#ذيب_بابل
بقلم: زهراء السلامي
[البارت السابع والخمسون]
-آه يا بغداد وخدود معشوگتي 🖤
✩✩✩✩✩ ✩✩✩✩✩
واگفه انفض القنفات الفوگ وصعدتلي تبارك وجهها مصوفر، عرفت الموضوع متعلق بـ حمادة ماكو غيره شاغل بالهه هالفتره...
-شبيچ تبو؟
-لُباب بله اجه حمادة وذيب هم تعارك وياه؟ مادري اني غلطت من دزيتله الموافقه؟
-حبي اني احچي ويه داغر معليچ انتي ارتاحي ولتشيلين هَم ماطول الرجال زين ان شاء الله يصير من قسمتچ
-تبارك: هوه يحلف بطل سوالف البنات وماعنده شغلات مكسره صارله سنين من مات ابوه لسه لان هوه شال مسؤولية بيتهم بَـس بعد ماعرف خاف اتزوجه ويرجع والله حايره
-چان فاقد رجع، نجوم گالت فاقد كُلش سرسرلوغي چان يفقد ؏ النسوان وهاا اهاا من خطب نجمة لليوم داغر يگول هوه من الشغل للبيت ويطلع وياهم يغيرون جو سوه ولا بنات ولا ابد ماطوله مكتفي بيهه ميدور غيرهه صدگي واعتقدي
-ان شاء الله خير، امي فرحانه تگول عمة ام حمادة خوش مرة صح شويه صعبه بَـس حبابه واني شرطي اعيش بالحلة ماروح للعماره اخلي يأجرلي بيت قريب عليكم وهوه ينقل شغله هنا حتى ارتاح اكون بوسطكم
-خوش شرط عفيه عليچ ولتخافين انتي اليوم طلعي لأمه خليهه تشوفچ وبالليل اني اسولف ويه داغر ؏ كيفي
-والله مانسه معروفچ لُباب شگد وگفتي وياي وساعدتيني
-حبي مسويت شي ليش قليل انتي وگفتي ويايه، تبو انتي صديقتي واني احبچ لو بيدي اسوي أي شي حتى بَـس تتغير نفسيتچ وتعيشين بسعاده
-بعد گلبي
نزلت تبارك جوه واني كملت تنظيف، رحت اسبح وبدلت ملابسي حتى نستقبل ام حمادة رح تجي، اجن هند وملاك ونجوم والخبر السعيد الصدمنه من نجوم گالت بيناتنه وهيه مستحية..
-نجوم: بنات اني حامل
-هند: والله؟؟؟؟
-لُباب: مبروووك حياتييي
-تبارك: شلوون خبر يجننن وشلوون صدفة
-نجوم: يا صدفة؟
-تبارك: زينة صديقتي البارحة اتصلت بيه وهم بشرتني حامل
-لُباب: زينه اخت ابو لدغه؟؟؟ ليش هيه تزوجت اصلاً؟؟
-تبارك: يااا لُباب وين عايشه انتي عرس زينة صادف بيوم مهر نجوم حرمات مارحت وشفتهه
-نجوم: والله زين مابعتيني ورحتي لعرسهه
-تبارك: لاا شلون انتي اختيي المهم وفاقد شگال من عرف؟
