ذيب بابل

البارت 52

♛ ♛ ♛ ♛ ♛ ♛ ♛ ♛ ♛ ♛
#بارت٥٢
"ذيب بابل"

بقلم: زهراء السلامي

لتنسون التصويت + التعليق بين الفقرات + متابعة لحسابي ♥️

تنويه 🚫: ممكن هالبارت يحوي ؏ بعض المشاهد التي لا تناسب جميع الفئات العمريه اقتضي التنويه..

♛ ♛ ♛ ♛ ♛ ♛ ♛ ♛ ♛ ♛

رجعت خاله الزوليه واندارت ؏ الميز شالته ووخرت الزوليه عن الگاع المغطيه هالجهة چانت اكو كاشيه ممثبته عدل شالتهه خاله وشهگت بعلو صوتهه..

-سحر: ياااا ستااااار

مدينه روسنه نشوف شنو چان طين مصبوب صب بَـس رطب وبي مثل الحبيبات الناعمه تشبه الرمل بَـس لونهه افتح..

-تبارك: يمة هذا شنو؟

استغربنه من ردة فعل خاله القويه يعني واذا شافت هيچ؟ بقت تنبش بالمكان سريع، تحفر وتلهث متوتره ايديهه ترجف وانترست طين مهتمت..

احنه البنات بقينه وحده تباوع للثانيه مستغربات من تصرفاتهه وفجأة انضربنه بصاعقة من طلعت خاله وصل ملفوفه لونهن اخضر وابيض...

-سحر: ياااا اولااااد الحررررام

جحظت عيونه ومچان اكو داعي احد يسأل عن هالوصّل الغريبه لان واضحه وضوح الشمس، جمدت بمكاني بدون أي ردة فعل وتبارك شهگت وصاحت...

-مااامااا هذا سحرررر!!!

دفعتنه خاله عنهه وشايلتهن بيدهه، تبسمرت بمكاني ماگدر اتحرك تخربطت كُـل اوضاعي وحسيت بصداع ضربني فجأة..

ركضت خاله بره ونجوم وتبارك لحگنهه، اخيراً گدرت اتحرك رحت وراهن چانن بالمطبخ واگفات ؏ الكاونتر وخاله تفتح بالوصله، متحملت المنظر عيوني جرت دموع بقهر اوراق ملفوفه وبيهن كلمات وعبارات وطلاسم وشعر مال بشر ووصل عاديه عبالك مال ملابس الشخص المسحور وحتى شفنه سِن بَـس مال شنو ماعرف..

فتحت خاله الاوراق بطريقه مستعجله وعاطت وهيه تدگ ؏ وجهها حيييل...

-يممممة ابني سوووده بوجججهي سووووده عليييه
نجوم تخبلت صارت تقره وتفلس بالاوراق وتصيح...

-نجوم: يوووم اسم داغررر بيهن

تقره ورقه ورقه ويبچن جماعي، خاله جرتهن من ايديهه وصاحت بيهه..

-لااا تقرررين لا تقرررين مو زييين +

-نجوم: ماما اسمين بيهه داغر وفتحية منو فتحية؟؟

خاله انهارت گعدت بالگاع تلطم ؏ رجليهه وراسهه، الموقف چان يخوووف اجسامنه اقشعرت بأشمئزاز من منظر الوصل..

-تبارك: يمة شجاچ فهمينه شوداچ للغرفه!؟!

بقيت ساكته ودموعي تحچي الموقف الصعب العشناه، خاله مستمره تبچي فحطانه ومغطيه وجهها، رجليه اخذتني للاوراق صار عندي فضول اشوفهن حتى لو ماقره مجرد اللقي نظره عليهن..