ذيب بابل

البارت21

#ذيب_بابل

بقلم: زهراء السلامي

[البارت الواحد والعشرون]

تنويه🚫: مُمكن هالبارت ميناسب جميع الفئات واعتذر ؏ الالفاظ والجرأة!

وأنا أخيطُ أجزاءَ جسدي
وأنا أرقعُ روحي
وأنا ألّمعُ وجهي ،
أحببتهُا🤎.

✩✩✩✩✩ ✩✩✩✩✩

لنعود معاً الى عام 1995....

-مررهه الي الي ولك الييي

-منااك ديور الي الييي

اهرول والكرة تدحرج بين رجليه، تعديت حمزة وعبد الله ومنير واخيراً استاذ جواد...

-استاذ جواد: مرر لـ مسلم بسااع....

ضربت الطوبه لـ مسلم ووگفت القط انفاسي، حطيت ايدي ثنينهن ؏ ركباتي واتنفس بتعب وكأن صايرلي ايام اركض، حسيت بواحد دفعني ؏ ظهري حيل وعاط...

-حمزة: هااا بااايد

-انچب حمزة احسن منك

-حمزة: ايي هههه ايي صححح

انغاضيت منه بَـس سكتت مابيه اسوي مشكله جديده ويجي ابوي للمدرسه يحاچي الاساتذه ويظل يلوم بيه ويكتلني ويگول تعبتني بمشاكلك...

مررولي الكرة مرة ثانيه وصرت قريب ؏ الگول وبركله قويه مني ركلت الكره واجت ترس بوجه استاذ امجاد..

عليييي ماصارت اله بهذا الجحش، هوه منا مايحبني ويوميه كاتلني من اسباب تافهه انوب هسة صارت الطوبه بوجهه.. وگفت بمكاني وعيوني تتابع لتفاصيل وجهه المعبسه وهوه يعدل بمناظره الطبيه...

زفرت بضجر من صاح....

-استاذ امجاد: داغر هنا بساااع

اشرلي بيده حتى اوگف بصفه، رحتله وصرت بوجهه ضبط مد ايده ولوة اذاني بقسوه...

-استاذ امجاد: تالي وياك رح تظل بهالمشاكسه

-اسف استاذ مو قصدي

-مو قصدك موو تعال وياي

جرني من اذني بقوه واخذني لوحده من الصفوف، ماعرف شيريد ولا اعرف ليش هيچ قاسي وياي غير عن كل الطلاب ويعاملني بحقد وضغينه...

-استاذ امجاد: افتح ايدك ولك

-استاذ اخر مرة والله ماعيدهه

-افتحهااااا

مديتهه گدامه وايدي ترجف خوف من هالمسطره الحديديه الحاده الي كُـل مرة يضربني بيهه ويسببلي الم فضيع واثآر فضيعه دليل ؏ جريمته...

صحت بألم "ااخخخ" من صار يضرب بقسوه وكأن عدوه گدامه، ماتحملت الوجع سحبت ايدي بعدما ضربني فوگ العشر مرات...

-استاذ كافي عليك الله

-استاذ امجاد: مددد ايدددك

-عليك الحسين كاافيي