٢٦________٢٧
✩✩✩✩✩ ✩✩✩✩✩
"#ذيب_بابل"
بقلم: زهراء السلامي.
#بارت٢٦
لتنسون التصويت+ التعليق بين الفقرات+ متابعه لحسابي 🍁.
بيني و بين أحدهم منحدر صمت وفجوة عتب ، و جبل اشتياق .
✩✩✩✩✩ ✩✩✩✩✩
"تبارك"
گعدت من النوم عطشانه باوعت للساعه بـ 2:30 بالليل گمت اشرب مي بالمطبخ واسمع صوت قصيدة لـ باسم الكربلائي جايه من الحديقة، مديت راسي من الشباك اشوف واذا چان داغر گاعد ؏ كرسي بوسط الحديقه ويدخن..
طلعت اشوفه وانتبهت لـ نفاضه مليانه جگاير مبين چان يطحن بيهن وحده...
-ذيب شو گاعد؟
اندار يباوعلي ورجع عيونه گدام يباوع لقفص طيور الحب الموجود گباله...
-شمگعدچ؟
-عطشانه ورحت اشرب مي
سكت ماعلق ؏ كلامي واستمر يدخن ويدندن ويه القصيده..
"هذا الغريب منين.. وين اهله راحو وين... وين اهله راحو وين... مات بسجن مظلوم... وبيا ذنب مسموم... بيا ذنب مسموم"...
منسجم ويه القصيدة ويشهق من الجگارة ويحتفظ بالدخان بصدره بدون ميزفره ماعرف شلون يسويهه ومعقوله ميتأذه!! 9
-داغر محتاج شي؟
-چؤ (لا)
-شو سهران ماعندك دوام باچر؟
-نامي تبو
-ظل بالي يمك شبيك ضايج؟
-ماكو شي يابه روحي نامي
-ماشي براحتك بَـس ديربالك لا تمرض
ابتسم وگال...
-اموت ؏ الحنينه
-داغر والله ضجت عليك شبيك؟
-البنات نايمات؟
ونجمه؟
-هم نايمه
-قرت اليوم لو بعدهه مطنگره؟
-لا امي جبرتهه تقره
-داغر: بعدهه زعلانه؟
-اي يمعوود هاي نجوم دلوعه وماتتحمل حچايه ومن مارضيت تطلع ويه صديقاتهه زعلت
-ماحب صديقاتهه مامرتاحلهن
-لا شو حبابات البنات
-مادري گلبي يلعب منهن
-يعني اهلهن مو زينين لو شنو؟
-لا زينين بَـس شايفه ذني البنات المو راحة وعدهن سوالف من جوة الجوة بالضبط هيچ احسهن
-الله يستر هسة ؏ كلن امي گالتلهه بعد اذا تردين تشوفين صديقاتچ يا اما بالمدرسه لو يجن لبيتنه
