جلسه نفسيه بعنوان " الظروف"
لو جمعنا اكبر عدد من الاشخاص المخفقين في شئ ما، وادتهم ورقه وقلم وقولتلهم اكتبوا سبب اخفاقكم، هتلاقوا علي رأس القائمه ان الظروف صعبه اوي، من ظروف ماديه لمجتمعيه لنفسيه، فهل الظروف فعلا سبب ولا دي شماعه بنحطها لاخفاقنا؟ جلستنا النهارده هترد علي السؤال ده : تعالي كده وغمض عينك وتخيل معايا، ان الظروف كلها جميله انت صاحي في يوم نشيط الجو جميل البيئه روعه هدوء تام خضره وورد حواليك، مشروبك المفضل، الوقت بيمشي بالراحه وهدوء زي ما انت عاوز، اهلك واصحابك وكل الكون بيدعمك، وابتديت تشتغل، وبالفعل في اخر اليوم انت انجزت 95٪ من المطلوب منك، هل كده انت نجحت، الحقيقه لا طبعا انت اخفقت لان كل الظروف كانت معاك، فانت كان المفترض تحقق 100٪ من المطلوب، طيب هل انت بطل علشان حققت، برده لا انت زيك زي اي حد الظروف كلها بتقولك انجح فلما متنجحش كده انت مخفق، والبطوله لا تدرك بالسير علي الورود، فتح عينك واشرب مايه وارجع اتخيل تاني بس المره دي، انت صحيت تعبان مش معاك فلوس والدنيا مكركبه، اهلك واصحابك وكل الدنيا بتحاربك وبتتهمك بالفشل وحواليك شوك وجو قاسي وحر وتراب، وانت قررت تشتغل وفي اخر اليوم حققت 60٪ من المطلوب هل انت كده اخفقت؟ لا طبعا انت نجحت ونجاح كبير جدا لانك تحديت الصعاب اتعلمت وازدت قوه، طيب هل كده انت بطل اه بطل، لان البطل هو من يولد من رحم المعاناه، البطل هو اللي بيحارب وبينتصر، هو اللي بيتكسر ويقف ويقوم، هو اللي وسط الصعب قادر يأدي دي صفات البطل، فانك تلاقي ظروف صعبه ضدك دي مقدمات البطوله، اوعي الشيطان ونفسك تغلبك، اوعي تبص للناس وتحبط، الناس دول لو كانوا سمعوا مجدي يعقوب وهو بيقول هينقل قلب من انسان لانسان وهو صغير كانوا هيقولوا عليه مجنون، لو كانوا سمعوا ابراهيم عادل وهو خارج من ثانويه عامه ومش هيكمل تعليم انا هكون المعلم رقم واحد للغه الانجليزي في العالم كانوا هيقولوا عليه مجنون، صدق نفسك واوعي تحط شماعه الظروف قصادك، بس علي اي انسان ناجح هتلاقي قصته كلها كفاح، عمرك ما هتلاقي ناجح بيقول انا نجحت لان كل الظروف كانت معايا وكل حاجه متاحه بص بعقلك وقيم، انا عملت تجربه من تلت سنين، روحت علي كل اللي عندي علي الواتساب من 38 سنه واعلي، وقولتلهم لو العمر رجع بيك 20 سنه تعمل ايه، الغريبه ان الكل قال كنت هعمل كذا وكذا ومكنتش هغلط في كذا وكذا، الاغرب ان محدش قال لو كانت الظروف اتغيرت كنت هعمل كذا،،،، انت هتوصل بعذ كام سنه وهتدرك انك كنت تقدر رغم الظروف وان في كتير كانوا في ظروف اصعب منك ووصلوا، فكر صح واحسبها صح، خلصت المشروب بتاعك يالا بقا قوم اغسل وشك وابدا اشتغل علشان تحقق حلمك 🙈
واحد قهوه ساده
#إسلام_رضا
