نايف:اطردك واطرد عشرة من أشكالك يارخمة يلا برا بس
ابو سلمان:عاجبك أليّ يصير ياحاكم يطردنا من مجلسكم؟
حاكم:والله هذا نايف مو اي احد السموحة منكم بس تفضلوا برا دام معاد بيننا الا شغل بس والبنت خلاص لولد جابر وسلمان نصيبه بيجيه وبيلاقي بنت الحلال الي تعزه
سلمان:بس انا ابي قصيدد احبها أحبها افهموا تحرموني منها ليه طيب ليه وانتوا ما قد جاكم مني اي ضرر ابداا
نايف بعصيبة:حبتك العفاريت انقلع خلاص لا تحبها تحبها
قصيد شدت جلالها عليها وبسخرية:ما قد جانا منك ضرر؟وين الي كل يوم يجي عند ابوي ع اساس سالفة شغّل وأخرتها توطوط عند باب غرفتي وتقعد تهدّدني إِنّي أوافق عليك؟كم مرا حاولت تتقرب مني ها؟كم مرا لحقتني لي جامعتي قول كم مرا؟كنت ابكي ليل ونهار بسببك حتى الجامعة غياباتي كثرت منك ومن ملاحقتك لي افهم افهم مابيك والله لو اخر رجال بالعالم هو انت ما أخذتك سامع؟والحين خلاص برااا تعبت منك كفاية تتعبني اكثر من كذا
سراج:قصيد الكلام الي سمعته صح ولا اذني فيها شيء؟
قصيد بدموع:صح صحّ ياسراج تكفى خذ حقي منه تكفى
سراج كفكف يدّين ثوبه :لا تقولين تكفى من اول ناويه انا
نايف بمقاطعة:معليش يا سراج بس خلّه علي انا الي مأخذ حقها وبيديني والله لأخليه يندم ع الساعة الي فكر فيها يمد يده ويحاول يتقرب منها ان ما غيرت ملامح وجهه ماكون نايف ، قصيد تقدمت جنبه وبتردد وتوتر همست:نايف
نايف أبتسم : سمّي ، قصيد:لو كان لي خاطر عندك عطه بس ضربة وحدة بس بوجهه غيرها لا والف لاااا طالبتك
نايف سكت وألتفت لسلمان الواقف يناظره بسخرية وعطاه ضربة بوجهه لدرجة أنفه نزف من هول الضربة الي جته ،التفت يناظر لقصيد بس أنصدم وقت صارخت بكل صوتها تنطق اسمه والتفت إلا سلمان بيضربه وصدها سريع
وبضحكة نطق:لا يبابا الرخوم م يضربون بالغدر واجهني واضرب مو تخليني اغفل وتجي تطلع عضلاتك يارخمه
الجدّ ساير: يلا يارجال ندخل ونكمل موضوع نايف وانت يا هذال خذ أخوك وطلعوا هذول من هنا استعجلوا
« حلّة ساير | خطبة نايف ع قصيد »
January 3 . 7 . 1445
نايف:انت عارف ياعمي انا ليه جايككم والبنت عطتكم موافقتها برا نبدا ؟ ، حاكم:عارفين يانايف ويلا ابدوا
الشيخ مسك يد نايف ويد حاكم ونطق: قل له زوجتك ابنتي
حاكم:زوجتك ابنتي ، الشيخ:على كتاب الله وسنه رسوله
حاكم:على كتاب الله وسنة رسوله ، الشيخ:قل قبلت
نايف:قبلت ، الشيخ:بارك الله لهما وبارك عليمها وأجمع بينهما في خير اللهم اجعله عقدا تنعقد به سعادتهما
قام الكلّ بدون إستثناء يباركون لنايف بعقد قرآنه
نايف:الله يبارك فيكم جميعاً وعقبال العزاب يارب العالمين
حاكم:رح رح ياهذال عط اختك الايباد تبصم ونادونا نبارك لها عشان زوجها يدخل لها ويسولفون ولا يوقعون سوا
سراج:بجي معك يلااا ياولد تعال
« مجلس الحريم | قصيد آل ساير »
الكلّ يبارك لها ومبسوطين من إختيار نايف اللي احسن فيها فعلاً ، توترت من سمعت صوت هذال يناديها:قصيد تعالي
تقدمت لهم بتوتر:هلا شفيك ، ضحك سراج من توترها:وش الي شفيك تعالي بصمي نايف ينتظرك بالمجلس يلا ، تقدمت تبصم وهي مشاعرها مُتلخبطة كان حب من طرف واحد وكتمت هذا الحب بقلبها ولا أفصحت عنه لكّن فجاءة بدون مقدمات جاء يخطبها وتصير زوجة له ، صحت ع نفسها من حضنوها أخوانها وتقدم ابوها يضمها ونطق:والله وكبرت دلوعة ابوها وصارت عروس مبروك مبروك ياحبيبتي
قصيد بدموع:الله يبارك فيك بابا ، حاكم:شايلة بخاطرك علي وانا ابوك؟ ، قصيد:كنت شايلة عشانك بتزوجني سلمان بس الحين لا ، بعد ما بارك لها الكل ضبطت شكّلها وراحت للمجلس عند نايف ، توتر من سمع صوت كعبها بكل مكان دليل وصولها وقف ع طول:هلا والله بقصيدي ادخلي
أبتسمت يوم سمعت اسمها من ثغره وأبتسم من إبتسامتها
تقدم نايف يبوس جبينها:مبروك عليك نايف ومبروك علي قصيد ياعذبة الأطباع ، قصيد بهمس خفيف:نايف
نايف أبتسم بوناسه:سمّي ياعيون نايف سمّي ياحبيبتي
قصيد:تحبني؟ ولا بس تبي تكسر راس سلمان وتاخذني؟
نايف بزعل:كُل هالحب الي بيطلع من عيوني واخرتها تسالين؟ زعلت خلاص وخري عني ، قصيد :يعني طلع شعور متبادل؟ ، نايف نسى العالم وكل شيء وركز ع كلمة "شعور متبادل" يعني تحبيني زي ما احبك؟ ، قصيد:وانا ليه كنت رافضة سلمان واصيح ليل ونهار عشاني أبيك يانايف احبك انت والله ، نايف أبتسم من كلمة احبك :عيون نايف والله هالكلمة كفيلة تسعدني سنة كامل وانا اموت ععليك
قصيد:وحشتك كثر ما وحشتني ولا الهُوك عنِّي ونسيتني؟
نايف:وظنك يمر يوم ما اشتاق لك فيه ؟وش العمر من دونك ووش دِنياك من دوني؟ انا احبك ياقصيد واهواك
قصيد: لا جيت لك متضايقه تلمني ؟ ، نايف أبتسم ونطق : متى أضمك بالحيل إلين ارضي ضلوعي ؟ ، قصيد تقدمت له وحضنته:انا الي برضي ضلوعي وبرضي شوقي لان الدنيا هالفترة ثقيلة ع قلبي ، نايف: مسح ع قلبها ونطق:بسم الله ع قلبك امانة يادنيا لو جات تشكي لك حنّي عليها ترا احبها
قصيد:عادي تجيني اي وقت بدون موعد صرت أكرهه الايام اذا مرت وانت ما جيت عند أبوي لكّن تدري يانايف كسروني يوم جبروني اتزوجه وانا ما ابيه يانايف ما ابيه حولي كثير بس قلبي مايبي الا قلبك ، مسح نايف ع ضهرها:وهذا هو قلبي عندك وصاحب القلب بكبره لك بس وانتي لي انا بس
قصيد:وانا لك اصلا بدون م تقول ياورع ، نايف رفع حاجبه:ورع؟ عفوا ذكريني مين أكبر انا ولا انتي ؟
قصيد :وين الشايب الي يقوله سراج ما اشوفه سبحان من كمّلك بحسنك ، أبتسم بقوه:سراج يقول انا شايب ؟؟
قصيد: ايه هو يقولها كم عمرك انت الحين عشان احكم
نايف بإبتسامة: عمري 27 باقي ثلاث سنوات واصير ثلاثيني جاد ، قصيد كتمت ضحكتها وهي ودها تضحك ، نايف :معي ثلاث شهادات جامعية بكالوريوس بتخصصين
قصيد وسعت عيونها بصدمة مو واضح عليه ابدا
نايف:اتكلم 8 لغات عربي انجليزي فرنسي وإسباني وتركي وتايلادني و بريطاني وأتمنى أتعلم اللغة الإيطالي قريباً
قصيد بلعت ريقها بصدمة ما توقعته كذا ابداً وانصدمت
نايف وهو يعدل بشته:طبعا انا أشتغل بالعسكرية رتبتي فريق اول وش باقي تبين تعرفين عني وانا حاضر عيوني لك
قصيد : خلاص تعرفت عليك وأعرفك من اول الحين بطلع لبنات عمامك وعماتك واخواتك والباقيين من كبيرهم لصغيرهم عشان يشوفون اختيار ولد كيف بس ذويقق جدا
نايف : الثقة هاللي فيك من مين كسبتيها يابنت حاكم ها
قصيد : ممكن جدي؟ ممكن سراج ؟ ممكن امي ؟ ممكن العائلة الكريمة كلها ما يهم المهم ثقتي بمكانها يانايف
انحنى نايف من خلفها لأذنها وهمس: خذيتك من الي يبونك مرجلة وعناد وكسرت خشمه وصرتي حرم نايف ياقصيد انا بروح للرجال استودعتك الله يابنت حاكم انتبهي لنفسك وفي هدية بسيطة مني لك تلقينها بغرفتك روحي الحين وشوفها ، قصيد : هدية ؟ تم الان بروححح دامه هديه
« في غرفة قصيد | قصر آل حاكم »
دخلت الغرفة وأنصدمت من كمية الورد الي فيه اشكال والوان انتبهت لثلاث باغات ورد بالحجم الكبير تقدمت للوردة الاولى باللون الاحمر أبتسمت بخجل من المكتوب " هل تقبلين بي كّـ زوج لك وتقبلين حُبي ؟ " اتجهت للوردة الثانيه وحست دموع من المكتوب " كل وردة في هالباغة تعتذر لكل لحظة تعب حسيتيها " شافت الباغة الأكبر الي جنبها أكياس كثيرة ومكتوب " أخترتك من الناس للقلب خلّه " وجنبه كرتون هداية مغلف فكت التغليفة وانصدمت من الموجود فيها بلوفرين طقم باللون الازرق مكتوب فيها بالبلوفر الاول " فِيني منّك " والثاني " فِيك منّي " مع جوال ايفون 15 وثلاث جرابات معه ، انتهت من الصندوق الاول وراحت للثاني عبارة عن " بوكس مكياج شانيل كامل طقم "
والكيس الثاني فيه " عطر مس ديور ابسلوتلي بلومنغ للنساء + ديور جريس طقم كامل " والكيس الثاني كان ضخم فتحته ورفعت الكرت المكتوب عليه" يفداك قلبٍ على ما تشتهي حاضر الفستان مفصل لك انتي خصيصاً وما يّزهى الا عليك وحاط تفاصيل ورد عشانك " رفعت الفستان وانصدمت من جماله ماسك من عند صدرها ومن تحت نفشة بسيطة باللون الابيض والوان الورود تغطيه باللون البنفسجي والوردي الغامق والافتح منه ، نزلت دموعها من فرط السعادة إليّ تحسها
