وصلت لمستوى ف الانجلش خلاني احس أن كورسات الانجلش مش هتفيديني!
إزاي اتعلمت انجلش؟
اول حاجه انا خريجة تربية انجليزي
بس ده ملوش علاقه ب اني بعرف اتكلم انجليزي 🌚
لان انا بدأت اتكلم انجلش حلو بعد ما اتخرجت من الكليه 👀
طب هل انا اخدت كورسات؟
اها اخدت وجربت وكل مرة كنت بوقف واقول لا مش ده اللي انا عاوزه
قعدت اتخبط كتير اوي لحد ما اتخرجت
بعد التخرج بدأت اركز ف الانجلش بتاعي عشان أنا مدرسة
ودي اهم نقطه اني كنت بتعلم انجلش عشان أعلم الناس ف بقى ف تركيز زياده عشان ده مستقبلي
طب عملت أي
◀️ تابعت مستر ابراهيم عادل ف كورس الجرامر مع العلم أن مستر ابراهيم احسن حد هتسمع منه جرامر
◀️ تابعت مستر مصطفى عاطف for fun عشان اتعلم منه نطق صح
طب يعني اي for fun يعني من كتر ما بدخل البيدج عنده بقى بيظهر ليا ف التايم لاين ف بقيت اسمع الفيديوز بتاعته اللي مدتها قصيرة اوي
ودي البيدج بتاعته
Mostafa Atef English trainer
◀️ نزلت برنامج voscreen وبقيت بحدد المستوى فيه و بحدد عدد الكلمات و قاعده الجرامر اللي عوزة اعمل براكتس عليها وابدا اسمع بتاع 10 V ف اليوم for fun برضو و اقلد بقى طريقه الكلام
◀️ نزلت برنامج elsa speak ودخلت على جروب التليجرام بتاعهم وبدأت اتكلم مع الناس
◀️ كل يوم الساعه 5 مثلا بفتح ريكورد وابدا اسجل لنفسي الفكرة هنا مش ف الريكورد
اللي اهم من الريكورد انك تكون محدد وقت ورابط نفسك بيه ف ساعه ما تيجي الساعه 5 خلاص انا عندي فويس لازم يتسجل
شهر واحد بس كل يوم وتعالى قولي الفرق اللي حصل
صدقني هيبهرك.
ولما تيجي تسجل تفاعل مع اللي بتقوله
انا مثلا كنت اجي اتكلم عن احلامي كنت ابقى متشوقه اوي وظاهرة ده ف الفويس
اتكلم عن اهلي ابقى سعيده ونا بحاول اوصف كل واحد فيهم.
◀️ في اخر اليوم كنت بحاول اسجل اللي عملته كتابه ف نوت الفون
◀️ اتعلم idioms و تعبيرات مشهورة واستخدمها ف كلامك أثناء اليوم
هتلاقي هنا مجموعة idioms بنقولها بالعاميه ف مصر
#فكر_بالـEnglish
الموضوع مش صعب على فكرة خالص، حب اللغة وعيش معاها هتلاقي نفسك كسبت كتير
كمان خلي التايم لاين عندك معظمه فيديوز انجلش وكل ما يجي فيديو اسمعه مجرد بس انك تسمعه مرة ف مرة هتكتسب اللغة
عوزة اقولك كمان أن الانجلش اسهل لغه ف العالم ف تعلمها، انت بس حاول وربنا هيكرمك♥️
#معلومة_في_مجالي
#Amira_Elmaghraby
