شفتك ب المنام حلم و ب الحقيقه احلام

38

سندت نفسها لورا بعد جلسه اهلها ب الحديقه ..
ابتسمت وهمست: خليني اخليه والله ماعنده اي سالفه بانام واسحب عليه
رفعت جوالها وفتحته على رسايل صديقتها لها
وبعد مده قفلت جوالها وحطته ب الشاحن وانسدحت بسريرها وغطست بنوم عممميق..

..

ضحك سطام وقال: شف هو انت بتسوي خير بس بتسوي شر تكفى خلها
همام: هو حرااام ادري بس ابي اقول لها
سطام لف عليه بغضب: انتي تدري وش تسوي ابعددد عنهاااا ابعددد ربي بيعصب عليك تدري؟
همام شرب كاسته بهدوء ويبعد نظره عن عيون سطام
لف بغضب لجهه الشاشه: باتسر برجع تجي ولا لا؟
همام بهدوء: اشوف
..

فتحت عيونها من صوت اختها الي واقفه قدام راسها
مجد: نجمممم قومييييي اخلصييي بنطلع نتمشى اليوم غيمم
نجم غطت وججها ب البطانيه وقالت بعصبيه: كم الساعه بس؟
نطقت وهي واقفه قدام التسىريحه ماسكه شنطه:امممم الساعه تقريبا اربع العصر مره تأخرنا يالله!!!
قامت وبنظرها كانت تدور جوالها لاكن شافته ب الشاحن ارتاحت ودخلت للحمام اما غيم الي طلعت بعد ماتأكدت انها دخلت ونزلت لامها الي تصوت بسمها..

..
: ها قامت اختتس
نزلت غيم بابتسامه شاقه وجهها: ايه توها تدخل تتوضى فاتتها صلاتين
تنهدت امها بيأس: الله يهديها، والباقيين وينهم
غيم جلست جنبها: قومتهم كلهم لا تخافين بس يمه؟
ام فارس: هلا
ميلت فمها وقالت بتفكير: ماودتتس نروح يوم مع اهل ابو عمرو منها نفرح ونأخذ ذكريات ومنها نشوفهم ومنها يتقروبن نجلاء وعمرو
ضحكت ام فارس بضحكه بانت غمازتها: منهم عمرو ونجلاء وشذا الاسامي بعدين لو بنطلع بنطلع اكيد بس مو اليوم
غيم: ايه يمه اخترنا لهم ذا الاسامي عشان لو نبي نسولف نقول نجلاء وعمرو
مسكت ترمس القهوه وفنجان على دخله ابو فارس من الصلاه ووراه فارس
ابتسمت غيم وقالت: هلاااا والله ابوي حياك استرح
فارس جلس بعد ما ابتسم ابوه وجلس جنب امه: وانا مالي تراحيب
غيم: يوووه عاد انت غيور وتبي كل شي لك
ضحك فارس وجلس قدام امه وابوه
اما ام فارس جلست تصب لهم قهوه وغيم راحت تشوف البنات
..

تدندن ب المطبخ وتغني وجنبها سماعه وبيدها اسفنجه مواعين وجنبها تترقص خادمتهم
نجود: عطيييهاااا يمييين يسارررر
نور خادمتهم كانت فرررحانه بمعنى الكلمه..تنظف وتغني ب المطبخ مع نجود هذا اكثر شي تحبه ب الاسبوع
ضحكت نور وقالت بصوت عالي وهي تكنس الارض: اييييووووااا
دخلت ام همام عاقده حواجبها لقت المنظر الي قدامها استغفرت وسكرت السماعه بعصبيه: انتم الى متى هالعاده تخلونها
لفت عليها نجود: يمه وشبتس خلينا نستانس
نور: ايوا صح كلام نجود
ام همام وزادت حدتها ب الكلام خلتهم يتنافرون وينسون شي اسمه وناسه: وناسه ب اغاني وترقص بنص العصر هذا المفروض تجلسن تسبحن وتهللن وتوحقلن
نجود وهي ترجع الاغراض الي بيدها مكانها: خلاص يمه اخر مره ولا يهون زعلتس علي
كبحت ابتسامتها وخذت السماعه وطلعت لبرا
نور: هذا شكلها يتجاهل انتي
ابتسمت نجود وقالت: لا لا معليتس امي ماتزعل بس كذا تعصب قدامنا عشان نخاف يلا يلا خل ننظف عشان نرتاح
...

نزلو البنات ورا بعض كلهم لابسين وبيدهم عبايتهم
جلست توق جنب امها بحماس: يبه وين ناوي نروح اليوم!!
ابو فارس وبيده جواله: افكر نروح محميه للورد قريب شوي يمكن عشرين دقيقه او ربع ساعه
مجد وهي تجلس: الله يعني بنأخذ افضل جلسه تصوير
فارس: عشان كذا لاتنسين الكاميرا
ضحكت غيم: خلوها علي صح نجم؟
نجم بصوت خااافت: صح
انتبهت لها امها انها مو على بعضها اليوم وجهها اصفر ولا هي معهم ب السوالف والضحك قررت تسألها بعد شوي اذا راحو..
..

جلس جنب امه بحماس: وراها حلوه اللبن زعلانه من مزعلها عشان اخليه يندم
ابتمست ام عمر: محد مزعلني من يوم شفت هالوجه
ابتسم سياف: حلو، اليوم مابوه شين نسويه لاني حسيت ب الطفش
نزل عمر وبيده شنطته وب اليد الثانيه لابتوب: الله الله شهالقعده الرومنسيه ناقصها انا
اشرت بيدها الا مكان جنبها: اجلس ياوليدي
جلس جنب امه بابتسامه: هاااا وشعندكم؟
سياف: ماعندنا شي بس اليوم لازم نسوي شي اليوم بيرجع همام للرياض وانت شكلك من وجهك بترجع بعد
عمر ضحك: ايه برجع بعد يومين للرياض عندي معرض
ام همام: الله يوفقكم وويسسر اموركم
سيّاف وعمر بوقت واحد: امين
جتهم نجود: اخخصصص اخصص اخواني هنا وانا مادري
سيّاف: تعالي تعالي انقلي العلوم ووش صاير
نجود ابتمست وجلست قدامهم ب الارض: يوووه يمه لو تدرين توها كلمتني غيم قايله ان فارس ونجم ومجد بيروحون الرياض نجم عشان تطبيق هناك وفارس عشان الشركه و مجد تدور لها خلاقين
ام عمر بانزعاج: وانتي طابه ببيتهم تعرفين كل شي ببيتهم
نجود: هاا يمهه بس هي قالت لي ودايم ننقل علوم لبعض عادي مابوه شين
سيّاف بضحكه وبيده فنجانه يدوره بيده: ابشرتس بعد تدرين عمر بيروح الرياض
شهقت بصدمه: صدززز اجل رح مع مجد وخل نجم وفارس لحالهم
ام عمر ضحكت: توني كنت بقولها
عمر ونظره بعيد ماينظار عيون نجود الي تراعي له وتضحك: نشوف يصير خير
سيّاف: مسك يصير خير حقت الآباء حبيبي ترا توك ب البدايات؟
..

⭐