🌸 " حِينَ انوِي " 🌸
🍃 الحلقة الـ21🍃
محمود / احسن ما درتلها يا راجل والله تكسر الرقبة ، وحتى مرتي خالطتها بدت زيها واحرف
انا / معش تخلوهم يتلاقو هلبا
محمود / اصلاً انا بنطلع من الحوش
انا / علاااااش 😨😨😱؟؟
محمود / ناوي نديرها ثاني وناخد وحدة تانية
ايوب / شني مالا كاترات فلوسك 😂
محمود / برا روح
انا / حاط وحدة ف بالك ؟
محمود / بنشوف مروة بنت خالتي كان قالت باهي
انا / علي خير ان شاء الله
ايوب / ياويلك من حناااان 😂
محمود / تي طزززز معش هامني ، صح قبل كنت نبيها لكن توا معش تهمني هلبا تي يا ناس نقناقه . والله غير ع العشرة بس !
حنان جت / شن هي غير علي العشرة بس ؟
ايوب / ندوو علي سيارته قال يبي يبيعها غير ع العشرة بس
حنان / فكنا يا راجل من بيع السيارات نقعدو متشحطين بعدين
محمود / إنتِ معش تدخلي ف الحاجات هادي !
حنان / 😒 به انا بنركب را !
محمود / اركبي شن شادك أنا ؟
حنان وجهها احمر / بنتك ركبها إنت ، وركبت تجري
انا / علاش تحرج فيها يا محمود ، مش هكي عاد
محمود / منحرجش فيها لكن هيا مدايرة جو متحكمة فيك ، خليها ..
ايوب / باهي اللي استاقضت لعمرك
محمود / مكنتش واخد بالي ..!
هالة طلعت وركبت /
ايوب / سبحان الله يا ناس حتى من شكلها ومشيتها زي اللفعة
محمود / اتقي الله يا راجل 😂
ايوب / استغفر الله العليِّ العظيم 😊
محمود / بنركب نقيل انا ، هي تعالي بابا هي
انا / يا حلاني ني حبيبت عمتو
ايوب / تضحك الشينة وانا تخاف مني 😂
محمود / انت من ميخافش منك 😂
ايوب /😜😌💪
محمود / انفخ ريشك عاد .. وركب
انا / بتطلع عمل إنتَ ؟
ايوب / لالا اليوم نفكر نطلعو ناخدو حاجات لرمضان لان غدوا مش ح نفضا عندي حاجات نبي نكملها قبل رمضان
انا / باه خلاص خش إنت توا قيّل وبعد العصر نطلعو
ايوب / متنسيش تقولي لمهند اه .. وخش ايوب رقد وانا خشيت درت دورا وخشيت لداري وشديت تليفوني ملقيتش ولا حاجة منه اتصلت بيه كدا مرة مردش بعتله رسالة
