🌸 " حِينَ انوِي " 🌸
🍃 الحلقة الـ28 🍃
لتاني يوم الصبح نضت شفت الساعة لقيتها ال3 😱 معقولة منوضنيش لتوااا ؟ ، نضت جري الحمام ولما طلعت فتحت روشن الدار ونسمع ف صوت دوشتهم يتغدو من الجنان
مهند / هيا يام صبيلي
فريدة / هيا هيا امرري لله من عزز ماكلتي
مهند / باه خلاص مش لازم
فريدة / تعالى هاك 😒
وشوية وجاني ..
مهند / نضتي !
انا / اي نضت..
مهند / جبت غدي من امي نحطه ع الطاولة تعالي هي ..
انا / هاته تو انا نحطه
مهند / لالا إنتِ تعالي بس..
انا مشيت معاه
مهند / قعمزي ، وقعمزت
حط صونية الغدا كانت لازانيا وحط معاها مشروب وعصير
مهند / اشربي عصير إنتِ متمسيشي المشروب
انا / مههند انا نحبه 😖 كيف بنتحمل تشربه قدامي 😖
مهند رده لتلاجة / خلاص مش ح نشرب ها ، ح نشرب عصير زيك
انا / علاش درت هكي ؟
مهند / هكي 💁 ، وبدينا ناكلو
انا / الحمدلله
مهند / كملي ، شبعتي علي هالشوية ؟
انا / لالا خلاص معش نقدر
وخشيت للدار وطلعت بلوزة وسروال ووشاحهم ولبستهم وطلعت
مهند / وين علي خير
انا / مننزل لعمتي فريدة شوية
مهند / ننزل معاك
انا / لا مش لازم عادي..
مهند / باهي انا بنرقد شوية
انا / اعطيني مفتاح الحوش كان هدا منقعدش نطق عليك
مهند / درتلك نسخة تلقيها ع الانتري
انا / باه ، ومشيت خديتها وطلعت لبست كندرتي ونزلت
انا / بست يا منصف
منصف / شوية ونكلمك هي ، وسكر الخط ، اووو مرت خوي العروسة مبااااارك مبارك
انا / يبارك فيك وين امك
منصف / تسألي علي أمي 😂 تي راقيلها الزيت منك ، واصلتها منك لخشومها مسكينة
انا / باهي وين امك 😒
منصف / فسط الحوش
اما / اوك يسلمو عطيتني جملة مفيدة الصراحة 💁
منصف / العفو ولو تفضلي ف اي وقت 😂
انا خشيت الحوش ودورتها لقيتها اضم ف المطبخ
