21
« حّلة ساير | بالحوش حول المسبح تحديداً »
كانوا البنات جميعاً بدون إستثناء يسألون بعض والتفت الكل بإنتباه لسؤال إيلاف:قصيد ياخي اخوك الطويل ذا والمعضل احسني ياخي قدّ شفته بمكان بس مدري وين
قصيد:امكن بالجامعة شفتيه ؟ ، إيلاف:اما ذي العضلات كلها والطول واخرتها طالب جامعي مو واضح ابدا ابدا
قصيد ضحكت: لا لا طالب مرا وحدة ياحبيبتي ذا دكتور بالجامعة غريب ما قد شفتيه دايم يتمشى بالممرات
ريماس شهقت:اللاا والله عرفته مطلقق ولد عمو جابر دايم اشوفهم مع بعض تكفين اما ذاك اخوك المادة الي جابت لي الهم هو يدرسني اياها حسبي الله ع ابليس العدو
هذال من وراها:لا تتحسبين ياريماس مو مشكلتي مشكلتك
ريماس:يمّه كيف تعرف اسمي بسم الله اعوذ بالله منك
هذال:طالبة عندي وصوتك معروف لأنك ما تتكلمي كثير ف أنا اركز ع الهاجدين فقط وانتي من ضمن هالاشخاص أوكي؟
ريماس بسخرية:أوكيه كم بنت انت حاط عينك عليها مركز
هذال انحنى لوجهها:ممكن بنت وحدة ؟ وتكون انتي مدري
ريماس حست النفس انقطع عندها من كثر الاحراج وجهه قريب من وجهها انفاسها اختلطت بأنفاسه وصار وجهها احمر ، ضربته قصيد واردفت:هذال حرام عليك شوف وجهها وخر عنها خير شفيك عليها هبلت فيها يازفتت
هذال ضحك:شدراني انها تفكيرها راح بعيد مرا ياكثر الافكار الي يبي لها تنظيف بهالمخ والله ، ريماس كشرت بغيظ وهمست:مدري مين الي يبي له تنظيف صدقني ، هذال أتسعت عيونه : ياحركات تعرفين تردين عبالي ما عندك لسان، ريماس بقهر: ايه ولساني طويل بعد ، هذال:يمّه خوفتيني يامتوحشة إنتي اقول اهجدي بس بزر وتهايط
ريماس قطبت جبينها بانزعاج من كلامه وغطت عيونها وراحت بعيد عنهم ، هذال ناظرهم بصدمه: اصدموني وقولوا تبكي؟؟؟ ، تولين: ريماس حساسة مرا وكلامك أخذته بجدية امكن واكيد قاعدة تصيح طبعاً ع سبب تافهه بس
هذال: يوه انا متعود ع اختي قصيد اقول لها كذا ما تزعل
قصيد بزعل:في فرق بيني وبينها ليه تزعلها مانيّ مسامحتك الا لو رضت ريماسي غيره لا والف لا يلا روح وش تنتظر
هذال رفع عيونه لها: الحين من اخوك انا ولا هي جاوبيني
قصيد صدت بزعل بدون م تتكلم ، عرف انها زعلانه وراح ركض لريماس وشافها قاعدة:يا اخت محمد او رائد ردي
ريماس اول ما سمعت صوتها مسحت دموعها ونطقت:نعم
هذال:كلاميّ زعلك يابنت إبراهيم؟ ، ريماس:لا وليه يبكيني؟
هذال:اسف ياريماس بس اني متعود ع قصيد اختي بس
ريماس:ياليت تركز شوي انه مو كل الناس نفس بعض اوكيه
هذال:انا من يوم ما ربي خلقني فطري بإحساسي ولاني بإصطناعي عاطي جداً وكلّي شاعريّة وانطوائي كثير وشويّ إجتماعي وأنتِ بس أرجوك لاتزعلين وقدّري مثل ما اراعي
ريماس اكتفت بالصمت ، هذال ناظرها : السكوت علامة الرضا، ريماس بتكشيرة:السكوت علامة اني مابي أناقشك رضا هذا يصير خالك اوكيه؟ ، هذال : يابوي وش يرضيك وسمّي من عيوني بسّ أرضي واعتقيني بروح الحق العرضة
ريماس:ابيك تشتري لي فطور كل يوم ع حسابك وتجيبه لين عندي بالجامعة ، هذال:بس؟مقدور عليه هذا ابشري طيب
ريماس:وايش باقي ايوه تخلي مكاني اول وحدة قدام طيب؟
هذال:ليه ورا مو حلو؟ ، ريماس:بالنسبة لي لا ما ارتاح وما افهم زين وانا ع وجه تخرج لازم اركز زين وافتح عيوني
هذال:ولا يهمك خلاص اول وحدة اول وحدة تم؟ ، أبتسمت ريماس ونطقت:هذال ممكن اسألك سؤال بسيط هالقد؟
هذال بإستلطاف لها:اسألي لو تبين عشرة قولي سؤالك
ريماس:من بين جامعات حائل كلها ليه ما لقيت الا تجي لجامعة الحوية، هذال:مدري ممكّن لأني احب الطائف وانا بالأساس ما كنت ابي الطائف ابي الخبر بس ما حصل نصيب والصدق زعلت ما ودي كان بالطائف اصلا كنت خايف وش بيصير لو أستمريت بالحوية وجامعتها يوترر
ريماس:ليه تخاف ولك رب يدبر كل أمورك ويبني طرقاتك ويحط كل طريق لك فيه الخير وبطرق مختلفة حتى لو كانت توجعك ، ليه تخاف من نصيبك الي فيه الخيره لك والي ربي عالم برغبتك اكثر من نفسك ، رب الخير ما يختار لك الا الخير وين ما كنت ووين ما رحت ، مثلاً انت اخترت تخصص وجامعة تبيها وربي أعطاك تخصص وجامعة ثانيه ، بتزعل وبتتضايق صح؟ وبتتحلطم وتقول كنت انتظر من سنين ذا الشيء وهذا صح ، بس تخيل ان ربي محميك من الشر ومن صعوبة الظروف الي بتمر فيها في هذا التخصص وميسر لك في تخصصك الي انت ما تبغاه وبيرضيك وبيعطيك المعجزات يعني ربي يسوي لك كل شيء وينتظرك تمشي على القضاء وانت زعلان ليه؟اكمل مصيرك بالحياة وخلك شامخ دايم لو تقفلت بوجهك الأبواب حاول حتى تصل وخل أملك بربي كبير وجاهد وكافح علشان تنال مُرادك وربي بيفاجئك ويجازيك ع تعبك يارب ونشوفك في اعلى المراحل
هذال:اللهم امين يارب وياك يأخت الجارح وموفقة يارب
ريماس:بخصوص الجارح اذا رحت سلم بخده قله من اختك
هذال:ابشري على خشمي
