في إبتلاء إسمه (عدم التوفيق).. إنك تبقى مش متوفق في حاجة محددة في حياتك برغم إنك سعيت وبذلت كل جهدك.
والحقيقه إن البلاء ده مبيبقاش في جانب واحد بس ده ممكن يكون في حاجه زي (عدم التوفيق في الأهل، عدم التوفيق في الشغل، عدم التوفيق في حياتك الشخصية، عدم التوفيق في الأصدقاء، عدم التوفيق في الزواج او اختيار شريك حياتك، وغيرهم كتير).
والحقيقه إن ده ممكن ما يكونش ليه علاقة بإن ربنا راضي عنك ولا لا، انت ممكن تكون شخص قريب من ربنا و بتقرأ قرءان وسوي من جواك ولا بتأذي حد ولا بتحقد على حد ولا بتبص لحياة حد، هو الموضوع يبان مضحك و ممكن نهزر كلنا ونضحك بس قلبك بيوجعك لما تقعد مع نفسك كل يوم تراجع حياتك و تلاقي إنك ما عملتش حاجه تستاهل إن الحياة تظلمك في كل جوانبها بالشكل ده، بس إوعى تبطل تسعى، إوعى تبطل تشتغل حتى وانت في أكتر وقت محبط فيه اشتغل واتعب وخليك واثق إن ربنا مش بينسى تعب حد، ربنا كريم جدًا جدًا.
أتمنى من كل قلبي إن ربنا يعوضني أنا وأي حد مر بالمرحلة دي، أكيد ربنا كان له حكمة، وحكمة ربنا دايمًا خير.
الحمد لله💜
