ذيب بابل

البارت 31

✩✩✩✩✩ ✩✩✩✩✩

"#ذيب_بابل"

بقلم: زهراء السلامي.

لتنسون التصويت+ التعليق بين الفقرات+ متابعه لحسابي 🍁.

وين الله واجيج بليل
وخلي اهلج #يشوفونـي
وشحلاته الفصل من يصير
گووة وألج ينطونـي.....😍

✩✩✩✩✩ ✩✩✩✩✩

احچي واصيح ؏ كيفي وهوه بقى يفتح بالباب ويدفعهه عليه روحي نمردت وگمت ابچي بخنيگ حتى نفسي انگطع حسيت روحي دتطلع وايدي رح تنكسر من قوة الضغط، عليت صوتي نوعاً ما واعيط...

-اااايييييي كااافييي داااغرررر ايددددي ايييدددي شبييييك حممموتتتتت

اخيراً خف ضغط الباب ووخروهه عني، من الالم وگعت بالگاع وابچي، نفسي مگطوع وايدي تموتني..

-عززااا لُباااب هااي انتييي

رفعت راسي اباوع لـ شُعلة واگفه گدامي وجاحظه عيونهه..

گعدت ؏ ركباتهه گدامي وجرت ايدي تشوفهه...

-عززا العززانيي مادري هااي انتي عذرريني حبيبتي اسفه اني اسفففه

-لُباب: لعد منوو منووو وخري ايدچ

عتيت ايدي منهه بقسوة وانتبهت عليهه تباوع بره المطبخ، اللتفتت اباوع شكو بَـس مچان اكو احد...

-لُباب: شنو شبيچ؟؟؟؟

-شُعلة: لُباب اني كلش اسفه والله عبالي غير شيي وهسه هم حسيت بيي

-يعني شنو مثلاً؟؟؟

-شفت فد شي اسود خوفني دخل للمطبخ

-شنو هذا؟؟؟

-مادري مادري دخل للمطبخ ومن فتحت الباب ملگيته بَـس حسيت بشي وره الباب هذا السبب حصرتچ بالباب

-وذيب وينه؟؟ چان ورايه وين اختفى؟؟

-لعددد اني ليش هيچ خفتت شفته صعد فوگ بسااع

-انتي صدُك تحچين لو تكذبين عليه؟؟

-وليش اچذب عليچ؟؟؟حسينه ثنينه بصوت جاي من الصاله، نزينه فد نزه ووحده لزگت بالثانيه وابتعدنه وگفنه وره الثلاجة..

-شُعلة بهمس: لُباب شسالفه شنو الموضوع؟

-اشش مادري مادري

انفتح باب المطبخ وكأن احد فات بي واحنه نتراجف، مغمضه عيوني بكُل قوه ضامة وجهي بصدر شُعلة اخاف اشوف شي يخوف..

فزيت ؏ صوت صاح اسمي...

-لُباب؟؟؟ شبيچ؟؟؟

اللتفتت واني شفته لو حسيت ردتلي الروح، رحتله وغصت بنصه ضامة وجهي بصدره ولازمته من رگبته رغم ايدي دتموتني بَـس مو مهم المهم الجني ميجرني.. ابچي وارجف...