تقدم يفتح الدولاب وطلع بجامة قطن ثقيلة ونطق:تدفيك يادنو ؟
هزت رأسها بنعم ومدت يدها تأخذها منه وتمشي للحمام ونطق:تراني زوجك بدلي قدامي وشوله الحمام طيب
تخصرت عند الباب ونطقت:اما توي أدري إنك زوجي والله
رائد ببتسامة: الله لو يبتسم لي الحظ و القانا على طريق الوصل من دون ما ندري
نطقت وهي تتأمل إبتسامته: الوصِل ماله وقت إذا كان ودّك به
قام من ع السرير يتوجه لها يحاصرها ع الجدار ونطق:ودي به من إلي ما يبي بس مابي أتعبك ولاحقين عليه خلّينا نستأنس بشهرنا وبعدها خير
ميّلت رأسها ببتسامة وباست خده تنطق:تدري محظوظة عندي شخص متفهم زيك بس فليتها ومتت برد خلني أدخل أبدل ملابسي هالحين لا أمرض
وخر عنها ينطق: بسم الله الرحمن ع روحك بضلوعي عنك يلا أدخلي وأنا بكلم أهلي وبعدها نكلم عمي
هزّت رأسها بدون رد ودخلت ، ناظر حوله يبحث عن جواله وتوجه يدخل تطبيق السناب يدور ع سناب تولين ويدق عليها ، أبتسم من فكت المكالمة ع وجهها وريماس بجانبها ونطق: يا بهجة الروُح يا صباحي السعِيد أرحبوا ياقلب رائد أرحبوا والله إنِ مشتاقٍ لكم كيفكم يعيون أخوكم ؟
ريماس:وزعلتم يوم إني رفضت ولد حاكم وهذا أخويّ
رائد بإستغراب: من ولد حاكم
تولين:هذاك الدكتور حقها بالجامعة
رائد:هذال ؟
ريماس:أيوه هو
رائد:متى تقدم لك وأنا أخوك
ريماس:البارحة
رائد:علامك رفضتي ؟
تولين بعصبية:كمخة كمخة الولد شاريها ويبيها وهي رفضته بدون إستخارة حتى وش أسوي فيها هذي بالله ؟
رائد بضحكة:محمد يدري ؟
ريماس:لا ما علمته
رائد:بدخله بالمكالمة
أنتظروا كم دقيقة عبال ما يردّ عليهم محمد ونطق:أرحبوا ياواحشين قلّبي كيفكم يامال العافية كيف أوضاعكم أميمتي كيفها وأبوي كيفه عساه بخير وسمييّ وموضي كيّفها والباقين
ريماس:كلنا بخير ياحبيب أختك أنت كيفك وكيف لارتنا؟
قاطعته لارا من كان بيرد عليها ونطقت:لارتك بخير ياقلبي أنتِ كيفك ؟
تولين:لوليييي وحشتيني ما ودك ترجعين
لارا بضحكة:الأن أجيك ع أقرب رحلة
رائد بعبط:حتى أنا أشتقت لك تعالي المالديف
لارا بضحكة:بس ؟ الأن عطني يوم وأنا عندك ، التفت تناظر
لوجه محمد إلي شاد ع يدينه ونطقت:بنات كملوا سواليفكم بقفل المايك محمد يسمعكم ، تقدمت تجلس بحضنه ووجهها مقابل وجهه ونطقت:قولي وش فيك منفس ، محمد صد عنها يناظر أي مكان غير وجهها ونطق:مب زعلان ولا منفس يتوارى لك شكله كملي سوالف
مسكت دقنه بيدها تلف وجهه لناحيتها تنطق:علمني أنا قلت شيء خطأ ؟
عض طرف شفايفه ينطق: لا من قال
هزّت ذراعه تنطق بجدية:وجهك وملامحك واضحة جداً
صد عنها بعصبية ينطق:مافيني شيء قلت
زفرت بهدوء تنطق:محمد !
لف يناظرها ونطق:لبيه ياعروق قلبي سمّي
أبتسمت من رده تنطق:زعلان مني قول صح ؟
حاوط خصرها بيده ونطق::والله إني اظما للسواليف من فاهك وأدورها
مثل المدوّر في مخابيّه عن اغلى ما يملك تتوقعين أزعل ؟
حطت رأسها ع صدره بدون رد ، رفع رأسه بصدمة من حس بدموعها تبلل تيشيرته ونطق:لارا حبيبي فيك شيء؟
هزت رأسها بنفي بدون رد ونطق:وش مزعلك قوليلي ليش
رفعت رأسها تناظر وجهه ورجعت تصيح ونطق: لا إله إلا الله مأخذ لي بزر أنا وشوله الصياح ذا كله من مزعلك أنتِ
ناظرت وجهه تنطق بحدة مع دموع:محمد مابي تزعل ع مواضيع كلها أفكار غلّط بغلط والمفروض عارف إنو أنا ورائد نطقطق !
رفع حاجبه ينطق بنبرة غاضبّة:أنا طبعي كذا أغار وخصوصاً أنتِ أغار عليك يحترق قلبي ما أبي أشوف إحتكاك بينك وبين الباقي سواءً رائد ولا غيره مابي أشوفك تضحكين وتعطين مع غيري يبنت الحلال أحبّك راح من عمري كثير وأنا أبيك لا تحرقين قلبي عليّك الحين
ناظرت عصبيته وغيرته عليها وقدمت وجهها تطبع بوسة ع خده ونطقت:طيب تعرف إنك وأنت معصب وزعلان عسول كتكوت حلو بكلّ وقتك
زفر بجدية ينطق:شف أنا وش أقول وهي وش تقول
أبتسمت من كلامه ونطقت:بس ؟ من عيوني أبشر
قدم وجهه يبوس جبينها ونطق: أحبّك يابعدهم روحي تجهزي خلينا نطلع وأنا بكلمهم ونروح
هزت رأسه ونطق:أيوه وش كنتوا تقولون
ريماس:فك الكام خلنا نشوف وجهك طيب
تولين:مقفل الكام والمايك شكله ذايب بالعسل أخونا
رائد بضحك:أنشهد ما صدق ع الله يختلي فيها
ناظرهم بصدمة ونطق:ما تستحون أنتم أخوكم الكبير ترا شذا الكلام
تولين:أسمع أسمع خبر حصري
دقتها ريماس عشان تسكت ونطق:تكلمي وش فيه ريماس أشوفك ترا خليها تتكلم
تولين:ريماس خطبها هذال ولد حاكم الدكتور ورفضته
محمد:أخو قصيد ؟
رائد:أيه تقدم لها أمس ورفضته بدون إستخارة حتى شف الغبية
محمد:وش إلي غبيه أنت الثاني يمكن إنها ما تبيه شفيك
ريماس:مو سالفة ما أبيه بس مدري متخوفة من فكرة الزواج وفوقهااا ما أعرفه مرا
رائد:غريب خطبك صار بينكم شيء ؟
ريماس بتوتر:مرا دخلت عليه بالغلط ويوم جيت بطلع غطاني بشماغه والمرا الثانية كنت العب مع البزارين وفي عيال برا وجاء هاوشني وبرضوا غطاني بشماغه وللحين معي
محمد:ما شاء الله عليه فوق ذا كله ترفضينه هذال لو إني بنت وافقت عليه
ريماس:قاعدين تخلوني أندم ترا خير أنت وياه
التفت محمد يناظرها من طلعت ونطق:المهم وأنا أخوك ما عليه الحياة قسمة ونصيب أنا بقفل بطلع معها وإنتبهوا لنفسكم فـ أمان الله
ناظرها من طلعت لابسة فستان أبيض تزين بالورد ماسك ع صدرها ومن تحت عادي وشعرته سوته ويڤي ودارت حلو نفسها تنطق:شراييك ؟
وقف يصفر لها بدهشة وأردف: ياوجهٍ يجيب كل أقصاي ويلمّه الظاهر إنه الوصل بيصير مرّه ثانية
ضحكت بصدمة تنطق:مو طبيعي مشفوح أنت !
ضحك من كلمتها يتوجه لشنطته ، أبتسم إبتسامه واسعة من شاف كم لبسة ، طلع له قميص أبيض وبنطلون جنز ، حطها ع جنّب يتوجه للشنطة الجانبية يطلع له شراب ، مع جزمته السبورت ، نزع ملابسه أمامها يبدل ونطقت:ما تستحي ؟
عدّل جلسته يقابل عيونها وينطق بحدة:ز و ج ك زوجك
رفعت عيونها له تنطق بإبتسامة تخفيها:ولو أدخل داخل بدل
نزع تيشيرته أمامها يلبس قميص غيره ونطق:وليلة الوصل قبل كَم ساعة ؟
دبّ التوتر بصدرها من شافت إبتسامته وصدت بخجل منه ومن الطاري ، تقدم ينحني لها يقبّل خدها ينطق بهمس:
إنّ بغيتِ الصدق والله العظيم ما يسر القلب غير وَصلك
ضحك من شافها تأخذ جاكيتها الطويل وجوالها تنحاش للخارج من شدة خجلها ونطق:ياناس أحبها ياناس
لارا بصراخ من الخارج:أخلص بس لا تحبني ولا شيء يلا
طلع يشوفها واقفة مقابل الباب وأغراضها بالداخل تنتظره يخلص ، تقدم يحاوط خصرها بيده يشد عليها يؤكد لها إنه حلال بالوصل أو بدون ، يدفن وجهه بنحرها يستنشق ريحة مرطبها ونطقت تبتعد عنه تنطق:عطرك لا يمسك بفستاني
محمد بإستغراب:وطيب وش فيها لو ثبت عادي
رفعت حاجبها بنبرة غضب تنطق:لا ياحبيبي مو ناقصة ينكتب عني زانية بسبب أنت وعطرك خصوصاً ماليزيا زحمة وتجمعات شباب ياحلو
مد يده يسحبها ناحيته تطيح بحضنه ونطق:صح كلامك عيّن العقل يا أمي إنتِ يلا نفطر ونطلع نفر ماليزيا لعيونك
ناظره بعبط تنطق:بحضنك مقدر أكل أكلني أنت
سحب صحن الزيتون يأخذ منه ويمدها لفمها
ونطق:من عيوني كم عنديّ لارا أنا
ضحكت من كلامه ، وسرعان ما بدت تكح ناظرها بصدمة يضرب بضهرها ويمد يده بأخذ الموية ويعطيها وينطق:سمّي بالله يا بنتي ما يصير تضحكين وأنتِ تأكلين سامعة ؟
هزت رأسها بضحكة ونطق:صاملة تضحكين إنتِ ؟؟
حطت رأسها ع صدره تنطق:أحبّك
زفر بهدوء يتكي برأسه ع الجدار ونطق: غردي بحُبّك ف إذني وصبي بسمتــك ف عيوني و إستريحي ف الضمير و حاجتك مقضيه يادنيا محمد إنتِ
رفعت رأسها تشوف جاكيته الأبيض ونطقت:مطقم معي بالغلط يالبييه صدق
شد بيده ع خصرها ينطق:للأسف مو بالغلط أنا متعمد البس أبيض عشان زوجتيّ الحلوة
باست خده قريب من ثغره ونطقت:اوميقاد حتى بالجاكيت الطويل طقم
وقف ينزلها من حضنه ع الأرض ونطق:لو إنه البوسة بثغري مو أحلى ؟
صفقته ببطنه تنطق:يع إشبك كذا مشفوح أنت ما تشبع ؟
حط يده ع بطنه بألم ينطق:إنتِ بستيني مو أنا بستك
شمقت له بعيونها ونطقت:أقول البس جاكيتك أخلص خل نروح نتمشى
أخذ جاكيته يلبسه ويطلع للخارج يشابك يده بيدها ولابس نظراته يمشون بالشارع القريب من فندقهم تحت سوالف لارا وردود محمد عليها
وقفوا جنب المشتل ينطق:بجيب لك ورد وش تحبين نوع ؟
