🌸 " حِينَ انوِي " 🌸
🍃 الحلقة الـ15 🍃
وسيم / يمة ؟
فاطمة / شن في يا ولد ادوي ؟
وسيم / انا نبيك تخطبيلي
فاطمة / باهي الحمدلله 💓 واخيرا بتريحني منك وتفرحني بيك
وسيم / اهم حاجة ح نريحك مني 😖
فاطمة / امالا شنو ، وامتى تبيني نخطبلك
وسيم / تو الايامات الجاية انا نكلمها ونرفعك ليهم
فاطمة / كيف قصدك انت حاط وحدة ف بالك ؟
وسيم / اي مالا شن .. هي ما تبي شي توا؟
فاطمة / وين ؟
وسيم / بنخش نتريح شوية تعبان وبنصلح اوراق الطلبة
فاطمة / باهي برا استريح تصبح علي خير
وسيم / وانتِ من اهل الخير يا احلا ام ف العالم كله 💓😘🚶
فاطمة / 😊
.
.
.
وسيم /
خيرها النفسية هادي ؟! تكلمني شوية فجأة تسكر النت والتليفون ومعش تبي تكلمني ! شن يصير معاها ! ، وسيم انت علاش مقرر تخطبها ؟ مستحيل حب مستحيل ! زعما شفقة ؟ وعلاش بنشفق عليها :/ باه زعما حبيتها ؟ والنبي انوض انصلح اوراق الطلبة خيرلي
ناض وسيم خدا اوراق الطلبة وطلع للجنان وقعمز ليهم وبدا يصلح ، انا بالصدفة فاتحة روشن دار لبنات وشفتهه 💓 وااهٍ يا قلبي 💓 قعدت نشوفله وباين انه مرهق وتعباان ، بدون ما نحس خشيت المطبخ درت مق قهوة وحطيت وشاح علي راسي وفتحت الباب وخليته مفتوح ونزلت بشوية وجيت من وراه
انا / عادي نقعمز ؟
وسيم شافلي وابتسم / اي عادي قعمزي
انا قربت السلته وقعمزت / خود
وسيم / شكلك كيف مدايرتيه جديد
انا / قصدك مدايرتهولك جديد
وسيم / ليا انا قصدك ؟
انا هزيت راسي بمعنى اي /
وسيم / وكيق عرفتي اني هني
انا اشرتله علي دار البنات /
وسيم ضحك /
انا / خيرك تضحك ؟
وسيم / شي يسلمو بس ..
انا / رقدو امك وبوك
وسيم شاف الساعة / الساعة 2 ، ميقعدوش لتوا
انا / اممم ، باه انت شن دير ؟؟
وسيم / نصلح لاوراق الطلبة ، اليوم درتلهم امتحانهم
انا / وووه عليهم ما بعدهم
وسيم / وما بعدي 😖 ما فهمت شي من خطوطهم
