🌸 " حِينَ انوِي " 🌸
🍃 الحلقة التاسعة 🍃
جليلة / لالا احمد نبيها خليها معاي
احمد / لا وين يا جليلة ليها قريب اسبوع ونص ياسر خلاص .. وبعدين الصغار معندناش وين نحطوهم الا عندها انا والمرا نخدمو عارفتينا وهي بتشدهم
انا انصدمت من وقاحته / 😳💔
وسيم تكلم بعصبيه / و خيرا جوري متخلوهاش تكمل قرايتها وتخدم زيها زي نساوينكم ؟؟
احمد استغرب وشافلي متع شن في ؟ / اعتقد حاجة تخصنا هادي !
وسيم سكت / ...
احمد فنص فيا " متع ليلتك غبرة " / نوضي
انا نضت وانا نرعش وركبت فوق / ...
خشيت وتيت حوايجي وجتني جليلة
جليلة / اسمعي هاك تليفوني خليه عندك لو حاول يضربك اتصلي بأيوب بينا بأي حد
انا / باهي باه ديريه صامت كان شرين وهو معاي ياخده مني
جليلة / اهو درتهولك درقيه عليه
انا / ب باه 😣 ..
لبست عبايتي وطلعنا وباين علي جوه ان ح يقتلني وكلت امري لله 💔
.
.
وسيم / الو ايوب؟
ايوب / ايوا وسيم اهلين
وسيم / شن اخبارك؟
ايوب / تمام الحمدلله وانت ؟
وسيم / بخير والله . بنسألك وين انت؟
ايوب استغرب / انا ف القهوة اللي ف شارعنا علاش ان شاء الله خير !
وسيم / اسمع خوك احمد جي توا وروح بأختك وباين ف عيونه الشرارة شكله بيضربها ان شاء الله ميضرهاش بس زي المرة الاولى . المرة الاولى تنجا المرة التانية متنجاش رد بالك يا ايوب
ايوب انحرج / بارك الله فيك يا وسيم ..
وسيم / ولا يهمك . تصبح علي خير. وسكر
ايوب / الكلب اهوا ديما فاضحنا 😡 وروح للحوش قبلنا وقعمز ف الصالة يدخن 🚬
وصلنا حني ونزلت بضاعتي فتح احمد باب الحوش ودفني فيه بقوة جيت طايحة ف الصالة وخش وراي .. وقف ايوب وجي وقف قدامه
ايوب / علي شن ناوي انت؟
احمد / حول من قدامي يا ايووب 😡 حول وانا نقووول علاش قاااعدة غااادي
عاجبهااا الجووو الفاسدة اهيااا وجي شدني . ايوب جبده
ايوب / وخخر ايديك وخخر 😡 خلاااص عاااظ زودتهااا يا احمد فضحتنا فضحتنا يا راااجل قدام الناس كلها .. تي يا راجل قداش بتقعد تسمع ف كلام مرتك وتمشي فيك ؟؟؟؟ فيييق لعمرك را الناس كلها هكي تقوول عليك معقوولة ضارب اختك معقوولة؟؟
