عند خالد وإيلاف بالسيارة
خالد:تبين شيء ؟
إيلاف:بنتأخر ع المحاضرة وحنا راجعين نشتري
خالد:تمام براحتك
إيلاف:شغل اغاني نبي نروق
خالد:ابشري غالية والطلب رخيص
شغل اغنيه لخالد عبدالرحمن:
ان كان حبي لك هو اعظم خطاياي ..
ما اقول يا نفسي عن الحب توبي ..
اجمل خطاياي واخر حدود دنياي ..
واصدق معاذيري واطهر ذنوبي ..
نزعات روحي لك تباري نواياي ..
والقلب يمّك والمشاعر سعوا بي ..
حبٍ لك الله ماكنٍ في حناياي ..
ابيه لو ضعفي باكبر عيوبي ..
كل الهوى والحب باقي بقاياي ..
خذت اوّله واتلاه واقول دوبي ..
ومن له مثل حبي يسوّي سواياي ..
ياصل مواصيلي ويسلك دروبي ..
وقام يغني معه بصوته الهادي والجميل
وإيلاف تتأمله ماتدري هي طاحت ومحد سمى عليها ولا بس إعجاب بصوته؟
_________________
في بيت العم عُدي
ريما:يبة عادي تسمحلي اروح بيت عمة هند؟
أبو أمجد:ليه وانا ابوك؟
ريما:ابي اخذ رزان ونروح السوبر
أبو أمجد:مين بيوديكم؟
ريما:هادي
أبو أمجد:تمام وانا ابوك روحي بس انتبهي لنفسك
ريما:أبشر
_________________
في بيت العمة هند:
رزان:هادي نبيك تودينا السوبر ممكن؟
هادي:انتِ ومين؟
رزان:ريما
هادي :مالي خلق
رزان بصوت عالي:يبة يبة تعال شوف هادي
أبو هادي:وش فيه اخوك ؟
رزان:نبيه يودينا السوبر انا وريما بس رفض يرضيك؟
أبو هادي:لا والله هادي قم قم وصلهم!
هادي:يارب صبرني ع رزان وقلقها ابشر يبه بسرعه الحقي السياره
______________
ريما :اوف وش ذا الجوووو حرر وفوقها جاية مشي ليتني قاعده ابرك
ذهب الكثير بقي القليل أخيرا وصلت بيتهم
جت بتدق بس هادي فتح
ريما:هاديييييي
هادي:هلا
ريما:وين رزان
هادي:داخل تلبس
ريما:تمام بدخل لها
هادي:تعالي تعالي لو دخلتي معدكم بخارجين تعالي اركبي بس
ريما:هففف طيب
هادي:بسرعه
ريما:طيب لا تنافخ تفهم ولا ما تفهم!
هادي:هههههههه شعنده عامر
ريما:اما طلعت تعرف تضحك
هادي:اننننن اركبي بس
ريما:رزان تأخرت ياليل
هادي:ما عليك الحين تجي ها قلت لك جات
رزان:سلام قايز
هادي:اركبي اركبي بس
________________
عند شذى وراكان
شذى:راكان
راكان بدون استيعاب:عيونه
شذى:اااااا تسلم عيونك
راكان:الله يسلمك شبغيتي
شذى:من اول ما ركبنا وانت تهوجس حتى لفة مدرستي عديتها
راكان:في ذمتك
شذى:هههههه والله
راكان:معليش معليش
شذى:عادي عادي بس استعجل لو تأخرت بتستقعد لي الوكيلة
راكان: اجي افزعلك😉
شذى بنفسها:يالبى الغمزه اوف يهبل
شذى :لا لا تفزع استريح بس استعجل ههههههههه
راكان:هبشرييي
شذى:يبشرك الله بالجنة
راكان:أمين وياك
___________
عند شاعرنا رائد منتظر دانة
دانة:سلام
رائد:عليكم السلام
دانة:لو ادري انه انت الي بتوصلني كان برفض
رائد:احمدي ربك بس
دانة:الحمدلله
رائد:الحين وين تبين؟
دانة:ابي المول
رائد:وشوله؟
دانه:مالك دخل سوق وانت ساكت
رائد:عناد فيك مانيب ساكت
دانة:يالليل وبعدين يقولوا ليه تكرهينا
رائد:عادي اكرهينا محد مهتم
دانة:صدقت صدقت
رائد:محد طلب منك تصدقي
دانة:رائد بقول شيء وقل تم تكفى وعطته ذي النظره 🥺
رائد:اعتبريه صار وش
دانة:شغل ل إليسا
رائد:من بنته ذي
دانة :مغنيية تكفى حطها
رائد:ماش ابو نايف اطلق
دانة:تكفى
رائد:تم
دانة:طيب بشرط بصوتك تغني؟
رائد:مانيب حافظ
دانة:عادي سهلة
رائد:طيب
دانة:يلا وناسة
رائد بدًا يغني بصوته الحلو:
