🌸 " حِينَ انوِي " 🌸
🍃 الحلقة الـ13 🍃
مشيت جيهة لبنات وقعدنا نهدرزو والرجالة يشوو وسلفات عمتي يشمشمو زي القطاطيس جو يجارو ع اساس يهدرزو مبرد عمهم 😢.. وشوية وخش " يونس " شفت لفرح متع هدا مني لقيتها مرتبكة .. خشت الحوش خشيت وراها ..
فرح / هدا اللي كنت خايفة منه انا يااا حليلي وووه عليااا 😳💔💔
انا / 😳😳 خييير بلاك من شنو خاايفة يا همي؟؟؟
فرح / هداا يونس ولد عمي . قداش ليه يزن يبيني ومدايرلي لعار . عارف بعلاقتي مع ايوب . يومها خشلي قريب فضحني قدام بابا وهو يعيط 😢
انا / تي علاش خايفة منه انتي فوتي امه انتي تبي ايوب وايوب يبيك فوتي عمه وايوب بيخطبك اساساً
فرح / انا عارفة ان ايوب ح يخطبني 😢 وانا منبيش نزن عليه ونكتر عليه يا روحي اللي فيه مكفيه .. بس خايفة عمي يكلم بابا وبابا يعطيه كلمة ومعش يوافق علي ايوب يبدا يقولي عاطي الكلمة لعمك وانتي عارفة 😢
انا / باهي خلاص انتي معش تبكي توا انا تو نتصرف باهي !
فرح / به 😔 ولبست حجابها وطلعنا
طلعنا ولقينا خوات يونس وامه ونساوين عمامه يهدرزو قعمزنا وقعدنا نهدرزو معاهم ولاحظت ان يونس يشوف هلبا لفرح وايوب وعيونه قريب يطلعو كيف فرح كانت مش لابسه حجاب ولما جي يونس خشت لبست 💔 وشوية وجابولنا العشي
جليلة ناضت تجري / 😷
انا / بتبدا عاد 😖 ونضتلها
انا / جوجو انتي كويسة ؟؟
جليلة تتنفس بصعوبه / كويسة كويسة غير مش متحملة حاجة فيها لحم ولا دجاج 😣
انا / قعمزي ع الكنبة هني . وقعمزتها . تو نجيك خليك . خشيت المطبخ جبتلها طاسة عصير وصونية فيها موالح اللي درناهم . كولي
جليلة / لا كليت مبكري مش جعانه
انا / تي كولي بلا جو انتي اللي ف بطنك كله رديتيه
جليلة خدت مني الصونيه / باهي انتي توا بري تعشي وف الليل بعد ما يرقدو نبيك انتي وفرح..
انا / خير شن في ؟
جليلة / غير بري توا ينادو فيك ع العشي
انا / به . طلعت ناكل معاهم وانا عقلي كله ف الموضوع اللي تبيني فيه جليلة بعدين .
كملنا عشي ونضنا لمينا الحوسة انا وفرح وحطينا الماعين ف الغسالة و سيقنا الكوجينه وطلعنا لقينا سلفات عمتي روحو وبيبدو يرقدو
سالمة / فرح بري فرشي ل بوك والولاد
فرح / ف الصالة ولا المربوعة الخارجية ؟
سالمة / اسألي بوك ..
فرح طلعت / بابا ؟ بابا !! . مكانش قاعد هو وخالد . ايوب بس قاعد
