احلامنا السعيدة يجب الا نتخلى عنها.
Our sweet dreams must not be abandoned.
____________________________في صباح يوم جديد ملئ بالأحداث....
تحدث بصوت ناعس جدا وهو يفرق بشعره بعد ان نهض لتوه من فراشه:- انا مش عارف انتي مكبرة الموضوع كده ليه .
صرخت بوجهه وهي على وشك ان تصاب بالجنون من لا مبالاة زوجها:
- هو ايه الي مبكبره الموضوع، بقولك كلهم تلفوناتهم مقفولة...
نظر لها بضيق شديد وهو يدلف بالحمام الملحق بالغرفة، ويغلق الباب بوجهها:
- بردو ده ميدكيش الحق تصحيني بدري كدة، على فكرة قلبي وربي غضبانين عليكي....
طرقت على الباب بعنف وهي تصرخ من الخارج:
- والله يا جاد لو ما اتصرفت وطمنتني على الولاد، لأسافر لهم بنفسي...
جاد بصوت مرتفع من الداخل :
- ماشي بس بطلي خبط هو مافيش مكان في البيت ده الواحد يرتاح فيه...
اخفض صوته وهو يكمل كلامه :- ايه الوليه الحيزبونة دي كان عقلي فين وانا بتجوزها بس .....؟!
اتاه صوتها الحانق من الخارج مجيبا على سؤاله :
- عقل..!!! ليه هو انتا عندك عقل اصلا....
فتح الباب وهو يطالعها بتركيز:
- معاكي حق انا اصلا معنديش عقل عشان لو كان عندي كان زمانه جاله شلل رباعي من زنك ...
سمر وهي تشير لنفسها بشر:
- انا زنانه يا جاد...؟!
جاد مطالعا ايها بنفس النظرات الشرسة:
- اه زنانة وجدا كمان ايه رأيك بقا ....
ابتسمت سمر متعمدة اظهار اسنانها وهي تبتسم:
- رأيي انتا عارفه كويس اوي ..
رمق اسنانها ناصعة البياض بتوجس وهو يعلم بما تفكر جيدا :
- قولتيلي عاوزة تتطمني على الولاد مش كدة ..
ابتسمت سمر بإنتصار:
- لمصلحتك تطمني عليهم ...
اتجه جاد لهاتفة وهو يتمتم بغيظ:
- حكم القوي على الضعيف، لله الامر من قبل ومن بعد..
جائه صوتها من الخلف بنبرة تحذيرية:
- جااااد.....جاد بتذمر وهو يضغط على شاشة الهاتف بعنف ليخرج غضبه بذالك المسكين:
- برن اهو مالك مستعجلة كده لية...كادت ترد عليه، ولكن اقفها بإشارة من يده، وهو يتحدث بجدية:
- الووو
أنت تقرأ
عشق أولاد الراشد 4(إمبراطورية الراشد)
Romantizmاحفاد الراشد لم تكن النهاية لعشق اولاد الراشد بل كانت شرارة البداية لتكوين إمبراطورية الراشد......