« عند كوبلنا قليل الظهور »
واقفة مقابل الغاز تسوي الشاهي ولفت تناظر للي دخل المطبخ وجلس ع الطاولة ونطقت:ماجد شتسوي هنا
حط رأسه ع الطاولة ونطق:مصدع أحس رأسي بينفجر
تقدمت تفتح علبة الصيدلية وطلعت حبوب ونطقت:خذ أشربها ع بال ما أسوي لك شاي أخضر بيفيدك ترا وخذها مني
هز رأسه وأخذها من يدها ونطقت:من متى مصدع
رفع رأسه ونطق:معرف إمكن الصبح كذا ناسي والله
ناظرت للشاي وهو يفور ونطقت:شف واحد من العيال يوديك المستشفى أو أي صيدلية قريب من هنا
هز رأسه بالنفي:بروح مستشفى جدي مع مشاري أو ضاري ، رفعت جوالها من جاها أتصال من شذى ونطقت:هلا يحلوة تمام أنا بالمطبخ الحين أطلع حياتي
نطق ماجد بإستغراب:مين ووين رايحة الحين
ربى:شذى تقول تعالي في عرضة وأجواء خيال بالخارج
نطق ماجد بضحكة:تمام يلا بما إنها خيال حت أنا بشوف
هزت رأسها وعدلت طرحتها وعبايتها وتقدمت تمشّي للخارج وصوت الشيلات مرتفع وتصفيق البنات بحماس
رفعت عيونها من شافت العيال مقابلين بعض ويعرضون بسيوفهم ويتوسطهم الجد وعياله حوله مستمرين بالرقص بكل حماس زاد صراخهم من دخل ضاري بغترته إلي تلونت بالأبيض وراكب ع الخيل والإبتسامه ما فارقت وجهه حرك عيونه يدورها من بين البنات يعرفها من بين مليون بنِت حافظها وعارف عيونها شافها وزادت إبتسامته من شافها تصوره مد يده يسوي لها لايك وغمز لها وقام يستعرض بالخيل تحت صراخ العيال وتعزيزهم له ، نزل من ع الخيل ومد له سيف أخوه السيف حقه يلاعب به تحت أصوات العيال العالية يغنون بصوت واحد من بدأ ضاري باللعب وتقدم يوقف مقابل سهام ومد لها ماجد سيفه عشان تلاعب ضاري وبدت تتمايل معه وهالمرة ضاري بدأ يغني شيلة الفنان ناصر الحريض:
كيف حرفك لعثم حبال الحناجر من سناء الأفكار والأشواق حية من سناء الأفكار والأشواق حية لاعبيني يا هوى والليل سامر لاعبيني باللحون السّامرية لاعبيني باللحون السّامرية
أنبهر الكل من كِمية التناسق بينهم وكيف ضاري يجاريها بكل حُب ، تقدم ضاري من أنتهى وباس رأسها ونطق:بعد الصبر نال قلبي ما بغاه أخيرًا من عرفتك وأنا قلبي بالمحبة لك يزيد يانبض قلبي ورغبته وأختياره أنا إلي ما أميل ميلتني عيونك ليت اللقاء ما ينتهي يوم أشوف وجهك السمح قبالي لو مبسك سمّ قبلته وأنا راضي
سهام بحُب كبير :النعم لا جيت أعدّدها أعدك أنت نعمة ما تكرّرها الليالي
ضاري:أحبّك والعمرة مرّة ، وأحبّك والسنين فصول
وإذا كان العُمر يرجع ؟ بحبّك وبرجع أختارك ياحبيبة فؤاد ضاري
سهام:مشاعرييي مقدر أوصّفها غريب بس أحبّك بعد
ضاري:بصير أنا من يوديك للشغل ويرجعك
سهام بضحكة:حسنة الدوام إنك فيه بس الباقي ايييو فعلًا
ضاري:حسنة الدوام أيش ياحلوة ؟
سهام بعبط:المدير الجديد
ضاري:المدير ؟ ولا أنا اخلصي يابلاير
ناظرت حولها تشوف في أحد يشوفهم أو لا وبحركة سريعة باست خده ونطقت:حسنة الدوام أنت وبس ، خلصت كلامها وهجت ما يشوف إلا غبارها حط يده ع خده وأبتسم بضحكة تقدم ماجد جنب مشاري ونطق:ولد العم تفزع لي ؟
شاش رأس مشاري ونطق:أبك تحزم وأبشر بسعدك من أكفخ
هز رأسه ماجد بيأس منه ونطق:وأنت ع طول بتكفخ ياولد الحلال رأسيّ بينفجر توديني مستشفى جدي ؟
دخل مشاري يده بجيبه ونطق:يلا أسبقني هذا المفتاح شغل وجايك ، مد يده ماجد وشال المفتاح وراح للسيارة ينتظر مشاري رفع رأسه من ركب مشاري ومد يده يشبك ع سماعة السيارة وشغل أغنيه عايض قليل الشوف وبدأ يغني معه:
وصالك يبري جروحي وبعدك يكشف وضوحي تغيب و تختفي و تروح لا سكه ولا عنوان وحبك آخر امالي و وصلك غاية طموحي انا ما اقدر على بعدك و اكره فكرة النسيان
ناظره ماجد ونطق:لا يهمك جور الأيـَام يالصدر الرحُوب
خلها تمضي مثل ما على غيرك مضت
عساها ما تنتهي السنة إلا وهي حَرم مشاري وببيته وأم لعياله لا تضيق خاطرك وأنا أخوك
أبتسم مشاري بدون رد وحرك سيارته طالع من الحلّة متوجه للمستشفى وبنص الطريق ناظر لماجد ونطق:وش يوجعك
ماجد:والله الصدق مدري بس رأسي بينفجر من الصبح بس ماسك نفسي عشان العزيمة وأخاف أسوق ويجيني شيء فعلمتك
هز رأسه ووقف السيارة في الباركينق ، دخل يده بإستغراب يطلع جواله وأستغرب أكثر من شاف رند تتصل فيه ونطق:ماجد حبيبي أنزل للأستقبال وأنا برد ع رند وأجيك ، تمتم بخفوت ونزل من السيارة وفتح مشاري الخط ونطق :رند ؟
رند بإستغراب:مشاري وش جاب جوال مطلق معك
مشاري:بس ذا جوالي مو جوال مطلق الوكاد إنك ملخبطة يازوجتي المستقبليّة
رند بعدت الجوال عن إذنها وشافت إسم مشاري ونطقت:والله ما ركزت إنك مشاري عبالي مطلق
مشاري:لا تكابرين أعترفي إني وحشتك يادنياي
رند بعبط:أيه وحشتني ويلا بما إنك زوجي المستقبلي روح المكتبة أبي كم كتاب
هز رأسه بيأس منها ونطق:أنا اصلًا بالمستشفى لا خلصت مريت سمّي
رند : بسم الله عليك سلامتك وش يوجعك ؟
مشاري بعبط أكثر:اخخ قلبي يارند يوجعني بالحيل
رند بخوف:بسم الله عليك وش فيك أجيك ؟
مشاري:أيه تعالي مستشفى جدي بس لا حد يدري
رند تقدمت تلبس عبايتها:يلا مسافة الطريق وأنا عندك
مشاري بوهقة:يابنت الحلال أمزح مافيني شيء بس ماجد يوجعه رأسه وجيت معه لا تشيلين هم ارتاحي
قفل مشاري المكالمة من سمعها تشتم فيه وضحك بوناسة ونزل من السيارة يدخل للإستقبال يسأل عن ماجد وتوجه لقسم الطورائ يقابل صديق له بالقسم ونطق بصوت عالي:أبو حميد
التف جسّار بكل جسمه ونطق:يلا حيه القاطع وينك
تقدم يسلم عليه بخشمه ونطق:الله يحيك والله أشغال إلا أنت كيفك وكيف الشغل معك عساك مرتاح فيه؟
جسّار: أبد والله أزين من الزين ما تقصر ياحبيبي إلا أنت وش عندك هنا عسى ما شر ؟
مشاري:الشر ما يجيك أبد ماجد يقول رأسه يوجعه ودخلته الطوارئ مدري هو جاكم ولا ما جاكم
جسّار:تعال معي أتوقع إنه عند النيرس داخل بكشف عليه أدخل
دخل مشاري ع صوت ماجد وهو يشرح للممرضة وش يوجعه بالضبط ونطق:عساها أخر الأوجاع يأبو تركي
ماجد بإبتسامة شقت وجهه:أرفق بقلبي ياويل حالي ياحلو إسم ولدي بس متى أتزوج وأجيبه تركي ولد ماجد بن عُدي آل فيصل
جسّار:أبك وش هالفخامة يازين الأسم والله زين ما أخترت
وقف ماجد من عطته الممرضة كم دواء لرأسه ونطق:
أيه ماهوب زيك مخيس شهالذوق
جسّار:لا والله يازينه حميد ولد جسّار بن مسفر آل راشد
ماجد:ويازينك لو إني بنت والله لتزوجك ياحلوك بس
مشاري:امش قدامي بس يامقرف انت وذا معك
جسّار:شدخلني الحين أنا ياحلو ؟
مشاري بغمزة:ودك بكاتب مؤلفات حلو ومزيون ؟
ماجد:يع ياشينك بس أنت وثقتك الخايسة ذي
رفع مشاري يده وضربه بقفاه: أنت الخايس لا تغلط
ماجد بألم:الله يكسر يد العدو حجر ماهي بيدك
مشاري: يلا عاد نستأذنك يا جسّار ورانا خط سفر
جسّار: في أمان الله أنتبهلك أنت وياه
ماجد بعبط:من عيوني ياعيوني أنت كم جسّار عندي
جسّار:واحد الله يحفظه ويبقيه
ماجد:عطيتك وجه توكل بس
هز رأسه مشاري بأسى منهم وطلع للسيارة وركب جنبه ماجد وحركوا للبيت دخلوا من البابة وهم يناظرون سيارة أبو ضاري وسيارة ضاري وسيف وسيارة فواز
وقف مشاري جنبهم وهو يناظر ضاري يتكلم مع عمه عُدي وأشر لفواز ونطق:شعنده ذا ما غير متكي مع عمي
فواز بضحكة:يحاول فيه يخليه يسافر بسهام معه
ماجد سمعه وركض لأبوه ونطق:ضاري سلامات خلها عندنا
ضاري بغيظ:تأخرت للأسف وافق عمي إني أخذها وبرضوا حلالي شدخلك بيننا يأخو زوجتي ها ؟
ماجد:ارثم بس
ضحك ضاري عليه ومشى لبيت عمه يوقف ونطق بصوت عالي:سهام يابوي تعالي أبيك سريع
طلّت برأسها من المطبخ ونطقت:مافي أحد تعال
تقدم يدخل المطبخ :ما شاء الله سنعة زوجتي فديها
سهام:شرايك بس ليه جاي
ضاري بزعل :يعني أروح ما تبيني ؟
هزت رأسها بنفي:لا بس مستغربة
ضاري:جهزي لك ملابس حق يومين أو ثلاث سريع
سهام بإستغراب:وليييه ؟
ضاري:بنسافر أبها البهّية مع خالي مشعل وأبوي
سهام:يعني بس عايلتكم وعائله عمة فوز ؟
ضاري:أيوه عشان يرتاحون بالسفرة وأنتِ بتمشين معي بسيارتي يلا جيبي إلي تحتاجيه ولا جهزتي أطلعي لي بروح أرتب معهم الأغراض ، أنهى كلامه وغادر البيت طلع عند العيال ونطق:كيف التقسيمة يعيال
فواز:أبوي وأبوك معهم أمي وعمتي منيرة بسيارة وأنا وراكان وخالد بسيارتي ومشاري وسيف معهم شذى بسيارة وأنت مع حُرمتك يعني أربع سيارات بس
التفوا من طلعت شذى تكلم فيديو:يزّعل أول سفرة بدونك وحشتيني خلي محمد يرجعس لنا خلاص تعي
مشاري بلهفة:لوليييي ياعين أخوك وصلتي ؟
لارا بحب:أيه ياروحي تو وصلنا والحين بالفندق بنرتاح
ضاري:الحمدلله ع سلامتك يابعدّي سلميلي ع حمودي
محمد من وراها:أرحب ياقلب حمود أشتقت لك
ضاري:والله إنه أكثر كيفكم عساكم بخير
محمد:بخير يابعدّي سلملي ع إلي عندكم جميع
ضاري:يوصل يلا بنقفل عشان ترتاحون وأنتبهوا لكم
سيف:لااا دقيقة بكلم خيتي سلامات أنت وياه
لارا:هلااا بحبيب أخته كيفك يادنياي ؟
سيف:البيت بدونك مخيس أرجعي تكفين
لارا:هانت شهر وتشوفوني
سيف:يقالك تهون علي الحين ذي
محمد:أقول توكلوا مأخذين زوجتي مني باي بس
ضاري:مع السلامة ، يلا أركبوا ما معنا وقت أنت وياه
شذى:مع مين أنا ؟
سيف حاوطها بيده ونطق:معي ياعنقودة مطلق
شذى أرسلت قبلة لأبوها ونطقت:يبّه أحبك خذ بوستي
أبو ضاري حط يده ع خده بمعنى وصلت ونطق:وصلت ياحبيبة أبوك أركبي لا بغيتي شيء علميني بس
شذى:من عيوني سمّ
مشاري:أركبي بس يلا
ضاري:أنتبهوا زين ولا تسرعون ورانا خط سفر يلا
شذى:مشمش عادي أشغل بسيارتك
مشاري مده يده يشغل المسجل:فداك السيارة وراعيها ياقلب مشمش
سيف بعبط:وأنا وأنا
مشاري:وشبّك أنت بعد
سيف:هي قلبك وأنا وش ؟
مشاري:عيوني وروحي
سيف:يووووه مقدر مقدر ع كذا أنا
شذى:أخواني الأعزاء بشغل أغنيه وغنو معها بصوركم بما إني منبوذة وقاعدة ورا
سيف:وش هي ؟
شذى:رابح صقر سقى الله
سيف أعتدل بجلسته وتربع بالسيارة ونطق:جووووي صقور ، مدت شذى يده ترفع الصوت ومسكت جوالها تصور أخوانها من بدأ مشاري يغني ويلعب بيده:
لا من تبسم لي لمحت رموشه السود
ضاع الحكي مني وتلعثم لساني
سقى الله زمان راح ولا ظنتي بيعود
زمان الحبيب إلي خذا قلبي واشقاني
حبيب تمنيته معي دايم موجود
ما أشوف أنا غيره تقول كنه أعماني
نطق مشاري ببتسامة من نور إسمها شاشة جوال:المقصودة تتصل
شذى بإستغراب:مين؟
مشاري:هلا رند أرحبي
رند:يغدار وين كُتبي طلعت مسافر وانا منتظرة هاا
مشاري بضحكة:بأخذ لك من عسير
رند:نشوف نشوف يغدار
مشاري:صرت غدار ؟
رند:من يومك
سيف بصوت عالي:رند البخي إلا أخوي
رند بعبط:أمور عائلية مالك فيها أنت يلا بس
سيف:متى صرتم عائلة
رند:يوه ما تدري مشاري زوجي المستقبلي ان شاء الله
سيف:توكلي بس
رند:باي باي بس أنتبهوا للطريق زين
مشاري:سمّي يابعدي
شذى:عشتووو عاش الدور بزيادة
مشاري مد يده يحط جواله تحت ونطق:أفكر أتقدم لها لا رجعنا
شذى:وأختها ؟ ولارا ورائد ومحمد
مشاري:مو لازم يحظرون بتكون ملكة عائلية يجو الزواج طيب
سيف:إلي تشوف ياحبيبي
مشاري:أجل ع بركة الله لا وصلنا علمت عمي جابر يجهزون من بدري
شذى:وناسة مناسبات كثييير
سيف:إلي يغبن كل المناسبات أنتي أخت العروسة و أخت العريس يساترر
شذى:يبيلي أكشخ من قلب لارا وبعدها ضاري وبعده مشاري وأنت متى دورك
سيف:بعد سنة إن شاء الله
شذى:الله يوفقكم جميع يارب
مشاري بغمزة:عقبالس
شذى:بسم الله علي مابي
« أمُلج تحديداً ، العائلة اللطيفة »
جالسين مقابل الشاطئ ومازن قدامهم يلعب بالرمل
سعود:هالحين متى نعرف وش ببطنك
الجازي:يووه توي بالأول باقي شهرين أو ثلاث ياروحي
سعود:يلا الله يعديها ع خير وأنتِ إنتبهي لنفسك زين
لفت من جاهم مازن يركض:يمه بلعب بالبحر تكفين
الجازي:يماما بتمرض والله
سعود:تذكر بالإستراحة يوم طبيت وطلعت تصيح
مازن برجاء:تكفى ياسعودد
سعود بضحكة:مافيك طب أنت؟قول ابويي
الجازيي:مازن يماما عيب أبوك هذا
مازن بعناد:سعووود
سعود قام بسرعة ومسكه بتيشيرته:بتقول أبوي ولا أرميك بالبحر؟
مازن:سعود شفيك
سعود:صامل ع العناد ؟
مازن:أيه ياسعود
سعود بحركة سريعة رماه بطرف البحر ونطق:أبوي ولا سعود
مازن قام يصيح:أبوي أبوي
سعود بضحكة طلعه من البحره ويحضنه:اطلع وأنا أبوك يوم إنك تصيح وشوله تقول تبي تسبح ؟
مازن غرس رأسه برقبة أبوه ونطق:بابا برد برد
سعود ضمه زيادة ونطق:أسف تعال ندفيك
الجازي:تعال ياحبيبي أبدل لك وأدفيك تعال
مازن ناظر أبوه:تقول لي حبيبي يعني أنت مو حبيبها
الجازي بضحكة:تعال وأنا أمك ايه أنت حبيبي مو هو
مازن طلع لسانه لأبوه وراح يركض لأمه وسعود يلحقه ونطق:صاير وصخ وأنا أبوك عسى ما شر
مازن:تربية أخوك يبّة
سعود:والله ياولدي من صار عمرك ٧ وأنت لسانك هالطول
مازن:أسف
سعود مد يده يسحبه لحضنه ونطق:تدري إنك نعمة عسى الله يبشرنا بروجين وتكبر وتدري إن معها أفضل أخ في الحياة
مازن:لو تجي بدلعها وااجد بوديها المدرسة أنا أي شيء تبيه تم
الجازي:ياحبيب أمك أنت يحفظك لي يارب
مازن مد يده يحتضن امه ناحيتهم ونطق:ويديمكم لي ي أجمل أم وأب بالدنيا
سعود بعبط:ييي ويديمك لنا ي أفضل بزر بالدنيا
مازن بعبوس:أنا بزر ؟انقلع
سعود:أنقلع أنت
مازن:سعود أنا انقلع؟
سعود:ها
مازن:أنا أنقلع؟ليه
سعود:ياويسييي أنا أنقلع وأنا أبوك لا تزعل علي
الجازي:يلا نرجع الفندق أحسني تعبت
سعود:ما علمتك ؟
الجازي:بوش عيوني
سعود:يعني بما إنه أنا عميد و نقلوا شغلي أبها وأستقرينا هناك أبو ضاري وأبو فواز بأبها شرايك نرجع أبها بكرا ونعزمهم عندنا ؟
الجازي:بعيوني حياهم ما عندي مشكلة
سعود:أجل يلا ياسيدة أعمال قلبي يلا مزوني
-
