- أنا داخل وعارف إن الليلة دي مش هتعدي علي خير منك لله يا حسن عينك رشقت في البنية جابت أجلها.... لا جابت أجلها ايه دانا الـ هيتجاب أجلي دلوقتِ ياما الحقيني...."
«أنس عثمان» 26سنة عنواني؟ من الريف المصري مش لازم اقولكم منين بظبط لكن كان لازم أقولكم الحصل معايا بتفاصيل أحيانًا التفاصيل بتكون مهمة، وفي حالتي دي التفاصيل عُنصر أساسي في حياتي والدي مُتوفي مِن وانا طفل تقريبًا إتخرجت من هندسة سنة 2017 والدتي أصرت اني كان لازم أكمل نص ديني وأتجوز مش فاهم ايه العلاقة!
- ياجماعة انا لسا ملقتش شغل طب إدوني فُرصة!
فضلت أقول الكلام دا بس تقريبآ يومها كانت العيلة كُلها مِتفقة عليا لأن تاني يوم اتبعتلي عقد عمل امضيه لشغل في شركة عقارات كبيرة كان جوز أختي الـ أتوسطلي فيها وكأنه كان قاصد في الوقت دا بِذات معدتش في حجج قدامى بصراحة هما معاهم حق مكنش عندنا الجواز عن حب دا فكان تحت إصرارهم الرهيب وافقت ورحت مع والدتي أشوف البنت الـ جبتهالي ويارتني مروحت اي دا! شُفت جمال فتاك مش قادر أوصف جمالها الحُسن عليها فاض، مكنتش مُحجبة ودا خلاني أضايق بِصراحة لكن تحت جمالها دا وافقت أخُدها بس وبعدين أحجبها عندي إتخطبنا انا و "ملك" شهر والحقيقه ان دا كان اجمل شهر قضيته بس كان في إحساس غريب بيتملكني كُل مبص في عينها كأن في حاجة غريبة انا مش فاهمها فيها.
كان اهل ملك مبسوطين جدًا وكذالك اهلي،و ملك بردو كانت مبسوطة بس تعبير وشها صعب تتقرأ بنسبالي، انا بقا كنت طاير م الفرح ومستني الزفاف بـ أحر م الجمر لكن الحقيقه اليوم دا كان مخبيلي العجب والـ خلاني بعدهاا اشوف الحياة من منظور تاني خالص.
تحضيرات الزفاف أتمت علي اكمل وجه في اليوم دا انا كنت جوا في أوضى زىى زى اى عريس بيجهز نَفسه قبل لقاء عروسته فاكر حسن ابن عمى يومها وهو بيهزر معايا وبيقول - يبختك ياعم مين قدك الليلة طول عمرك تقع واقف البت جامدة
بصيت له بِسخرية وغضب وقلت - أنا مراتي جامدة!! يامُهزأ اطلع يلا مِن هنا غور.
وبدون كلام كتير اديته بالشلوط خرج وهو بيضحك مش فاهم ايه النوعية دي من البشر المهم انى كملت تسريح شعري وانا بغني لحكيم " الليلة عيد الليلة الليلة عيد "
في اللحظة دي وبدون أي مُقدمات صوت صفير في ودانى مش صفير لا كأن حد دخل سيخ حديد في ودنك إحساس بشع وقعت علي الأرض وانا ماسك ودنى ودماغى الـ هتنفلق نُصين وانا مش قادر فضلت كدا قُريب ال 3 دقايق كُنت بعاني فيهم لحد مدخلت أمي وهي بتديني طقوس الزواج المشهور من زغاريط وادعية وكأني كُنت ناقص حد يجي يعمل صوت جمبي بس الغريبة ان حسيت براحة أول م أمى دخلت وهي بتجيب سيرة الله سُبحانة وتعالي وهي بتبخرني وحبة تتدعي وحبة تزغرط وانا كان خلاص الألم خف منى محبتش أجبلها سيرة لما سألتني اني قاعد كدا ليه ولسا ملبستش الجاكت.
- يلا يبني عشان تروح تجيب عروستك ياحبيبي ربنا يحرسك ولولولولوي
" أعذروني فأنا شخص أعشق التفاصيل زي مقلتلكم! فمتستغربوش لو كتبتلكم الزغروطة كمان"
نرجع لموضعنا قومت لبست البدلة علي السريع واتأكد مِن لبسي وشكلي كُنت حسسني " روبرت باتينسون " في نفسي كدا متستغربوش انا كنت فعلا وسيم واي بنت تتمناني إحم بس بعد الهحكي مفيش حد هيبص في وشي أعتقد
خرجت روحت لـ ملك الكوافير ولكم ان تتخيلو ازاي كان شكلها دون مبالغة فتاة من الحور فِعليًا أخدتها ودخلنا القاعة وكانت العيون عليها!!! قال وانا الـ كنت مفكر ان البنات هتبصلي وأني جامد هوبا هاي وكدا بس هما كمان كانو بيبصو علي ملك!؟
بعد التطبيل والظيطة بتاعة افراحنا كمصرين رقصت انا حبة مع اصحابي خد بالي إن ملك محدش قربلها ولا حد قالها حتي تقوم ترقص قربت منها ورقصت انا معاها رفضت في الأول كأي عروسة مكسوفة كانت حركتها غريبة في الرقص أعتبرت انها من فئة الفتيات الخجولة الملهاش في الرقص ودا أحسن بردو مش ناقصة لفت نظر أكتر قعدت هى وكملت انا رقص شوية حبة والفرح خلص ودا الـ كنت مستني من بدري ومكنتش اعرف ان حظى هيبقا أسود من محمد هنيدي في عسكر في المعسكر.
كانت ليلة سودة مش عارف اقولكم اي بصراحة وابدأ منين بس هي استأذنت ودخلت الحمام عادي، ملفتش نظري غير إنها غابت جدًا خبط عليها كُنت مفكرها محتاجة مُساعدة ولكنها مردتش فقلقت بصراحة والباب كان جامد معرفتش افتحه قولت ابص من تحت عقب الباب كنت قاصد اطمن محدش يفهم غلط!
مش عارف اجبهالكم ازاي بردو بس انا شوفت منظر عُمري مهنساه مدي حياتي البائسة شوفت جسم كله قشر كدة زي قشر السمكة بس ارق حاجة غريبة مش عارف اشرحها ووسط منا مركز اوي لقيتني نطيت ورا من الخضة أثر العيون الـ لقيتها في وشي بظبط من تحت العقب بتاع الباب عيون اقل ما يقال بشعة مخيفة مُظلمة غاضبة.
انا محستش بنفسى غير وانا بقوم اخرج من باب الشقة الـ زي مبيحصل في كل فيلم رعب هابط لقيته مقفول وعشان يكتمل المشهد الأهطل الـ بنشوفه النور قطع ياحلاوة ياولا بس في اللحظة دي مكنش في اهطل غيري لإني فضلت واقف قدام الباب مِستني اى الخطوة التانية الهتحصل وتمتمت بصوت واطي: يكُنش دا مقلب منك ياملوكتي؟
وكملت كلامي وانا ببلع ريقي بخوف: بس انا عارف انك مش بتاعة الكلام دا صح!!
سمعت صوت خطوات جاية نحيتي وبصوت غير الصوت العرفتها بيه خالص
_صح أنا مش بتاعة مقالب يا أنس يابن عثمان الغندور
عثمان الغندور هو اي فيلم النداهه الـ انا وقعت فيه دا ياربي!؟
كملت ام زبعبع القدامي كلام وقالت انا عارف انه مش وقت ضحك بس لازم اهون علي نفسي وإلا هعمل بيبي علي روحي
_ عملك ايه عشان تعمل فيه كدا ياوحش مفكرني أنا الوحش وخايف مني وانتو اي ياجنس ادم مُجرد عاهات حتي ابسط امور دينكم مش بتعملوها...
هي بتتكلم وانا الصدمة مش مخلياني عارف ارد او اقول حاجة كأني حرفيًا بتفرج علي فيلم رعب بجد بس رديت غصب عني م الخوف لما زعقت بصوت جهورى وقالتلي مترد.
_ ط... ط.....
وزي منتم بتحاولو تفهمو قاعد اتهته هو اي ال ط ط رايح ازغط بط انا مفيش فايدة في دماغى البتفكر في حاجات هطلة وسط الرعب دا
_ طب انا عملتلك اي وانتِ مين ولو سمحتِ متشتميش بني جنسي.
قولتها وجاتني جُرأءة ارفع صوبعى الينقطع في وشها، لقيتني طاير وقعت وقعة علي ضهرى الـ اتفشفش حرفيًا. وعقبال مخلصت صريخ من الوقعه لقيتها شدتني قومتني ووقفت قصادي تقول.
_ليك عين تتكلم يابن عثمان تحب تعرف انت عملت اى انت وجنسك السخيف.
مسكتني من هدومي وجرتني زي الفرخة للحمام وشاورت
_ هنا في الحتة دي كان قاعد خطيبي وحبيبي الـ كان فرحنا فاضل عليه يومين لكن جيت انت رشيت ماية سخنة مولعة حرقت حبيبي " ارهان " ولأنه كان من الجن "الترابيون" اضعف انواع الجن جسديًا انت موته ياقاتل ياوحش لو بس اتبعت نواهي رسولك لما حذركم يابني ادم مترموش ماية سُخنة في الحمام عشان لا تيأذو ولا تتأذو!
كملت بنوع مِن الحزن المكبوت: كان زمانو عايش واتجوزنا، انت يابشري دمرت حلمى وزواجي.
وبصتلي بصة شر:عشان كدا لازم تموت.
ولقيتني طاير في الهوا بينلى هقعد طول الليل اطير في الهواا واعشق في ال...
مكملتش الأغنية في عقلي الباطن ولقيت ماية سُخنة نزلت علي رجلى شوحتها زي تقلية المولخية حتي وانا بموت بهزر اللحقوني من نفسي ياناس مش من الجنية انا صوتي اتنبح م الصريخ حقيقي الوجع رهيب.
_ اي بتوجع طيب ارهان كان ذنبه اي؟ اتوجع نفس الوجع كدة ويمكن اكتر.
مبقتش قادر إترجتها تسيبني وانى مكنتش اعرف ولا اقصد وبعد كدا هتبع نهى وأمر رسولى اترجتها تسامحنى الأول عشان الوجع وعشان فعلًا حسيت انى من الناس الـ غافلة عن أقل حاجة في دينها ومعتبراها عادى
لحد مكان هيغم عليا م الوجع ومش كان دا انا فعلًا غبت عن الوعى
ولما حاولت استوعب انا فين سمعت صوت بُكاء جمبي ولما بدأت افوق لقيت امي بتقول: قوم ياضنايا اي العمل فيك كدة جرالك اي بس.
اتكلمت بحشرجة وارهاق حتي عيني مش قادر افتحها: في ايه انا فين
_فى ايه انت يابني احنا طالعنا علي صوتك ولما مفتحتش الباب كسرناه اى الحصل ومين عمل فيك كدة.
للحظة دار كل شريط الليلة دي في دماغي واتنفض من مكانى ومهتمتش للوجع
_ فين ملك هي فين؟
_ملك مين يبني؟
ملك مين!؟ اي بؤرة الجنون ال اتحشرت فيها دي.
وانا بفكر لقيت عمي داخل يطمن عليا وسألني نفس اسألة امي وبصيت لأمى وقولت: ملك ياما ملك مراتي طلعت جِنية و...
سكت لما لقيتهم بصولي وبصو لبعض بدهشة.
قال عمي: مراتك مين انت اتجوزت من ورانا
صرخت امى وهي بتبصلة وتقوله: يعنى دي الألفتت نظرك وبالنسبة للجنية دى. يبني انت قولتلي يومها انك هتتطلع تريح في شقتك شوية.
انا دلوقت الـ بان عليا علامات الدهشة لما قالو إني كُنت لوحدي في الشقة ومفيش حد وقالولي أشرحلهم ايه الحصل لكن هقولهم اى طول الوقت دا عايش في وهم من دماغي طب لو وهم ال حصل امبارح مكنش وهم اثار الحرق مش وهم بس خلاص مش هقدر احكلهم حاجة مش ممكن هقولهم اتجوزت جنية او اتوهمت اني اتجوزت جنية وهي ال عملت كدا عشان موت زوجها المُستقبلي! احتمال يعرضوني علي طبيب نفسى واصفىَ في مستشفى العباسية.
بعد اسبوعين اتعالجت بس حاليًا بمشي بِعكاز بس بعد متعلمت درس مُهم مفيش حاجة إسمها دا عادي في الدين بتاعنا دا أمر بسيط لو كان عادي مكنش تم إبلاغنا به.
الحمام ال بقيت مِن وقتها بخاف ادخلو وأثناء منا ببص عليه انتم اكيد هتصدقوني بعد الحصل وحكيته اىً كان القدامي دا وهم او لا بس مؤكد إنه صح لقيت علي الحيطة الجمب الحمام بيتحفر جملة بتقول" إن هذه الحشوش مُحتضرة، فإذا دخل أحدكم فليقل بسم الله."
دي أكيد ملك رغم كل العملته فيا وكل حاجة إلا إني بشكرها إنها مقتلتنيش.
كُل تجربة صعبة بنمر بيها بيكون وراها حكمة ومعرفة وعلم.
جايز الحاجة دي البعض بيشوفها بسيطة جدًا لكن زى مقرأتو كدة خطأ بسيط حصد نتيجة مؤلمة جدًا هتتحفر في دماغي العمرو كله بس سعيد لإنه اثرها جيه معايا بنتيجة إجابية لنفسى وروحى وبقيت مُطلع علي احاديث النبي مُحمد ﷺ كلها بل حفظتها الحمد الله وطبعًا مع حفظي ليها بقيت بمشي في حياتي بيها، بنسبة لسؤال ال جه في بال البعض مِنكم ازاي ملك الجنية قدرت توهمني الوهم دا كله الفرح اهلها اهلي حسن، الحقيقه انا معرفش يمكن شغل عفرته بقا مستبعدتش ان عشيرتها من الجن ساعدوها لكن انا علمي علمكم لو عندكم معلومة او تفسير لوهم الخداع البصري دا اتمني حد يروى فضولي.
شاركونا بِموقف مُشابه عن اذي الحمامات.
#إسكربتات_عامية_ساخرة_وهادفه.
