتسمت: قالت افكر وتبي ترسل لي لمن تفكر
قامت وهي تكمل: يله اطلع برا
عمر قام وقال: الطرده يعني؟!
هزت راسها ب الايجاب: ايه مطرود اذا قالت لي اعلمك
ابتسم لها وطلع وسكر الباب
...

تممدت ب الكنبه وحولها امها وخواتها
غيم: الصراحه يجنونننن ليتهم جيراننا من قبل
ام فارس: عاد ماجلسنا معهم وقت طويل المره الجايه
نجم ابتمست: كم عدد اخوانهم؟!
ام فارس: ثلاث
نجم: وش اساميهم
توق رمت عليها وساده وقالت: وش تبين بهم
ابتسمت: بس ودي اعرف
ام فارس ناظرت لمجد الي شارده الذهن: اكبرهم عمر
غيم بمقاطعه: ليش تقولون لها ام همام اجل؟!
ام فارس بشبه عصبيه: لان همام ولدها من الرعد الباقين من ابو ثاني
غيم بعدم فهم: هممم
نجم: طيب والثالث
ام فارس: سياف
نجم: هممم طيب وش يشتغلون
توق: ناويه تخطبينهم وش الاساله هاذي
ابتسمت غيم: خليها تسأل حلالها نجمي
توق مدت لسانها وقالت وهي تقلد غيم: حلالها نجمي
ام فارس ابتمست وناظرت لمجد: مجد وشبلاتس
مجد نزت ولفت عليها: وش
نجم ضحكت: سلامتتس
غيم رمت وساده على توق: اخر مره شديت شعرتس متى
توق رجعت عليها الوساده: هممم دقيقه افكر مدري ولا مره
نجم ناظرت لمها: طيب مجد وش كانت تبي منتس نجود؟!
لفت عليها مجد ووسعت عيونها وقالت بكذب: تبي تجتمع مع صديقتها وقالت تعالي
غيم رمت الوساده على توق: ماصدقت كل هالهواجيس عشانها جمعه
توق مسكتها: مدري من يهوجس عشان جمعه
ام فارس ناظرتهم نظره حاده وقالت ببرود: خلو مجد لحالها
توق رمت الوساده لغيم وجت لحسن الحظ عند امها
مسكت ام فارس وهي تحاول تكبح الابتسامه: كل وحده تروح غرفتها الان
هزو البنات راسهم ب الايجاب وهم يدرون ان امهم بتعصب عليهم لو قالو حرف زياده
كل وحده مسكت اغراضها وصعدو لفوق
..

وقف قدام باب غرفه امه مد يده يبدق الباب لاكن سمع صوت امه تتكلم مع اخته
ام همام: شفتي ذيك الي رموها اهلها ب البر وجت للمخيم حقنا وحنا كنا فيه وجت لحضن همام وكانت تقوله ابوي
هزت نجود راسها ب الايجاب: ايه وشبه؟وش الطاري؟!
ابتمست ام همام ب انكسار: صار لها حادث بطريق وخالها صار بغيبوبه وهي صار فيها فقد ذاكره
شهقت نجود بخوف: صدققق ليشش توي ادري؟؟!!
همام وقف عند الباب مستغرب وه يسمع لسالتفهم وبراسه الف سؤال وعاقد حواجبه
ام همام: والخال كان يدري انه بيصير له حادث والهنوف مالها اهل بعده خل خويه يتمناها وتصير بنته
عقدت نجود حواجبها بخوف: طيب منهو الرجال ؟؟!
ام همام ابتسمت وهي تدري ان نجود بتنصدم وتصير سالفه طويله عريضه: ابو فارس
نجود وسعت عيونها: ايششش؟!
ام همام ضحكت: ايوه ابو فارس خوي متعب
نجود مسكت راسها: طيب هي منهي حديهم
وقفت بصدمه وهي تكمل وتناظر لامها: اول ماسلمت على نجم تذكرتها هي وجت ببالي على طول ليكوننن هيييي؟!!!!
هزت راسها ب الايجاب مبتسمه
نجود ضحكت ضحكه مصدومه: يمهه كيف كذا كبرت بسرعه اصلا وش ذا الصدف صدق يمه هي ولاتمزحين
ام همام ابتمست: ايه هي ما اتسذب عليتس
نجود جلست جنبها: طيب هي تتذكرنا؟!تدري انها اخت تبني؟!
ام همام هزت رأسها بالنفي: لا
تنهدت نجود
وقف عند الباب مصدوم وهو يربط بين كل المواضيع ببعض لين فهم السالفه صح رجع لادراجه من سمع صوت خطوات من غرفه امه جايي للباب
فتح باب غرفتته وهو يضحك مصدوم كانت الهنوف ماتغيب عن باله ومن اول ماراحت من بيتهم كان دايما يسال ابوه عنها بس لمن درى ابوه عن سالفه الحادث سكت وكان يقول اي شي يخطر بباله كبر ومرت السنوات بسررررعه وهي يتذكرها بين فتره وفتره من يسمع ب اسم متعب او الهنوف او مخيم تطري ببباله على طوول ..
بس الحين من درى بسالفه الحادث وان ابو فارس جيرانهم صارت بنته ب التبني وعاشت معهم طول ذيك السنين وفقدت الذاكره
انمحت كل احلامه ان تتذكره ووتذكر تفاصيل ذاك اليوم يوم لقوها ب المخيم وكيف هي متعلقه فيه وقتها ..
قام من سريره وتوجه لناحيه التسريحه فتح اول درج وطلع له كراسه رسم فتح اخر الصفحات وهو يناظر لاخر رسمه رسمها كانت البنت الي شافها بحلمه
الكبيره وجنبها الصغيره
ابتسم وهو يناظر للبنت الصغيره كيف تشبه للهنوف بشكل كبيره
تنهد وهو يتعوذ من الشياطن سكر الكراسه ورجعها لمكانها رفع جواله ودق على اسم "سطام"
سمع الصوت يرد عليه وهو يضحك: هلا بهمام
ابتسم همام وجلس على سريره: فاضي اليوم ولاناوي تدش(تنام)؟؟!
ضحك سطام: اذا تبيني اجيك لديرتك انا حولها
قال بضحكه: شفت انك ماتصبر يوم بدوني!!!؟
سطام بغرور: عاد من زينك، ها اجي ولا؟!
ابتسم همام: تعال حياك ب اوقف عند بوابه المدخل
ضحك سطام: يله جايك
...

ركب سيارته وناظر للبيت الشجر
ابتسم لاشعوريا ووردد الابيات بذهنه
"
لو البعد يجي على قد الاشواق
كان شوقي تعدى بعدك وجابك
..

فرشت السجاده على سطح بيتهم وهي لازالت على مكياجها الا انها لبست بنطلون كاروهات اسود وكحلي ولابسه تيشيرت اسود
غيم جلست: السهر والسوالف لمين
توق جلست وبيدها حوب قهوه: احس كل مره نقول بنلعب نجلس نسولف
نجم جلست وهزت راسهاب الايجاب: يب عشان كذا عطوني سوالفكم
توق: وش صار على الصوت الي اول مادخلنا
نجم بحماس ابتمست: ابوي يقول اليوم العصر هي نامت وبيودينا بكرا لبيتها
غيم وسعت عيونها: ليكون ابوي تزوج على امي
توق بصدمه: يا حيوانه وش ذا التفكير مستحيللل ابوي يسويها
نجم: وانتي بعد تشاورين ابوي من سابع المستحيلات
غيم سندت نفسها لورا للتكايه: نبي احد يتزوج نبي مناسبه وعزايم
توق: هممم ندور رجل الاحلام لمجد ونجمع راسين ب الحلال
نجم ضحكت: ايه ويكون يحب مجد ومجد تحبه
ضحكت غيم: ونعزم الا مانعرفهم ونعرفهم
توق بضحكه: وبعدها يجيبون بيبي عنود وبيبي عزيز ونصير خالات
وقفت عند الباب وهي تسمعهم: هاذي الاحلام تحلمونها دايم ولا لا
ضحكو البنات ولفو عليها وهزو راسهم ب الايجاب
مجد تنهدت وراحت تجلس معهم: من ساااابع المستحيلات اتزوج قبل فارس
نجم: حبيبتي ارتاحي وفارس يقول ماراح اتزوج لين تتزوج مجد قبلي
غيم: ترااا مب عزيمه من يتزوج اول
ضحكت توق: ايه والله بعدين ترا الزواج نعمه كبيره ومن سنن الحياه، تبين ندور لتس واحده يخخخققق
مجد رفعت يدينها:لا شكرا مابي احد
نجم ابتمست وشرف رشفه بسيطه وهي تضحك وتشوف توق ومجد كيف يتخانقون ويتناقشون عن الموضوع وغيم تحرش بينهم

..