ذيب بابل

احداث جديدة

#بارت هدية الكم ❤️"

"ذيب بابل"

بقلم: زهراء السلامي.

يگول ذيب بابل..
هيَ صح شاگة هدوم گلبي بَـس والعباس احبهه ♥️

✩✩✩✩✩ ✩✩✩✩✩

-اتجرد من ملابسك

-ليش سيدي؟

-اتجرررد حاااالااااً

انتفض بمكانه وصار الرجيف ماله والي، كلهه تطاطگ تجردو من ملابسهم ووگفو صف واحد..

عطت بصوت مسموع اصيح لـ فاقد وخلدون، دخلو للغرفه وضربولهم صفنه ؏ الوضع، المحامي بصفي من جهة والمحقق فاقد من الجهة الثانيه وخلدون...

-ايي بعد روحي شلونكم؟

ضحك المحامي بلال بدون ليحچي شي وفاقد وخلدون سكتو متعودين ؏ الوضع..

-داغر: لاه لاه حبايب عيب تظلون ساكتين هاي مو من شيم الزلم

حچه واحد بيهم..

-سيدي والعباس ابو فاضل ماعلينه بشي

سمطه فاقد بدفره وعاط...

-شعلككك ابو فاضل لك *******
-سيدي بداعة الله احنه معلينه هيه طلبت احنه معلينه والله

-وينه اخو الضحيه؟

برز من بيناتهم مدنگ راسه وجسمه يختض مايهيد من الخوف..

-شرايك حجي بلال؟

-المحامي بلال: الجريمة جماعية واضح الموضوع اعتداء من الاثار الموجوده ؏ جسد البنيه الموضوع بيدكم سيدي بعد ما انطيتكم جميع الأدلة اللازمة والفحوصات الطبية وبعدما تجردو من ملابسهم شفت بعينك الاقصده

حكيت طرف شاربي وأمرت...

-فااااقد

-نعم سيدي؟

-تصرف كبد

طلعوهم وهمه يتصايحون ويعوون ويحلفون مامسوهه غصب، ذبيت نفس بتعب ورجعت ؏ الكرسي دگ موبايلي "امي" جاوبتهه وفوراً رجعت لشغلي هالايام هواي صايره حالات اغتصاب وسوالف غسل العار يوميه جايبيلنه واحد..

كملت شغلي قريب الـ 12 بالليل ورجعت للبيت هلكان، بعدني بالباب وسمعت حسهه اجت تركض عليه وفاتحه ايديهه مثل عادتهه كل يوم...

-بااابااا باااباااا

ضحكت وشلتهه من الگاع بحب بنيتي هاي شحمتي الصغيره...

-شلونهه ريحانة ابوهه؟

-ذينه (زينه)

-بعد روحي روحچ وينهه ماما؟

-نايمه

-شعجب

-اي مريذه ماما

-شنوو شبيهه مريضه؟؟