ذيب بابل

البارت 20

#ذيب_بابل

بقلم: زهراء السلامي

[البارت العشرون]

-لُباااب لُباااب اصحي لُبااااااب

فتحت عيوني بتثاقل واباوعله يهز بيه قوي..

-لُباب انتي صاااحيه؟؟ بيچ شييي لُباااب

-شنو شبيك

-شبيييچ تخبلللت شبييييچ

حسيت برطوبه جوايه نزلت عيوني واذا اشوف روحي مكشفه وناگعه بالدم، طفرت من مكاني والدوخه لزمتني وصوت داغر صاير بنص راسي ويصيح...

-لُباااب شبييييچ جاوبينيي لچ تبااارك تباااااارك گعدددي ولچ حتمووووت البنيه گووووومييييي

طلعت اركض للحمام بدون ما اخذ احتياجاتي وراسي لسه يدور، اول مادخلت للحمام وگعت بالگاع ومتت من البچي هم فشله وهم قهر وهم وجع اكو ببطني ورحمي ديموتني..

شلاال ينزل ؏ بجامتي حرت شسوي المن اصيح ياربي دخيلك بعد ماگدر اتحمل اكثر افرجهه عليه وخليني اخلص..

دگات متتاليه ؏ الباب واسمع صوت تبارك تصيح...

-لبوووة شبيچ؟؟؟ لُباب فتحيي

صحت واني ابچي بحرگه...

-جيبيلييي ملاببس تباارك فدوووه

رجعت غطيت وجهي من الخزي من سمعت صوت داغر يصيح...

-داغر: لُبااااب شبييييچ اخذچ للطبيييب لُبااااب جاوبينيييي

وتجاوبه تبارك...

-ذيب روح منا خليني احاچيهه

-ولچ وووين اولييي هسه تموووت

-ما تموت شبيك داغر رووح

-خرررب هالعناااد العدچن شنوووو هسسسه تموووت نفس اخت فراااس هيچ ماااتت

-تبارك: روووووح داغر هاااي غيير روووح لتخجلههه!!!

واضح وصلتله الفكرة لان اختفى صوته، صرت املخ بخدودي وانحب..

رجعتلي تبارك شايله ملابس وشغلات نسائيه انطتنياهن من الباب واشوفهه شلون مكسوره عليه..

-تبارك: حبي عذري داغر بَـس مايفتهم بهالسوالف وخاف عليچ اخت فراس ما جاي تروح من باله مو قصده يحرجچ

هزيتلهه براسي واخذت الملابس، سبحت وظليت بالحمام كوووومه، الوقت چان قريب الشروق لو چانت الغرفه ظلمه چان مشافني بهالحاله بَـس بعد حظي ميتحمل..

ماطلعت من الحمام اله من تبارك دگت الباب عليه..

-تبارك: لبوة حياتي ماخلصتي؟

-ارييييد اميييي رجعوووني لأميييي

-حبيبتي ليش تبچين مو والله انفطر گلبي