✩✩✩✩✩ ✩✩✩✩✩
"#ذيب_بابل"
بقلم: زهراء السلامي.
طبگت بارتين سوه لعيونكم الحلوة♥️+ لتنسون التصويت+ التعليق بين الفقرات+ متابعه لحسابي 🍁.
✩✩✩✩✩ ✩✩✩✩✩
"داغر"
چثمان مُحتظر يجثو علىٰ صدري
احجارٌ ثقيلة تكادُ تخسفُ ظهري
هوس العالـم الاخـر طغىٰ عليَ كُلي
يلاحقني من لا أرى و أُلاحق مَن فـي قلبي
لكن لا استطيع الوصول لـها فَـ هـيَ مُنـاي
أدمت المحاولةُ گثيرًا حتى ....
اصبحتُ گ الذئب قويٌ مُرهب العداة
لكن مُجردٌ من الحياة
اصبحتُ اشعر گ ان السماء سوداء مُلطخةٌ بالدماء
تمتدُ منهـا سلاسل لِـ تُقيد يدي ومنطقي
تقيدني و لا استطيع البوح عَن مـا فـي داخلي
تجعل قلبي يعتصرُ ألمًا بمُجرد رؤيتهـا
يسقطُ و ينهض ... يموت و يحيىٰ
يُريدهـا حُبًا و علاج و فـي نفس الوقت لا يُريدهـا لانهُ يعلم في قُربهِ أذاهـا
فَـ ما هوَ السبيل للتخلص من هذا العذاب النفسي والجسدي ؟
وما هـو الذنب الگبير الذي اقترفته لكي احضىٰ بِـ هذا العقاب ...واحيىٰ فـي واقع مُهلع من جميع الجهات؟
لكن بعد كل هذا وبعد كُل ما عانيته من مرار و ظلام انا لا استطيع تركها اريدها دواءٌ لِـ سُقم روحي فَـ هي الإمرأة التي حولت كُل الوديان المُعتمه بداخلي إلى ضوء و سراجٌ مُنير
اعشقها و اتمنىٰ أن لا تتخلى عني في منتصف الطريق اتمنى ان لا تكون گ العابرون الغرباء
اتمنى أن تكون دائمة البقاء ......
اني داغر قحطان من مواليد الثمانينات.. اشتغل ضابط برتبه نقيب بالاستخبارات، صعبه عليه احچي عن حياتي لان شگد ماردت ادور ؏ فد شي حلو بيهه او شي ممكن يكون مُنصف بحقي مالگيت..
عشت حياة تعيسه بكل معنى الكلمة، حياة ما اتمناها لعدويّ.. اهانه، عذاب نفسي وجسدي، جلد الذات كل يوم، ضغوطات من كل مكان واولهم ابوي..
اكثر من مرة حاولت انتحر واخلص من هالدنيا العوجه بَـس مشكلتي احب الدنيا واحب امي ما اتخيل افارگهه شي يوم ولا اتخيل انفصل عنهه وماسمع صوتهه..
حاربت هوواي ناس واولهم ابوي الي احبه حُب عجيب اني شخصياً استغرب من روحي شلون احبه وهوه اساس عذابي واساس كل قهر جاي اعيشه بَـس بعد مشاعرنه ما نسيطر عليهه واحبه ومن مات لهذا يومي ما ناسي..
من الصغر احس عندي وجهين، عندي شخصيتين، عندي عقلين، عندي گلبين...
هواي گالولي هذا مرض نفسي يسموا ثنائي القطب بَـس من رحت اراجع الدكاتره نكروا هالشي وگالو انته مريض بالوساس القهري..اكيد چذبتهم وماصدگت كلامهم گدام امي لكن بداخلي اني متأكد اني مريض بالوساس بَـس اخجل اعترف بخصوص هالموضوع..
