#ذيب_بابل
بقلم: زهراء السلامي
[البارت الرابع والعشرون]
صعدتلي ماما واني بعدني ابچي وگاعده ؏ فراشي..
-شبيچ بنتي تبچين منو وياچ؟
-محد
-لعد ليش گعدتي من النوم ورفضتي الرجال؟
-جسمي يرجف بعدني اوگفي خليني ارتاح
هزت براسهه ونزلت شويه ورجعت صعدتلي وبيدهه گلاص مي مدتليا شربت منه حسيت روحي ارتاحيت..
-بيان: احچي لبوة خوفتيني
-ماما حلمت حلم
-شنوه؟
-كأنما اني بغرفة صغيرة ويعني عاديه مبيهه شي مُميز بَـس شلون عبالك هذا بيت اهل داغر ماعرف شلون عرفت بيته بَـس كأنما اني گاعده وجايتهم خطار هيچي شي..
-ايي؟؟؟
-احس بضغط مو طبيعي وونه بأذني شلون شخص دايس ؏ گلبچ هيچ احساس چان محاوطني
-يا ستار وبعدين؟
-چنت گاعده وحدي ودخلت عليه تبارك
-تبارك اخت داغر؟
-اي، دخلت عليه وبيدهه شلون الطوبه بَـس من مرمر مادري من سيراميك مادري المهم چانت شايلتهه بيدهه وهاي البلورة صايره نص اسود ونص ابيض قدمتهه الي وظليت اباوعلهه واحس خنگه بصدري، سألتهه...
-شنو هاي تبارك؟
مجاوبتني وظلت تباوعلهه حطتهه ؏ الفراش بصفي واني اتمايزهه صايره لونين ابيض واسود ومكان الابيض هم بي سواد يعني شوائب.. سألتهه مرة ثانيه وثالثه وهيه ساكته وتباوعلهه وهالضغط الي احس بي كلما جايلي احسه اكثر واكثثرر دمرني..
-بيان: يا ستااار وبعدين؟؟
-شالتهه بيدهه وحطتهه بيدي وگالت "عيناً ذيب" قصدهه ؏ البلورة تشبه داغر همه يصيحوله ذيب سألتهه شنو قصدچ هم مجاوبتني وغيرت الموضوع تگول لازم تروح امهه تانيهه بره وگفت بباب الغرفه وگالت اخر حچاية وحسيت راسي انسطر يا أمي
-شگالت؟؟
-گلتلي "بالچ من ولد الحرام" واني كأنما صحيت من السطرة ورحت وراحهه اللحگ بيهه واركض بالبيت وادور عليهه واحس بالبيت يخخخخنگ صاير عبالك قبررر صعدت فوگ ادورهه وشفت بزونه سوده گاعده بباب وحده من الغرف وصحيت من النوم وجسمي كُلللله خدران ويوجعننني احس بألم مو طبيعي..
-بيان: سترك الهي شنو السالفه
-اي ماما ماريد الرجال احس هذا تحذير من رب العالمين ان هالشخص ميناسبني دتفهمين عليه؟
-اي بنتي هذا هوه ماطول انتي ممرتاحة انسي السالفه كُلهه ومن تتصل امه اگوللهه ماكو نصيب
