السلام عليكم ورحمة الله وبركاته
بعد 190 حلقة ع ذا أمريكان إنجلش. ♥️♥️
عمري م كنت أتخيل ف يوم أن ده هيكون مستوايا ف الإنجلش وعمري م كنت أتخيل أن هيجي يوم واسمع فيديوهات كلها بالإنجلش من غير م احتاج ترجمة. ♥️♥️♥️♥️♥️
تجربتي مع ذا أمريكان إنجلش ♥️
ف البداية ذا أمريكان إنجلش هو تطبيق عادي بينزل من ع متجر بلاي وكمان في قناة ع اليوتيوب ولكن التطبيق طبعا أفضل لأن كل حاجة فيه منظمة ومترتبة ف هتوفر وقت ومجهود كبير. ♥️
بالنسبة للخطة انا كتبتلكم خطة المستوى الأول والثاني ف الصور وكمان صور لطريقتي ف كتابة كل كورس وطريقة مذاكرتي ليه عشان لو حد تايه ومش عارف يكتب اي بالظبط ف كل مستوى. ♥️
أهم حاجتين هما بجد اللي هيفرقوا معاك ♥️
1. ان يكون معاك كشكول كبير مخصص بس للإنجلش وتكتب فيه كل حاجة بالترتيب كل حاجة سواء عارفها او لأ عشان ده هيكون مرجعك الوحيد لأن اكيد هتنسي حاجات وهتكون عاوز تراجعها بعد كده او قبل اي امتحان.
2. الفيديو اللي هتسمعه تذاكره كويس اوي ومتروحش للفيديو اللي بعده الا لما تكون ذاكرته وفهمت اللي فيه .
طريقة مذاكراتي :
كنت بسمع الفيديو ومعايا اي كشكول قديم بفهم كويس واسجل فيه كل حاجة وبعد كده انقلها لكشكولي اللي خصصته للإنجلش ♥️
بالنسبة لسؤال انا ف المستوى الكام وأخد وقت ايه؟
انا قربت أخلص المستوى الثاني لأن كل مستوى موجود فيه كورسات كتير ومقدرش احدد وقت عشان بتختلف من شخص ل شخص.
وحقيقي أنا حسيت بفرق كبير اوي اوي واستاذ ابراهيم بدأ يشرح بالإنجلش وكل الفيديو يكون بالإنجلش وبقيت بفهم كأنه بيتكلم عربي ف حقيقي الموضوع فرق ف مستوايا أوي لان حاجة زي دي كانت بالنسبالي مستحيلة.♥️
بالنسبة للشهادة؟
استاذ ابراهيم قال ف فيديو قبل كده ان بعد المستوى ال 3 تقدر تروح تمتحن توفل وايلتس ف اي مركز معتمد وتاخد شهادة ودول طبعا أقوى شهادتين ف الإنجلش.
تسمع كام فيديو ف اليوم؟
ممكن فيديو واحد وممكن اتنين بالكتير أوي 3
انت لو سمعت ف شهر 7 كل يوم فيديوهين ف نهاية الشهر هتكون خلصت حوالي 60 فيديو ! وهتحس بإنجاز وفرق كبير ف مستواك بإذن الله
بس المهم الاستمراية مش الكمية أحب الأعمال إلى الله أدومها (قليل دائم خير من كثير منقطع ) ♥️
ذا امريكان انجلش ولا طليق ؟
انا جربت الاتنين وكنت مخلصه كل الحلقات اللي اتصورت ع طليق
وبالنسبالي الأفضل ذا امريكان لان طليق بيسمح بحلقتين بس ف اليوم!
كمان برنامج طليق كل شوية بيقف وبيتعمل عليه تعديلات كمان كم المعلومات ع ذا امريكان انجلش اكتر بكتير من طليق.
في حاجة مهمة مننسهاش "انك طول م أنت بتحاول ف أكيد هتوصل السعي بيضمن حتمية الوصول" ♥️
أهم نصيحة متوقفش أنا مش بكتب البوست عشان اكلمك عن أهمية الإنجلش لأن اكيد طالما وصلت ل هنا يبقى اكيد مدرك لأهمية الإنجلش وعاوز بس الطريقة ولو وقفت كمل تاني عادي. ♥️
معايا المستوى الأول كامل بخط ايدي pdf هنزل لينك التحميل ف أول كومنت ♥️
#منقول
علشان كان في ناس كتتير بتسأل وأولهم أنا🫣🤎
