🌸 " حِينَ انوِي " 🌸
🍃 الحلقة الـ14 🍃
مر الوقت عادي تهدريز ودوة فاضية وانا عقلي مش معاهم بكل خايفة مهند يحكي لاحمد 😣 والله يقتلني بعدين ، عاد هو يدورلي ف سبلة ، جا وقت الغدي حطوه وانا متغديتش النية طاااايرة بكل ، وشوية وجاني ايوب روحت انا وجليلة حطيناها ف حوشها وروحنا ، حطني ومشا خشيت حولت وشاحي وخشيت نشرب ف لمطبخ
احمد نزل وخشلي / 😡😡 مداايرة مية عملة ف مرررة
انا انخلعت وتلفتله / 😨😨
احمد / 😡 طالعة من غير عبااايه وامس متسمعيش ف كلامي وبااايته برا الحوش بدون اددني ، تي والله نقتلك الله وجاني يجري وقام ايده وانا جتني الجرأة ننزل من تحت ايده ونهرب لداري ونسكرها
انا / امشييييي مرررض 😡 ،وخليته يقربع وولا على بالي لين مشي االتافهه ، طلعت من الدار وخديت حوايجي خشيت دوشت وطلعت لقيت ايوب خاش وجايب معاه شكاير
انا / جيت ، شن جبت معاك ؟
ايوب / حاجات ، بيجو حوش عمي خالد يتعشو هني ف الليل
انا / مش امس كنا مع بعض العفو ؟
ايوب / حتى عمك مش سالم منك 😲
انا / باهي به كلم جليلة تجيني
ايوب / جاية ف طريق
انا خشيت المطبخ ومعنديش نية ندير حاجة قعدت نتفرج وخلاص ، خشت جليلة وبناتها
جليلة / جوووري ؟؟
انا / ف الكوجينة تعالي
جليلة / خيرك مقعمزة بروحك زي لمريضة ؟
انا / لا تو نكلم جنوني ونمشي نقعمز بيهم ف الدار
جليلة / مبردك قصدي خيرا متقعمزش مع ايوب ؟؟
انا / والله ما عندي خلوق لحاجة ، قوليلي من جابك ؟
جليلة / جابني وسيم ، وليد عمل
انا / اها 💔
جليلة / بناخدك تقعدي معاي
انا / الله 😍😍😍😍😍
جليلة / الله منجسابش حوشي سعادة لهدرجة هههههه
انا / هههه المهم نطلع من الحوووش
جليلة / نوضي نوضي ورينا فلاحتك وابدي ف العشي انا بنتمدد شوية ظهري خلاص
انا / به ،
بندير مكرونة صالصة را
جليلة / ديري ..
خشت جليلة لداري رقدت وانا خشيت الكوجينة ، خلطت الصالصة وحطيتها ع النار ، وقعدت نضم ونغسل ف السلاطة ودور ونضم ف الحوش ، ساعة وناضت جليلة غيرت ولبست وقامت شعرها وبدت تساعد فيا
