شفتك ب المنام حلم و ب الحقيقه احلام

25

.
فتحت باب مقهى اسمه "نشاب"
ب الوان داكنه. و غامقه بكراسي محدوده و بلوحات كبيره بطابع كلاسيكي
لقت لها بنتين و ولدين جالسين لحالهم بس راحت للباريستا وهي تناظر بذهول لجمال الككان: السلام عليكم
الموضف: وعليكم السلام وش حابه تطلبين؟
نجم: اول مره اجيكم ممكن تعطيني افضل شي عندكم؟
الموضف ابتسم: ايه ممكن افضل شي عندنا اسبريسو و كروسان التوت و الكرز حابه تطلبينهم
نجم: اي الله يعافيك
الموضف مد لها الصرافه: هاذا حسابتس
نجم ابتمست لها ودفعت: مشكور
الموضف: العفو
مشت بعد ما اخذت رقمها ووجلست قريب للنافذه طلعت لها كتاب تقرا فيه لين يجي طلبها
...
مجد قامت من نومها وهي تفرك عيونها بتعب تنهدت وقامت من سريرها
وطلعت لبرا وهي تنادي: توققق تووووق
غيم طلعت من غرفتها عاقده حواجبها: خير من صباح الله خير
مجد بتعب: ابي توق تنزل تقول لامي تسوي لي يانسون
غيم: توق نايمه بسابع نومه
مجد بترجي: اجل تكفين سوي لي
غيم: اذا سويت لتس تطلبين لي قهوه المغرب
مجد: اشوف
طلعت من غرفتها وسكرت الباب : اكيددددد ترا ودي بها
مجد: ايه ايه ماعليتس
وسكرت الباب ب الخفيف
...
صحت على صوت اخوها فوق راسها: نجود قومي
نجود قامت مرعوبه: عمرررر متى جيت
عمر ابتسم: من امس وانا فيه
نجود: مانتبهت لتس كنت اشتغل
عمر: مايخالاف عندي لتس سالفه
نجود تعدلت بجلستها: انزل تحت ولاخلصت جيتك
عمر: تمام
...
رفعت راسها الموضف الي حط طلبها قدامها
نجم: يعيك العافيه
الموضف ابتسم لها بلطف: الله يعافيتس
مدت يدها للكوب ورشفته مه رشفه بسيط ووتذل من طعمها ..
بعد ربع ساعه جالس بمكانها للان و بيدها كتاب تقرا فيه بحماس
جلست بجنبها مرت بناقب و عبايه سوداء وبنظرات طبيه: سلام عليكم
نجم لفت عليها: وعليكم السلام
ضحكت البنت بتوتر: اسفه والله اني قاطعتتس،
نجم: ابدا عادي
البنت:جيت ب اسألك عن شي و اروح
نجم هزت راسها ب الايجاب
البنت:انا اول مره اشوفتس ب الديره وين انتو ساكنين
نجم بعقلها" ما شاء الله شكلهم كلهم يتعارفون"
نجم ابتمست: اليوم راجعين لبيتنا القديم
البنت ابتمست: وين؟
نجم: همم عند الزاوية ب أقصى الشمال اذا تعرفين ناس اسمهم ابو همام حنا جنبهم
البنت ضحكت: صدق انتي بيتتس بيت الشجر
نجم ضحكت بذهول: ايه كيف عرفتي
البنت: الكل يدري وماينادونه الا بيت الشجر عشان شجركم ما شاء الله،ومتشوقين نشوفكم انا الزين بنت ثنيان وجيت هنا اجازه ببيت جدي
نجم بضحكه: ما شاء الله وين بيتكم؟
الزين: قريب عندكم شوي بعد شارعين، عاد الذ جت العزيمه الكبيره حاولي تلقيني
نجم بضحكه: ليه؟
الزين: بنات خوالي وخالتي كلنا نتشابه
نجم:يمكن اعرفتس ب الصوت
الزين فتحت جوالها: عشان كذا ب اعطيتس رقمي، بس انتي شسمتس
نجم: نجم بنت عبدالعزيز
الزين مدت لها جوالها: عشات الاسامي، هاذا رقمي
نجم كتبت رقمها ب كتابها: تمام
وكملت بضحكه: عاد عندي تؤامي حاولي تلقيني
الزين ضحكت و قامت : صدز حلو ب احاول، الحين بروح جيت اتعرف عليتس بس واعرف من انتي اعذريني على الفضول ذابحني
نجم ضحكت: ب العكس تشرف بمعرفتتس أن شآء الله تتقابل مره ثانيه
الزين: أن شآء الله يلا معسلامه
نجم ابتمست: مع السلامه
طلعت الزين من المقهى ووراها بنتين وولد وبنت صغيره بحضن الولد
تنهدت نجم ب ابتسامه وشالت كتابها وتوت باق وطلعت من المقهى وهي مبتسمه للموقف اللطيف
..
وقفت سيارتها بموقف قدام البيت نزلت وهي ماسكه اغراضها التفت للسياره الي توقف وراها نفس الشخص الي شافته اليوم الصبح تنهدت وقفلت سيارتها ب المفتاح وراحت لباب بيتهم